عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


موسوعه السفر الى المغرب كل ما يهم المسافرين الجدد الى المغرب من معلومات

بأختصار معلومات مفيده عن أغادير

إضافة رد
مكووع
مزعوط قدير
المشاركات: 210
تاريخ التسجيل: Feb 2014
مكووع غير متواجد حالياً  
قديم 2014-11-02, 01:08 PM
  المشاركه #1
Talking بأختصار معلومات مفيده عن أغادير

بسم الله الرحمن الرحيم




هذا موضوع أرى أنه ذو أهمية كبيرة , نضرا لما تحضى به السياحة الى
أغادير من اقبال وكثرة الا ستفسار عنها داخل هذا القسم بالتحديد ؛

فأنا أتمنى اني افيد الأخوة الي ينون الذهاب الى أغادير و أفيدهم قدر الامكان بهذا الموضوع .






أحس اني طولتها ..............................................


صلب الموضوع : أخواني أغادير ما هي حقت فلل ,,,,,,,,,,, من الأخر حقت اسكن في فندقك اسهر و تمشى برا الفندق و ارجع له ثاني
,,,,,, طبعا أكثر ما يميز أغادير عن غيرها كثرة الأجانب الي تخلي فيه شوية اريحيه عن غيرها ,,,,,,,,,











أولا راح أذكر لكم الفنادق و هي الأفضل بحكم تجربتي و راح أذكر لكم مزايا و عيوب كل فندق فيهم







صحارى


و هو من أكثر الفنادق شعبيه ,

ميزته يمكن ما تحصل فندق في المغرب مثله في هالمزايا ؛


1- داخل الفندق كل شيء متوفر أماكن السهر , كافيه , مطاعم , بقاله , قربه من المناطق الحيويه ,,,,,, ( لدرجة ان فيه ناس أعرفهم من أول يوم الى آخر يوم له أغادير ما طلع برا هالفندق , يعني من المطار ع الفندق من الفندق عالمطار هذي مشاويره , حتى حتى المقناص يا شيخ تقنص في اللوبي .


2- الأريحيه من ناحية التطويل على المسجل محد يقولك (أأ) .

3- ترقي أخوياك و ضيوفهم معك للغرفة حتى اذا ما كانوا من سكان الفندق بس اعرف كيف ( بدون محد ينتبه ) .




ههههههههههههههههههههاي و الأن حان وقت العيوب يا ويلكم :

1- الغرف صغيرة و سعرها غالي , 1400 درهم يعادل سعر سويت في الفنادق الثانيه .


2- التعامل (سيء ) للغاية من قبل المشرفين و بقية الموظفين من العساسين الي عند الباب الى ما لا نهايه و يحاولون قدر الامكان يشفطون من جيوبك .


3- اذا بغيت تدخل معك مشروبات الطاقة راح يقولك ممنوع ( كأنهم ما يجبونه الفندق ) فالطريقه الوحيدة عشان تدخلها من أول دخول لك بالفندق تحطها بالشنطة محد يقولك شي .


4 ازعاج ..... بشكل ما تتصوره ,,,, مو قلت مسموح تطول المسجل الحين ادفع ثمنها في النوم ,,,هذا ان نمت من الازعاج .


5- الجمهره الي عند الباب الي ما ادري وش تبي ,,,,,, الأمن تلقى مليون واحد منهم عند الباب الي انا اقصد فيهم العساسين ,, التكاسي الي عشره ينطون في وجهك ,,,
و المساكين الي الله يعينا و اياهم





أماديل
ميزته :

غرفه نظيفه ,خدمته ممتازه , تعامل راقي , هادي , شاطيء خاص , فيه نادي صحي و محلات ومطعم , متوفر فيه أماكن السهر , يسمح لك تدخل أخوياك من برا الفندق و ضيوفهم تحاول انه تكون بطريقة تسلل أو ب $ ............... قروشك , و موقعه مناسب ,,,

العيوب : اذا بغيت تتمشى لازم سيارة,



المارينا



المفضل لدي .......... و أنصح فيه


المزايا :
المارينا افضل مكان باعتقادي الشخصي للتمشيه و النقاهه بعيد عن الازعاج حيث الهدوء و السكينه و الاستجمام ,,, بحكم انه على المرسى يعطيك أشياء كثير من ظمنها :

المطل من الغرف الرائع على المرسى , الكافيهات الي على المرسى كثيرة ما أذكرها , و المطاعم نفس الكلام , وفيه محلات الملابس من ظمنها zara و لاكوست و محالات عطورات
روتانا كافيه و سكاي و ........ والي أكثر شي عاجبني قرب الكورنيش له مسافة مشي دقيقتين , و الكورنيش كله مطاعم و محلات و كافيهات .........
و أكثر مطعم عجبني على الكورنيش المطعم الهندي اسأل عنه على طول يدلونك عليه معروف ......... بس عيبه انه في اخر الكورنيش .....


