تفرير رحلتي الاولى والمذرحه المجنونه بمراكش لمدة 10 ايام ( عليهم عليهم ههههه )

moom_2005

مزعوط مبتدء

المشاركات: 37

تاريخ التسجيل: Oct 2014

2014-11-10, 03:17 AM

المشاركه #1

تفرير رحلتي الاولى والمذرحه المجنونه بمراكش لمدة 10 ايام ( عليهم عليهم ههههه )

بسم الله الرحمن الرحيم

..

اول شي احب اشكر القائمين على المنتدى ماقصرو والله يعطيكم العافية من مدير المنتدى لأخر عضو سوى تسجيل بالمنتدى
صرراحه استفدت الشي الكثر بعد الله اكيد والمنتدى الجميل ذا

وبما اني استفدت من التقارير وتوني اليوم وصلت السعودية الحمد لله وبنزل لكم التقرير على حلقات على الايام وان شاء الله يعجبكم واعذروني اذا شطحت او شي تراني اول مره اروح المغرب وتعرفون انتم الزعطه مالها حل وتروني احب امسك خط واسولف يعني الله يعينكم هههههههه

..

طيب بدايه حجزت قبل شهر ونص على الخطوط القطرية وحن 3 اشخاص وسعر التذكرة للشخص كانت 2250 طبعا الاسعار ماتفرق واجد لاحجزت بدري او قبل الرحله بكم يوم لأنه ماكان موسم وهذي اهم نقطه عندي في كل سفريات .. وفيه مشكلة بالحجز بدري تنفس كل يوم تعد الايام ههههه والله ان احسها سنه من كثر ماطولت وجا اليوم الموعود للرحله طبعا اليوم اللي قبل ماقدرت انام افكر والشنطة خمسين مره افتحها واقفلها والرحله كانت من الكويت الساعه 11 بالليل وانا اقوم انا واخوياي من الساعه 11 ونجهز امورنا ونطلع للكويت طبعا اخوياي طلعو حول 4 مرات يعني خبرتهم حلوه وطول الخط سوالف وضحك والجو وقتها كان مشاء الله تبارك الله غيوم ورشاش مطر بالخط شي خيالي ووصلنا الكويت على 2 ونص ونروح الصالون وترتيب استايل وفره خفيفه وبعدها للمطار طبعا السياره وقفناها بالسالمية واخذنا تكسي للمطار ازين وندخل للمطار وكل واحد منا بيطير من الفرحه الحمد لله

وندخل ونظبط امور التذاكر ونقطع البوردنق وانتظرنا موعد الطياره وبعدها ركبنا الطياره طبعا ماكانت الطياره ذاك اللي اوكي يعني حليوه تحس انك بالخطوط السعودية وانا مظبط سمعتها عند اخوياي ويوم دخلنا الطياره طلع مافي شاحن ولا افياش وتزق معهم ويطالعون فيني وعيونهم تقدح شرار ههههههه لاني قد طلعت لماليزيا وكانت حلوه وفيها افياش ويو اس بي عشان نشحن الجوالات المهم وحوالي 45 دقيقة وحن بمطار قطر ومشاء الله يالمطار اشكرهم مطار توب التوب بسس انه كبيير وتتعب من كثر ماتمشي عشان تروح لبوابتك طبعا كلها هروله عشان متاخرين شوي الطيار جالس يفتر فوق قطر مدري وش عنده هههههه وبعدها دخلنا للطياره والمتوجه لكازا فديتها ونركب وماهيب فل الطياره مخطط اني اخذ لي 4 كراسي ونوم بس بعد الاقلاع المهم وانتظر بعد الاقلاع ابو خمس دقايق واقوم ادور كراسي الا كل العالم كل واحد ماخذ له 4 كراسي ومتغطي ونووم وانا تزق معي وارجع للكرسي حقي جمب الدريشه واتابع لي فلم وبعدها اخذت لي غفوه كل شوي اطالع بالوقت تعبت نفسيا ابي اشوف المغرب اللي يتكلمون عليها وعن الدخول والتفتيش والجمارك مشدد على اخوياي مايبخششون احد وحوالي 8 ساعات لين وصلنا الحمد لله مطار محمد الخامس عالساعه 9 الصباح وكل واحد منا ضحكته بتشق خده ههههههه

