عصابات حي المعاريف الدار البيضاء بزيادة حالياً

كازا فحالها فحال اي مدينة كبيرة وفيها كتافة سكانية كبيرة ومختلفة من المغرب كلو وكذلك جاليات اجنبية
كازا انا شخصيا كبنت كندور فيها وعادي وخاصة المعاريف كنمشي لو نتمشى وماكين الى يدوي معايا
المشكلة ماشي في البلاصة او المشكل ماشي في كازا المشكل فينا احنى وانا ماانكرش كاين الجريمة في كازا ولاكن
راه احنى بعد المرات بغبائنا كنخليو ريوسنا عرضة للناس تانية تسرقنا و تستغلنا .. الواحد لو مشى يتمشي فيها بتوقيت معقول يعني ماشي في نصاصات اليل الى كيكونو غير قطاطعية يدورو مكنضنش انك لو انت ماشي بنهار غيجي واحد يتعرض لك هادشي ماكيدخلش العقل
ومن الاخير كازا راه فحالها فحال اي مدينة غير المشكلة الواحد كيمشي ويحط راسو في نخالة وكينقبوه دجاج
لانه هو كيكون عارف شي عينة ممكن هي الى تتجيب لو القطاطعية متلا يكون عارف شي بنت شارع اكيد كيكون هي سبب لانه اصلا كيكونو معروفات من اشكالهم غير يشوفوك مع وحده هكاك غيعرفوك انك ماشي ولد البلاد و تقدر تتعرض للاستفزاز هدا الا ماكنتش هي نفسها متافقة مع القطاطعي يمصو دمك

لله يهدي ماخلق وكيف ديما كقول الى دار راسو في نخالة كينقبو دجاج