وان بغيت تستأجر قوارب و الا جيت سكي انزل للريسبشن ( الاستقبال يظبطونك .... و جنب الا ستقبال النادي الصحي ... انا أقول لا يفوتك .


ترا كل الي راح ما تكلمنا الا بالموقع بس ..... لسا ما جينا الغرف ..............

طيب الفندق عبارة عن عماير جنب بعضها تطل على المرسى , تحتها مباشرة المطاعم و الكافيهات..


الغرف الستاندرد 1130 درهم فيها غرفه و مطبخ بار بلكونه (بعضها ما فيه بلكونه) مسجل , بار ,حمام, طاوتها للجلسه صغيرة و ما فيه الا كرسيين .

الغرف الديلوكس 1160 درهم غرفه ,مطبخ ,بار ,بلكونه, مسجل ,حمام , جلسة كبيرة وسط الغرفة , كنب + طاوله كبيرة , الغرفة أكبر .


السويت 1470 درهم غرفه , حمامين, مجلس منفصل كبير , مطبخ , بار , بلكونه , مسجل , كنب كبير + طاولة كبيرة + طاولة طعام .

سويت غرفتين 2400 درهم غرفتين , مطبخ , بار , مجلس كبير + كنب + طاولة طعام , حمامين, بلكونه .

* ملاحظة الأسعار الي ذكرتها أسعار المؤيد و الماتب الثانيه اذا جيت بتحجز من نفس الفندق يحسب عليك الدبل .

التعامل و الخدمة ممتازة , أجواء الفندق هاديه و حلوة ,,,,
أجمل ما فيه تمل تنزل تحت تتمشى على المرسى و الا الكورنيش بدون أي حاجة للسيارة ,,,,
عمال الفندق خدومين للغايه تأخذ أرقامهم و ترسلهم يجبون لك أي غرض في رأسك ........


العيوب :

1- البعد عن أماكن السهر بيحتاج لك سيارة .

2- ما يسمح بدخول أصحابك من خارج الفندق ولا ضيوفهم , فلازم اذا رحتوا قروب تسكنون كلكم في نفس الفندق و نفس العماره .

3- متشددين في سالفة الضيف ما تدخله بعد الساعه 8 ص .









أماكن لازم تروح لها









المرجان

سوق و سوبر ماركت ,,,, تحصل في أجهزة الكترونيه ,,,, مأكولات ,,,,,,,, المشروبات ....... عصيرات .... مكسرات ....الخ



المطاعم
الاسماعيلي و مجمعه ؛ الاسماعيلي لأكلات خليجية و عنده مغربيه , بس المجمع بتحصل فيه بقالات , و الصيدليه و مغسله انصحك فيها و حلاق محترم .


النهضة : اذا في راسك أكل مغربي لا يفوتك , و عليك بالطاجن .

المطعم الهندي : في آخر الكورنيش ......






سكاي كافيه

يفتح من 8 ص - 2ص هذا كافيه روعه له جوه الخاص و خصوصا ان جلست في الجلسة الخارجية المطلة على البحر , تبغى تفطر فيه , تتغدى , تتعشى , تتقهوى , و عنده أحلى شيشة
,,,, السهر فيه من 9م الى 2ص يجي المطرب .. و تبدأ السهره. وموقعه جنب فندق المارينا .


روتانا كافيه
من 9ص - 12 الليل , تتقهوى فيه تفطر , تتغدى , موقعه على المارينا , احسن وقت له من 5 م - 7م.



الخيمة

بفندق صحارى , نظامها طلبات في ثلاث مطربين واحد منهم يطربك بالعود , من 7 م - 11,30 م

موخيتو
بجوار فندق أماديل , الي يدير الحجوزات فيه اسمه (سيمو ), نظامه مطرب + دي جي منوع ( عربي - خليجي - غربي ) , الطاولات الصف الأول و الثاني لازم تفتح طاوله ,
الصف الأول 1600 درهم الصف الثاني 1200 درهم , يفتح من الساعه 11,30 م - 3 ص .

* تحذير بالنسبة للي شغال اسمه (سيمو) , خل التعامل معه رسمي و لا تأخذ و تعطي معه , ما أعرف واحد راح لأغادير الا اشتكى منه , و أنا عن نفسي تأذيت منه و عانيت معه
بس المكان حلو حرام تتجنب المكان علشان واحد مثله .


