للمزاعيط المخضرمين حيره شديده ارجو المساعدة

سج القدم يا ضايق الصدر سجّه .. الايام حبلا والليالي مدابير
والماء من أكفوف المعاثير مجّه .. مابلّت الضامي كفوف المعاثير
لا أقبل عليك الصيف حرّه وعجّه .. وقامت تلوى في الرياض المعاصير
وللباب صوت وللشبابيك لجّه .. وضاق المكان وضايقتك التفاكير
اخذ جوازك للمطار وتوجّه .. صوب الديار اللي تحب المسايير
اما شمال ونيتك صوب طنجّه .. والا جنوب العاصمه صوب اقادير
جوٍ يرد الروح مافيه ضجّه .. بين الخضار وبين شوف الغنادير
راحه وفرقا العالم المستلجّه .. اللي على الزله تسوق التباشير
مع صاحبٍ من حيث مارحت وجّه .. كريم كف وكل راسه صعاطير
من طيب راسه صاير فيه رجّه .. ما قد حسب لا رباحها و المخاسير
هذي طرات العمر روحه و سجّه .. لاضاق صدرك واتعبتك التفاكير


الله عليك احمد بن زيدون