اقتباس:
المشاركة الأصلية كتبت بواسطة سامي الداخل
السلام عليكم جميعا
كيفكم ي اخوان ان شاء الله بخير
اخواني انا مع اربعه اصدقاء منطلقين الى مراكش ان شاء الله
طبعا ابي اعرف بعض النقاط اول طريقه
هي الفلوس
كيف احول الدراهم هل في اماكن تحويل اموال بمراكش وتكون مناسبه
ولا مكاتب بالرياض او من المطارات
وين الكويس والمضمون بنظركم والاريح
وطبعا من ناحية بطاقات الصراف
تنصحون استخدامها ولا اتعامل بالكاش انا وربعي
واذا نتعامل فما هو افضل بنك تشوفون
وهل بطاقه صراف عادي او انتمائية
والجزئيه الاخيره
بالنسبه للاكل سمعت ان من الافضل يكون طبخ بيت
يعني ناخذ اغراضنا من الرياض
ولا في سوبر ماركت بمراكش وتكون كل شي مسعر عليه
اسف اذا
طولت عليكم وانتظر افاداتكم ي اخوان
يعطيكم العافيه ع كل حال
هلا اخوي سامي من ناحيت الدراهم خذ معك كاش والصرافين في مطار كازا البنوك كثير دور عليهم وشف احسن سعر واصرف من عنده
واحسن اماكن صرف في مراكش في ساحت الفناء او فيه فندق اسمه الفاروق شارع الحسن الثاني انا اصرف عنده دايم
من ناحيت بطاقات الصراف خذها معك وخلها احتياط اكثر الصرفات الحين في مراكش ماتصرف اكثر من الفين درهم والبنك هنا ياخذ عموله انا حسابي في اﻷهلي وياخذ مني حوالي 35 ريال علي كل عمليت سحب والتعامل هناك كله باالكاش ومن ناحيت بطاقت الصراف تستخدم بطاقت الصراف العايديه
بنسبه لﻷكل والغراض فيه مراكز هناك مثل بنده والعثيم تحصل كل اغراضك هناك مثل المرجان وعندك كارفور انا من ناحيتي اخذ دايم معي رز وقهوه عربيه وبهارات الرز موجود بس دايم احصل رز بسمتي مخلص عند المرجان والقهوه العربيه مافيه هناك اذا كنت راعي قهوه خذها من هنا احسن لك