واخيرا تحقق الحلم وننزل المطار وطبعا معبي الورقة بالانجليزي عشان محد ياخذ علي مدخل ههههه ماخذ بكلامكم الله يعطيك العافية ونصف مع الناس شوي الا واحد يشوفنا ويقول تعالو المسار فاضي الاخير وروح فيه وقلت لخويي لاتعطيه شي اعرف حركاتهم شوي الا الاخ يبي يمطرنا على ناس ثانيين انا ماعندي مشكلة بنتظر الا ينادينا العسكري والاجانب يتكلمون ويصايحون نو نونو ومدري وش وجا واحد رتبه كبيره ورجعنا بالصف كلمناه قلنا هو اللي نادنا قال صفو المهم ونرجع نصف وزاقه معنا سلامات الوضع طقطقه ووصلنا وختمنا الجوازات الا العسكري اللي قبل فاتح لنا الاصنصير يبي يدخلنا عشان نبخششه وانا اسحب اخوياي ونسحب عليه ينادي ولا كنك سمعت شي هههههه قلت خلك مع الجماعه ارحم مالها داعي تتمصخر مره ثانيه وننزل من الدرج المتحرك الا خمسين واحد ينتظر وكل واحد يدف عربيه ويسحبنا واصايح عليهم قلت حن عندنا ايادي وارجل حنا بندف بنفسها مشكورين وكل شوي اقول يعطيكم العاااااافييي واتذكرها انها سبه عندهم وواسكت هههه وناخذ عربيه ونروح بنفسها ننتظر الشنط لين جات وانا اطالع داخل لحد يطيحها عشان ياخذون علينا دراهم ويقولون نطلعها وقروشة عارف لهم

وبعدها دفينا الشنط شوي الا واحد ينشب ويقول بظبطكم بدون تفتيش لأن معنا ديجي سحب ومعنا شيشة وعصير من قطر المهم مانبي نتقروش قلنا تم شوي الان يطالع فينا المفتش وياشر لنا تعالو انتم صيدتي تعالو هههه ونروح لهم يقول افتحو الشنط ونطالع باللي قروشنا ويقول مابتتفتشون واقول له سير سير خويا هههه وراح ويفتشنا المفتش وربي مدري كيف ماخلاه يشوف المعسل وشاف العصير وقال ممنوع ومدري وش وخويي دفه ب 200 درهم وقالو صافي واخا سير ومشانا الحمد لله وطلعنا الا موظف المكتب ينتظرنا عنده بالواتس اب صورت خويي وصاده اول ماطلعنا وقاله فلان تعال ورحنا وياه طبعا مكتب جون رينت كار اظن كذا المسؤوله عن المكتب اسمها شفيقة الله يعطيها العافية تخيلو بدون ماتاخذ الجواز ولا الرخصه ولا شي عطونا السياره طبعا واسم عالمكتب جو كار رنت او شي حول ذا الاسم نسيت والله خويي هو اللي مرتب وياها

صرفنا من بنك الوفا اخر واحد باليسار لأنه سعره يقول خويي ازين واحد وصرفت 11 الف ريال وعطتني حول 24 الف درهم والقطه كانت كل واحد من 10 الاف ريال سعودي للسكن والطلعات والسياره بس انت عليك فلتك واللي تصيده عرفتم قصدي وانا قلت بفلها واطلع وامذرح عشان كذا ماخش وياي بطاقة صراف وفيزا احتياط المهم وناخذ السياره ويتجمعون علينا اللي يشيلون الشنط وقروشة وركبنا السياره وخويي اللي ماجر السياره شكله كويتي المهم ونسحب عليهم ويقوم يصايحون وصدام ومدري ولاكنك سمعت شي اسسحب يبوي ورانا خط ههههه طبعا اجار السياره اليوم ب 130 ريال سعودي والسياره صغيره سعرها حلو ونتوكل على الله ونمسك الخط وضحك وسوالف ونوقف بمطحة افريقيا اشكرهم والمحطه ترتيب مشاء الله وطبعا تعرفون الدعسه على 170 والضعط على 6 السياره شوي وتموت مافيها حيل ههه شوي والا يصيدنا الرادار قبل مدخل مراكش ويجي العسكري ويقرقر ومخالفه ب 700 مسرعين انتم المهم حن ضيوف وذي هديه ياليت تمشينا والله تعبانين ونعطيه 600 وتشق وجهه الابتسامه ويلا الله يحفظكم سيرو

