|
من اهم اسباب توافق الاصحاب ان يكون مودهم متطابق في كل شي اذكر ان في سفرات كان بعض الاصدقاء يفترقون في المغرب على اغنيه او بنت بل وصلت احيانا الى المضاربه ولا سيما ان بعض الضيوف يشعل نار الفتنه بين الاصدقاء فاذا كانت الصداقه هشه وضعيفه انقلبت الصداقه الى عداوه
Sent om my iPhone using مزاعيط المغرب |
اقتباس:
صدقت ياغالي لازم يكونو متوافقين في كل شيى اما النوعيات هذي للاسف تحزن مساكين والله يا اخي خويي مسافر انا وياه من قاره لقاره ونختلف ع .... او اغنيه لابوها صداقه |
سالفة يتهاوشون على بنت ياكثرها والله.
وانا ألوم بعض الشباب اللي يخلي أشكال معفنه تزايد عليه وعلى ربعه . |
في سنة من السنين عرض علي احد اصدقاء العمل ان يصحبني في سفري الى مصر حاولت اعتذر منه ولكنه الح واصر حاولت المح له عن نظامي في السفر والسهر واجده يقول انا معك لا تشيل هم المهم سافرنا القاهره ورحنا شقتنا وجهزناها بكل مايلزم من الضروريات والكماليات ويوم جت الساعه ١٢ لبست للسهره وصحت في رفيقي مشينا لقيته يغط في سبات عميق صحيته وشرحت له الموضوع قام لبس ومشينا على المكان الي حجزنا فيه اخذنا طاولتنا وجت الطلبات وبدات الاجواء المصراويه بعد شوي استاذن الرفيق وين يا فلان قال بروح الحمام راح الحمام وغاب حوالي ساعه ويوم طول قمت اروح ادور له ما لقيته سالت السيكيًورتي قالوا طلع برا لحقته برا ووجدته قاعد على الرضيف خارج المكان قلت سلامات وش جاك قال والله ازعاج انا انفجر راسي من الصوت قلت ايييييييه هذا البدايه حاسبت الطاوله وعلى البيت ونومه قمت من النوم حول الظهر ما لقيت الرجال سالت الشغاله وين فلان قالت طلع من الساعه ٧ طلبت الفطور وما يلزم وجلست انتظره يوم قرب المغرب الا هو شرف وين رحت قال اخذت لفه على الاهرامات ومريت المتحف ومريت مكتبة الزقزوقي اشتريت كتب قلت طيب وايقنت ان هذه السفره انضربت استمر حالنا على هذا الحال طبعا لست ممن يبيع رفيقه في السفر سايرته ومشيت معه وصبرت عليه وانضربت سفرتي في كل شي انتهت الرحله ورجعنا الرياض وفي المطار طلقت صحبته بالثلاث ومن بعدها حرمت اسافر مع شخص ما جربته في السفر السفر مدرسه من اراد تجربة الرجال فعليه بمدرسة السفر تغرب عن الاوطان في طلب العلا وسافر ففي الاسفار خمس فوائد تفرج هم واكتساب معيشة وعلم واداب وصحبة ماجد
Sent om my iPhone using مزاعيط المغرب |
اقتباس:
ولا لقى جوه العيب مو فيه ولا فيك المشكله في المود والجو كلن له جوه هنا تكمن المشكله |
اما قصتي انا حنا كان عددنا اربعه المهم ياطويل العمر الرجال يفرض رايه في كل شيى مسوي فيها ال king حق السفره مع العلم ان التنظيم وكل شيى عند واحد ثاني لدرجة انه يتدخل وخااصة اذا ..... هذا الضيف مايجي بكره غيره يافلان اقولك وحق الله يالله مشينا الامور بالدف وغيره ومن ظمن الاشياء تكسير في بعض كاسات الزجاج يطيح وحده نبلغه بكل هداوه انتبه يبو فلان لايجرح رجولك من غير زود كلام ولا شيى يعاند ويكسر ثاني مسوي بالغلط الطيب المهم في نهاية السفره ماطول عليك انا وواحد من الشباب اجلنا الرجعه للسعوديه ثلاث ايام ماعاد اطيق انا والشباب حتى نناظر في وجهه اووووووووووووووووووووف وخربت العلاقه ليومك ف الله الله ياشباب بالخوي الطيب او ريح راسك ورح لحالك |
افضل ما عملت في حياتي ان صاحبي واحد من اكثر من 11 سنه وكل سفرياتنا مع بعض وكل الطعات والمواقف بينا ولا تطلع
ولا احد يعرف ايش بينا لكن نصيحة محب للجميع لو تضطر انك تسافر لوحدك سافر ولا تاخذ واحد ما جربته بالسفر ونصيحه اخيره وممكن تكون مزعجه لكن انا من الناس اللي اطبقها ع نفسي وهي ابتعد عن التعرف ع الناس في الطائره وانت مسافر خلك بحالك لانه لاتعلم تاريخ وماضي هؤلاء البشر وجميع الناس والخلق اللي ما تعرفهم اشبههم انهم صناديق منهم اللي فيه بنزين ومنهم الماء ومنهم النفط ومنهم العسل ومنهم كنوز الطيب والاخلاق والذوق الرفيع ومنهم القنابل الموقوته ولك الاختيار في اي صندوق يقع حظك ونصيبك |
احسن الله اليكم كلامكم عسل صافي اشكر مروركم وتجاربكم الذهبيه ولذلك عندي مقوله ارددها سافر لوحدك وفي المغرب ما بتبقى وحيد
Sent om my iPhone using مزاعيط المغرب |
لا تقل عن شخص صديق إلا بعد السفر معه،
فإن السفر يكشف جميع العيوب. وسمي سفر لانه يسفر عن صاحبه، أي يكشف عن صاحبه. |
|
| الساعة الآن 07:07 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط