بسم الله الرحمن الرحيم
تحياتي لكم ايها الاخوان شخباركم ان شاء الله بخير
حبيت اطرح موضوع عن اسئجار السيارات بالمغرب
انا تعاملت مع كذا شركه منها افلون كار بالرباط الاخ سالم العراقي
والاخت مريم صوفيار كار
الاخ سالم سياراته متهالكه مبالغ فيها والشي الثاني انها يجيبها لك بالمطار 350 درهم واذا بتسلمها بالمطار 350 درهم
يعني لازم اسلمها لها بالرباط عشان مادفع 350 درهم
الاخت مريم ممتازه وتعاملت معها لكن عليها ضغط جدا
مره اتصلت بويوسف اسئجر سياره للعيد قالي ماكاينش والو كله عامر اتصلي صاحبي قالي اسئجرت من عند يوسف هل يوجد واسطه بالموضوع
المهم خلونا بالموضوع المهم
واحد من الشباب دلني على بنت تاجر سيارات وفعلا تواصلت معها وجابت لي سياره جديده 2014 الي المطار هونداي قير عادي 200 درهم اول يوم العيد
وكان تعاملها راقي
انا صار لي موقف بكازا والله على ماقول شهيد كنت راكن السياره بمكان ممنوع الوقوف وانا كنت بالكوفي مع صديق لما طلعت مالقيت السياره الدرك ساحبه طبعا كان الوقت ليل ويش الحل ويش اسوي
اتصلت بلاخت وخبرتها الحكايه قالت تغي سيارتك اليوم او بكره قلت خلني اختبر ها قلت اليوم قالت نص ساعه وانا معك وفعلا جاتني واجرت اتصالات مني مناك وعرفنا السياره بالشبك قالت تعال معي اركب وركبت معها فعلا لقينا السياره بالشبك حاولنا نطلعها ماقدرنا لازم شرطي وشوي جا شرطي وساحب سياره قالت خليك بالسياره لانك خليجي المهم تفاهمت معها وقالت جيب 200 درهم وعطيتها قالت تعال شيك على اغراضك الحمدلله الشاحن موجود والقارمن والدراهم للمواقف
المهم اخذت السياره وهي وراي وقالت اي شي تحتاجه حاضر هذا واجبنا وعملنا
كنت افكر هل لو صار معي بمكتب سيارات راح يعملي كذا راح يقولي روح للشرطه بنفسك مش اختصاصنا
واخص الا خ يوسف لما كنت ماخذ منك السياره وفي مراكش بالتحديد اوريكا كان عجله السياره خربان والشرطي اعطاني مخالفه مع انه صاحب السياره يتحملها ودفعتها وقلت لي راح تاخذها بالمطار لكن هيهات ماشفنا ولادرهم
فعلا هذي الاخت احرجتني بكرمها لولا الله م هي لتهت ماعرف ويش اعمل وراح ادفع بخشيش
طبعا اكرمتها بالف درهم هديه لها لاتنسون الوقت ليل واحنا مو ناقصين مشاوير شرطه
واشكركم واسف طولت عليكم