بحكم خبرتكم بمطار كازا .. يمدي ولا ما يمدي ..!

بس اعتقد لو اسوي طريقتك اخوي

اتوقع السعر بيصير دبل :morocco_5 (151):

انا سفرتي مطوله مو الان

ولاقي سعر الرحلة على الخطوط المغربية طبعا كازا-اغادير-كازا بــ 750 ريال فقط

يا سلام عليك !!!

أنا سألت السؤال هذا لأني كنت شاكك في حاجة .

الخطوط السعودية بتوديك كازابلانكا باعتبارها الوجهة النهائية لك لأن ماعندهم علم بسفرك لأكادير ، يعني شنطتك بتنزل في مطار كازا ، يعني أيضاً لازم تعمل check in للعفش والجوازات في مطار كازا ، لكن لو حجزك كان حجز واحد من الرياض الى اكادير ، الخطوط السعودية بتعملك حجز داخلي على الخطوط المغربية وتربطه مع حجز الرحلة الدولية من الرياض ، وبالتالي يكون عند الخطوط المغربية علم بالترانزيت الخاص بك وينقلون شنطتك مباشرة من طائرة الخطوط السعودية لطائرة الخطوط المغربية .

أنصحك تخلي حجزك واحد وليس اثنين ، علشان ترتاح ، لأنك لو عملت حجزين منفصلين ستضطر لعمل check in في مطار كازا للجوازات والعفش و check out أيضاً للعفش بفارق ساعة أو ساعتين .

اخوي انا فاهم عليك

وانا حجزي منفصل لآن وضعي ( مختلف )

والدي موظف بالخطوط السعودية

وموظفين الخطوط السعودية وابنائهم لهم موقع خاص بالموظفين اذا بغوا يحجزون طيران

موقع الموظفين اذا بغيت تحجز ما يقدر يعطيني رحلة من الرياض لـ أغادير

فقط يعطيني من الرياض لــ كازا فقط

لآن رحلة الرياض - أغادير تدخل فيها الخطوط المغربية وأنت كموظف ما تشملك الخطوط المغربية

فقط تشملك رحلة الرياض - كازا وأنت تدبر عمرك


أتمنى تكون فهمت علي :icon31:

اطلع على رحلة الساعه 11 .. لاتجازف كثير ..
انا قد طلعت على المغربية لاغادير وكان الترانزيت في كازا 3 ساعات .. لكن حجزي واحد مامنه خوف ..
انت حجزك منفصل ، فلذلك اي تأخر من الخطوط السعودية راح تتحمله أنت .. والفرق ساعتين الشكوى لله ..

اذا كانت رحلتك زي ماتقول ،، راح تختم جوازك من مطار كازا ،،

ثم تستلم شنطتك وبعدها تتوجه للصالات الداخليه وتقطع البوردنق وتركب الطيارة لأقادير ،،

وبإذن الله يمديك لأن أجراءاتهم سهله ولا تاخذ وقت ،،

لكن فيه شي مهم لازم تنتبه له ،، اذا كانت تذكرة اقادير اللي معك من ارخص فئة ،، فما تقدر تاخذ معك الا شنطة وحده ،، وأي قطعة ثانية راح تدفع عليها رسوم

واذا مامعك الا شنطة وحدة ،، ف ادعس ياولد

اتمنى لك التوفيق ،،

الله يعطيك العافية :)

بأذن الله على تخطيطك وراح يمديني ان شاء الله

وبتكون شنطتي معي اسرع علشان ما انتظر الشنطة بمطار كازا

ولو صار ما صار لا سمح الله وصار تأخير وراحت الرحلة

باضبط اموري بمطار كازا مع الخطوط المغربية وعلى رحلة الساعه 11:45

تأكد من امكانية تغيير الموعد في حال فاتتك الرحلة ..
بعض التذاكر ماتقدر تعدلها ..