اقتباس:
المشاركة الأصلية كتبت بواسطة broonz
المهم يا مزاعيط
وش رايكم ما تشوفوا 725 ريال لليلة في أماديل كثير؟؟؟ هل فيه أحد يوفر سعر أرخص؟؟
اذا ناوي تسكن في اكادير عشره ايام فمافوق هناك عرض لعشرة ايام عند المؤيد اسال عنه طبعا بيقولك الاسترجاع ممنوع ومن هالكلام طبعا عادي اذا كنت مقرر وخالص
السؤال الثاني: هل وقت سفري مناسب؟؟ لاحظوا هذي أجازة الحج، زحمة أكادير تكون ولا فاضية؟
مناسب جدا وانا سالحق بك لكن مازال الوقت بدري
السؤال الثالث: كيف بيكون الجو في أكادير وقت سفري؟ عشان أعمل حسابي في الملابس
انا توني جاي والوقت الان اغسطس وجتني الحراره من لسعه برد وكنت توني صاحي من النوم وما اكلت شي والمناعه كانت زيرو والوقت كان عصر وكنت مكابر ولابس شورت صيفي
الخلاصه جو اكادير ما تعرف له ساعه برد وساعه كتمه وحر وساعه ضباب وسحب وشتيوه لكن يضل جو خيالي وخـــــطير وطراوه المهم جهز نفسك ببلوفر حاجه ثانيه لا تستغرب اذا ما اذن المغرب الا الساعه تسع الاربع ههههههه يعني النهار طويل
السؤل الرابع: هل فيه صراف في مطار كازا في الترانزيت، ابي احول فلوس من الريال للدرهم، ولا ما في صراف الا في مطار المسيرة اذا وصلت أغادير؟؟
للأسف لا يوجد الا في مطار المسيره لانك راح تنزل ومباشره على العبور وفي المنعطف يبدا الادفنشر والمغامرات مع الدرك اول مره تيجي للمغرب ؟ وهو في نفس الوقت يشيك على الاختام في جوازك !! ومن ثم يقرب منك وبكل استحياء وبجاحه ! ما عندك بخشيش ؟ انت وردك واسلوبك عادي لا تخجل خلك ابجح منه او ركبه اقرب سيكل مع ابتسامه صفراء او بخشش !! ومن ثم نزول درج على الصالات الداخليه ولا يوجد الا كوفي شوب واحد واذا تبي تدخن الدرج هذا لا تنزل اطلع فوق والدرج مسدود مكان دخان حتى الكرسي موجود طبعا بتحصل لوحه ممنوع الصعود للاعلى >> عرف المكان بالبخاشيش من الضابط !!
في مطار المسيره تختم جوازك وتعبي كرت الجمارك من الافضل التعبئه بالانقلش وتمر بسلام وتاخذ شنطتك ودرعم مع العالم ولا تلتفت للجمارك خلك واثق وماشي اشطفهم شطف اول ما تطلع منهم وانت متجه لبوابة الخروج بتحصل اكثر من صرافه وعلى ما اظن يوجد صرافه لاني سحبت وطلعت مطفي النور واول ما تركب يحضرون لك الشرطه طبعا انصحك تكون مغلف الشنطه بالتغليف البلاستيك اول ما يشوفها كذا يجيه الاحباط ههههههه برضو انت واسلوبك معهم !! واللي تشوفه !! ويحبذ ان تكون رحلتك في النهار الخيار الثاني اذا كنت مرتب مع سواق اعطيه خبر يجيك مع مواقف تاجير السيارات وما عندك احد واول ما تطلع من المطار اقطع الشارع وانزل للمواقف
تعليقي على اطلس مارينا مستوى النظافه والاثاث سيء لكن مقابل الراحه الى حد ما ! من ضيوف ومقاضي واكل مطاعم و ..
المارينا وفي بداية اللاكوت وبالقرب من روتانا كافيه يوجد صراف آلي "الحد الاعلى للسحبه الواحده 1500 درهم تضغط على 2000درهم يعطيك جوك وما يعترض ويطلع لك 1500" اخلاق الصراف ههههه و وبجانبه صرف عملات صرف عملات كما يوجد ميني ابراهيم للمقاضي الخفيفه ع المارينا بالضبط في المنتصف بين الكوفيهات
المرجان واسيما تم منع المشروبات الروحيه وانما توجد في عدة اماكن اخرى ويوجد في شارع مولاي عبدالله
أخيرا أتمنى اكون قد قدمت لك الاجابه الوافيه كما افادني هذا المنتدى الجميل بجمال اعضائه وأي استفسار انا حاضر
مشكووووووووووووووور أخوي برونز
وافي حبيب البي كفيت ووفيت
والمعذرة على تأخري في الرد
تابعت موضوعي الثاني ونسيت هذا