العنبرة

موقعه في فندق صحارى , من الساعه 12,30 الليل - 3 ص , نظامه فرقه موسيقيه و ثلاث مطربين و رقاصه , بامكانك اما تفتح طاولة ب 1500 درهم أو طلبات بس ما تكون في الصفوف الأولى .



ديسكو شهرازاد
موقعه بفندق صحارى , من الساعه 3ص- 7ص , الدخول اما بفتح طاولة تبدأ أسعارها من 1500 - 5000 , أو بتذكرة ب 100 درهم للشخص نظامه ديجي منوع .

* تحذير الي شغالين في هذا الديسكو يحاولون يدفعونك قدر الامكان , فاحذر منهم و لا تأخذ وتعطي معهم , و خاصة في و احد منهم سمين يلبس نظارات طويل يدخل في حنجرتك
ما عليه من احد و بكل بساطه يقول لك وين الزرقاء !!!!!!! يقصد ورقة ال 200 درهم , هذا اسوأ واحد فيهم , و اذا جاء احد فيهم يطلب منك لا تعطيه ما كأنك تسمع شيء
و خصوصا السمين الي قلت عمه ,,, هذا اعتبر ان ما فيه احد يتكلم امش و طنشه و لا تناظر فيه .



ديسكو اتلانتيك
موقعه بفدق اتلانتيك ؛ من الساعه 3 ص - 7ص , الدخول طاولات او بتذاكر , بست واسع , ديجي منوع , الي شغالين فيه محترمين .




ديسكو السوفيتيل

موقعه فندق السوفيتيل , من الساعه 12 الليل - 5 ص , نظام خواجات بحت , ديجي غربي بس , الدخول أما طاوله أو بتذكرة ب 300 في الويك اند و 150 في الأيام العاديه , التعامل فيه راقي و روعه .
*ملاحظة : ترا ما يدخلونك بأي لبس , لازم تجنتل و تلبس صح علشان تدخل , يعني مو تلبس مانيب قايل وتجي تبي تدخل .


أكتورز
موقعه في فندق أكتورز , نظام خواجات زي السوفيتيل , بس الفرق ان هذا حق شباب أكثر الي فيه صغار سن اكثر يعني تمقل .




التكاسي


بحكم انك خليجي راح يغلون عليك الأسعار هذا شيء أكيد بيقولك المشوار ب 50 درهم , فعلشان تتجنب هالشي ابعد عن التكاسي الي عند الفندق على طول امش شوي و وقف لك تكسي بعيد عن تجمعات التكاسي و قل له يشغل العداد , بيحسب عليك المشوار 7 دراهم الى 10 بدل 50 درهم .


طبعاً الموضوع منقول من مواقع اخرا في سنة 2013 يعني في تغيير في اسعار الفنادق فقط اما الوضع زي ماهو

وطبعاً انا ولا عمري جيت اغادير ورحلتي بعد يومين وجمعت لكن هذي المعلومات هههههههه
اللي عنده معلومات اضافيه يشاركنا
رد مع اقتباس
نواف الخالدي
مزعوط نشيط
المشاركات: 53
تاريخ التسجيل: Oct 2014
نواف الخالدي غير متواجد حالياً  
قديم 2014-11-02, 02:40 PM
  المشاركه #2
الف الف شكر اخ مكووع بصراحه كفيت ووفيت .. ومنكم نستفيد
رد مع اقتباس
f_ss
مزعوط نشيط
المشاركات: 60
تاريخ التسجيل: Aug 2014
f_ss غير متواجد حالياً  
قديم 2014-11-02, 03:00 PM
  المشاركه #3
شكرا علی المعلومات
ان شاء الله تستفيد منها بحكم انك ناقلها
جهد تشكر عليه
رد مع اقتباس
كنبغيكم
مزعوط برونزي
المشاركات: 619
تاريخ التسجيل: Nov 2013
كنبغيكم غير متواجد حالياً  
قديم 2014-11-02, 03:09 PM
  المشاركه #4
بصرااااااحة حطيت عصارة تجربتك الاغاديرية ... رووووعة ومرجع هام لمرتادي الفاتنة ماشاءالله عليك
رد مع اقتباس
 الصورة الرمزية Angellondon69
Angellondon69

