السكن في مراكش هاجس يؤرق الجميع ماله حل يعني ؟!!!

هلا بالشباب

يا ازعط واحد والله شكلي مزعوووط ماعندي سالفة ههههههههههههه وبديت اندم اني حجزت للمغرب لو انا مخليها للفلبين زي العادة احسن لي هههههههههههههه

ياخي انا مشكلتي مشكلة انا ماعندي مشكلة ادفع التذكرة من كازا لاغادير واجلس فيها 5 ايام بعدها اطلع لمراكش بالباص بالتكسي رجليه اللي يجي لكن لازم خروجي من المغرب يكون عن طريق مراكش لاني قاص التذكرة من هناك غير مستردة ماقدر اغيرها

السؤال الاهم ياحبيبي صعبه ان لقحت والا ماضرها لا والله بيضرها كل جلستي بالمغرب 6 ايام لاني بطلع اسبانيا بعدها حرام تتنكد بالجلسة


خشوم طيب هل التكاسي رخيصة من اغادير لمراكش او افضل اخذ لي باص من الباصات

مرحب بالمزاعيط
انا سكنت الروز قاردن وكان جيد بس المشكله الي واجهتني انه بعيد وصعب تلقى سياره اجره واذا طلعت على روجلي امشي مده طويله في طريق مقطوع ولما اوصل سيارات الاجره خذ الاسعار المبالغ فيها لانك محتد
بس مراكش لابد من زيارتها تعطي نكه حلوه للسفره

خد لك شقة بجليز و ريح راسك

كل عام والجميع بخير

انا مثلك وحداني ودورت سكن ومن كثر ما اقرا قلت اكنسل
بس شوف مزاعيط المغرب كثير وروح واكتشف بنفسك
خلك حذر واسكن في المكان اللي تحب وادرس الوضع يعني كو تخربها ع طول
انا عجزت اكلم المنتجع وتدري اني ماحجزت الا لما قالي متوفر
وبعدها جاك السحبه فل يالطيب
الديره كبيره روح وجرب بس خل الحذر موجود
التجربه خير ب

اول شي كل عام وأنتم بألف خيرررر

ي حبيبي الأمور بسيطططة اذا انت لحالك ومو راااعي افلااام والله وش زينها الديررررة سالفة الأمان مدري من وين جبتووها

حسستونا بالمكسيييك تراهم شعب طيب خلك محترم ولا يهمك ولا تخاف أبد والسكن اي شقة راح تمشي امووورك

اهم شي شل سالفة الخوف والأمان بيد الله

وكل عام وانت بخير
وعيدك مبارك اخوي

المغرب كلها امان إن شاء الله

بس يقصد في مصطلح الأمان أنك أنت وضيفك الي معاك ما احد يمنعك بدخوله معك او يوقفك الدرك او العساس أو تكون ضحية سمسار نصاب

__________________
G I N
! ! . . . ♥ . . . ! !

البابليون او شقة عن طريق مكتب الغازي

وتري التذاكر تتعدل بدفع ضريبة

دايما احجز تذاكر غير مرنة واعدلها ب300 درهم اذا احتجت

طبعا اتكلم عن الخطوط المغربية

اغادير احبها اكثر من مرلكش

لكن الاسعار فيها نار من ناحية السكن

وكلها ثلاث اربع فنادق اللي ماكله الجو

وربعنا معبينها ع الاخر

المغرب كلها خليجين بعد العيد انا العام رحت وشفت

محمود ترى ماكنت اقدر اراسلك خاص ياليت تعطينا الاسعار اللي عندك اذا تكرمت وشكرا

شكلي بسكن بمراكش يومين اول ماوصل وبعدها اشوف وش الاوضاع واسحب على الباقي اغادير فعلا نار الفنادق واسعار خرافية غير تكلفة السفر الي اغادير شكلها مراكش والله يستر ماتخرب السفرة

طيب وين نحصل البابليون هذا في ررقم او موجود على مواقع حجوزات الفنادق ؟؟ ومكتب الغازي وين ذا بالسعودية او بالمغرب نبي تفاصيل لاهنت وارقام وروابط افضل لو موجود

ياجماعة بالنسبة للسواق بمراكش هل في احد عنده ارقام شركات مجربة وكم اسعارهم تقريبا لليوم شامل كل شي بدون مايقول عليك البنزين عليك الماء عليك وعليك ابي كم يكلف لليوم الواحد سواق مع سيارته