ذهبو إلى المغريب اثرياء وعادو مديونين !!!

لاتستغربون يا اخوان . كلنا شفنا هذي العينات ومع الأسف هم من أقل الناس دخلا لكن تلقاه ماخذ قرض ويبي يستانس ويتوقع أن الوناسة ماتجي الا برش الفلوس .
أما الهوامير او رجال الأعمال فللمعلومية هم أقل الناس صرف في سهراتهم وغالبا تكون سهرات خاصة وبأقل التكاليف لأنه يعرف قيمة الريال وايضا هم اشخاص غالبيتهم راشدون يعرفون كيف يستانسون بأقل التكاليف . تحياتي للجميع

التقيت بشخص خليجي وللمعلومية ليس سعودي في دولة خليجية في أحد الكافيهات وكان جالس على الطاولة اللي جنبي طلب مني سيجارة واعتقد أن هدفه كان لأجل الحديث معي .
المهم بدأ علية علامات الحزن سألته مابك فقال لي أنه تعلق بحب المغرب وأهل المغرب وكان في المغرب قبل 4 أشهر وكانت اقامته فيها لمدة 14شهر متواصلة صرف خلالها مايعادل 1200000ريال نعم مليون ومائتان الف ريال وكانت كل مايملك .
المؤثر في القصة أنه يقول بعد ماعرفت من كان يحبها وتحبة بأنه افلس ولم يعد يملك شيء تخلت عنه .
وهو الأن يعض اصابع الندم .
طبعا القصة التي حكاها لي طويلة وفيها احداث مؤسفة لأ اريد ذكرها هنا ولكن ذكرت ملخص القصة حتى ينتبة المزاعيط من غدر الزمان ومن كنا نعتقد أنهم اقرب الناس لنا فكما يقال السعيد من وعظ بغيره. وأنا لا أعمم فما زالت الدنيا بخير وفيها من الأوفياء الكثير .
كما ادعوا جميع المزاعيط إلى وضع خطة زمنية ومالية قبل سفرك تلتزم بها مهما كانت الاسباب حتى لاتقع فيما وقع فيه اخونا كان الله في عونه . تحياتي لكم جميعا

" اتكلم عن التنقيط و أهله "

- لا تتوقع إنك بعد ما تخلص من رش الورق إنك بتكون في نظر الشخص اللي أمامك محترم و أنه راح يعجب فيك ، أنت عارف أنه لو ما فلوسك ما جاء ، أبداً اللي جالس تسويه هو دعايه لا أكثر و بـ فلوسك ، واذا جاء راح يجي من باب تعبئة الجيب فقط ، يعني إذا خلصت الفلوس ذي لا تتوقع إنها راح تجلس معك ، حدك تخلص فلوسك ، و تروح لغيرك .

صدقت ياخوي ولد الاشراف من باعت نفسها علشان الفلوس سهل تبيعك ...الله يكفينا وياكم شر الدنيا والعاقل من اتعض من غيره كما تفضل اخوي قيصراوي ..السفر مزاج وكسر روتين وتغيير ماهو تنقيط وسهر ونوم ويجلس 4 اشهر وبعضهم اكثر ليه ياخي ماوراك ام اهل زوجه اخوان بلد عمل ...تحياتي للجميع

صباح الخير للجميع
والله انا اشوف الكلام مطابق للواقع ميه بالميه انا رجعت من المغرب قبل اسبوعين واشوف النوعيه هاذي تزداد كل سفره وتصرفاتهم التي تخل اصبحت واضحه ومخزيه من شيلات وتنقيط ولبس زي الزفت وعدم احترام ومن بعض المواقف صادف اني سهرت في مكان تواجد فيه ثلاث اشخاص واحد مسوي الامير سعود اوتركي ماني فاكر كويس المهم يجي السهره الله يعزكم لابس علي البنطلون صندل وطول اليل مهمةالمرافقين الاهتمام بهذا الشخص يذهبون فيه للحمام ويرجعونه المهم عايش جوه وكل السهره تنقيط له ولحسن الحض انهم رجعو معي علي نفس الرحله عند وصولنا للسعوديه الامير والمرافقين يدرون عند الكداده التكاسي الرخيص ومستكثرين قيمة المشواااااار والله شي مخجل وين راحت الاماره ياشيخ طوطو هم هذول الي طالعين بقروض يعيش سفرته حياه مخمليه بالدين ويرجع يسدد طول السنه قيمة القرض هاي الطبقة التي لاتعرف في ثقافة السفر الا المال اما البرتكول والاناقه والادب فلاتعرفه ولم تسمع عنه اطلاقا انقذونا منهم ومن شيلاتهم ومن اشكالهم ومنهم صغار سن جاهلين ومنهم شيبان كبار في السن الافضل له البعد عن مايسي له ويحترم كبر سنه ويقدر شيباته افضل من ان يهينها في اماكن السهر بطريقه مهينه مذله نفسي ترجع سورياء عشان ما اشوفهم ويرجعون لدبكاتهم وتنقيطهم وخبالهم وهياطهم بعيد عن المغرب المغرب بلد الناس المودبه الراقيه امثالكم الاعضاء الحلوين والاداره الموقره حفظ الله المغرب ارضا وحكومتنا وشعبا وادام الله علي جميع بلادنا الامن والامان
اتاسف للاطاله وتحياتي للجميع

الشيلات والدبكه والتنقيط ثقافة الجحلط نقلوها للمغرب

كل يمد رجله على قد لحافه

كلا بعقله راضي

مساكم ورد

ماينقط الى الناقص المريض الطفران