بأختصار معلومات مفيده عن أغادير

المشاركات: 3,581
تاريخ التسجيل: Oct 2014
الدولة: سالفورد سيتي
Angellondon69 متواجد حالياً  
قديم 2014-11-03, 12:29 AM
  المشاركه #5
صراحه مخطط للرحله صح بس علي الله تعرف تطبقها علي ارض الواقع ..............بالتوفيق
__________________
ان تكون مجنونا في ارض الجنون خير من ان تكون العاقل الاوحد
رد مع اقتباس
غريب الطباايع
مزعوط قدير
المشاركات: 162
تاريخ التسجيل: Apr 2014
غريب الطباايع غير متواجد حالياً  
قديم 2014-11-03, 01:03 AM
  المشاركه #6
بصراحه برابو عليك جبت هالمعلومات ونت باقي مارحت الى اغادير
معلومات رائعه بس بنسبه لاسعار المارينا انت متاكد منها هذي بتكون عند المؤيد
لان الاسعار اغلى بكثير غرفه وجلسه 1450وغرفة بدون جلسه1350 وسويت 1850 طبعا بدرهم وهل اتلانتك هو المقابل لفندق اماديل وبعدين وش الخيمه حقت صحارى والله من الطفش انا امر واجلس هناك بعد الساعه 9 لانها قريبه من ماكدونالدز اتعشاوروح الخيمه اتقوى عندهم شاهي وشيشه واطلع لان كل الي فيها ساكنين بالفندق ينام وينزل الخيمه وتحصله اخر الليل في شهرزاد انا اشوف الاحسن
سكاي او قولدن كل الاثنين روعه وخلااااص اغادير مي زي اول تغيرت
رد مع اقتباس
 الصورة الرمزية Angellondon69
Angellondon69

بأختصار معلومات مفيده عن أغادير

المشاركات: 3,581
تاريخ التسجيل: Oct 2014
الدولة: سالفورد سيتي
Angellondon69 متواجد حالياً  
قديم 2014-11-03, 03:55 AM
  المشاركه #7
معلوماتك شوي قديمه من ناحيه الاسعار اعمل حسابك الاسعار ارتفعت كثير
__________________
ان تكون مجنونا في ارض الجنون خير من ان تكون العاقل الاوحد
رد مع اقتباس
saleh99
مزعوط جديد
المشاركات: 8
تاريخ التسجيل: Jun 2014
saleh99 غير متواجد حالياً  
قديم 2014-11-03, 04:14 AM
  المشاركه #8
اسعد الله صباحكم في كل خير اريد شقق فندقيه في اقادير تكون رايقه وكل شي فيها مسموح افيدوني يامزاعيط المغرب ارجوا الارسال على الخاص نادر ما ادخل على العام وشكراً
رد مع اقتباس
اكابر ماروك
مزعوط قدير
المشاركات: 246
تاريخ التسجيل: Oct 2014
اكابر ماروك غير متواجد حالياً  
قديم 2014-11-03, 04:20 AM
  المشاركه #9
اختصرت وأجملت يا مكووع

تسلم..أكيد راح تفيد كثيرين بهذا الموضوع اللشامل المتكامل

اسمحلي أعلق على نقطه جانبيه بسس
"""
* [COLOR=" red"]تحذير بالنسبة للي شغال اسمه (سيمو) , خل التعامل معه رسمي و لا تأخذ و تعطي معه , ما أعرف واحد راح لأغادير الا اشتكى منه , و أناعننفسي تأذيت منه و عانيت معه
بس المكان حلو حرام تتجنب المكان علشان واحد مثله """
[/COLOR]

اولا كلامك صحيح يجب تجنب عن أي شخص مشكلجي..
مثل سيمو هذا
لكن ترى اسمه مش سيمو :)

المغاربة ينادو أي شخص لايعرفون اسمه ب سيمو..مثل الخليجي اللي ينادي اي شخص يامحمد خصوصا الاسيويين

وهذي السيمو هي اختصار لكلمة ..سيدي محمد

ويعطيك الصحة
رد مع اقتباس
اكابر ماروك
مزعوط قدير
المشاركات: 246
تاريخ التسجيل: Oct 2014
اكابر ماروك غير متواجد حالياً  
قديم 2014-11-03, 04:23 AM
  المشاركه #10
ملاحظة ثانيه ..ترى ماعاد فيه روتانا كافيه في اقادير
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: بأختصار معلومات مفيده عن أغادير
الموضوع آخر مشاركة
مطلوب معلومات مفيده من مجربين 2014-02-22 04:13 PM
(( معلومات عن أغادير )) 2012-10-14 05:58 AM
(( معلومات عن أغادير )) 2012-06-05 10:11 AM
عدة مواضيع مفيده!!!!! 2012-03-14 03:37 PM


الساعة الآن 06:36 PM