وبعدها دخلنا مراكش وانا اشوف الوضع قلت وش ذي الديره مافيها شي لأن كان حاجز خويي بالروز قاردن والحق ينقال والله المنتجع ترتيب من اوله لأخره من البوابين ومن الموظفين ومن الخدامات وكل شي الله يعطيهم العافية صراحه شغل نظيف وناخذ فله 3 غرف ومطبخ خارجي مع الطباخه ب 3450 اظن كذا او حولها لليوم لمدة 10 ايام وبعدها دخلنا الفله وركض كل واحد للغرفه والحمد لله انا اخذت اطلق غرفه محضوض هع سرير نفرين وحمام وبانيو وترتيب اطلق غرفه من الغرف الباقيه والحمد لله العيال ماكتشفو انها اطلق غرفه الا 3 يوم بعد مانزل كل واحد اغراضه هههههه وبعدها اخوياي مرتبين اوضاعهم كل واحد معه خوييه يعرفه من زمان الا انا المشلوت فيهم وتجي الطباخه وتعطينا الاغراض وللمرجان يبوي ونقضي ب 2150 درهم وحولها طبعا نص الاغراض ماعرفناها جا ويانا واحد ولد مغربي صغير وماقصر ساعدنا وبعدها حاسبنا

ورحت لماك اطلب منهم الا اشوف ذاك القطو اللي يمر ويطالع فيني وعرف اني خليجي ويغمز لي ويعض شفاه وانا اروح وطي يالله بداية خير ههههههههههه واسحب على خويي والحق القطو برى المجمع الا هو طلع للخط واشغل السياره وادز لهم واوقف جمبه واوقوله على وين الزين رايح ومخليني ويضحك قلت عطني رقمك وقال وصلني قدام وانا مادل شي واركبه وياي واوصله للتقاطع اللي الجاي وسجل رقمه بجوالي ووقتها خويي يدق علي وانا احمر احمر ههههه تعرفون الوضع مزري وقتها وانا اول مره اظبط الوضع كذا وانزله القطو وبعدها ارجع لخويي الا يطالع فيني وشوي يذبحني طلع اثنين يلحقون وراه ومقروشينه يبون يعطيهم دراهم ونركب الاغراض السياره وقالي وين رحت قلت صيدت يبوي ويطالع فيني وينجن يقول كيف توك اول مره تجي انت وعلى طول انشهد انك محضوض ههههه وبعدها وانا مبسوط والضحكه ماتفارقني

ونرجع للفله وننزل الاغراض وادق على القطو سوالف وضحك طبعا اخوياي كل واحد جا خويه وانا لحالي بالصاله جالس واكلم القطو وضحك ونص كلامه مافهمته وانا كلامي سريع نصه مافهمت شوي قلت انا عازمك للفله نتعشى سوى الا صدمني يقول انا ذكر وانا انصدم قلت وش تقول انت قال انا بكر ههههههههه قلبي وقف وقتها ماعرفت وش اقول قلت خلني شوي واكلمك مرهه ما اجيب العيد وسحببت عليها وترسلي رسايل وانا مارد ماني من النوع اللي يجيب العيد كذا ويعميها المهم وطلعواخوياي وسوالف وضحك لين الساعه 10 بالليل وبعدها تعبانين هم راحو ينامون وانا اطالع يمين يسار مرهه ما انام بالمغرب خليها وعليها

وافتح الجوال واطالع واسال الا النرجس حولنا وقريب وابدل وللنرجس خلنا نشوف الجو وادخل له الا جوه حليو وقلت للي دخلني ابي عالبار وخلاني على طاوله وطلبت مشويات وبارد وانا مامعي بجيبي الا 600 درهم لأن دراهم خليتها بالسفتي بوكس وقلت خلني اساله عشان مره مااجيب العيد قلت له كم حسابي بعد كذا ابو ساعه يعني الساعه صارت 12 ونص قالي 1600 قلت ليه انا قلت عالبار ويكلم المسؤول ويحولني عالبار ومعي مشوياتي واغراض ههههه واتكي لين صديت المهم وانقز واظبط اموري وقلت له تم على السعر واتفقنا واخذت رقمه وقلت له مشينا قال انا مع اختي نص سساعه واجيك قلت تم انا على نياتي واطلع للفله وانتظر وانتظر3 مرات اكلمه يقول جاي بالطاكسي قريب وجات الساعه 4 ونص قلت له انا بنام انت ماقدرتني يلا سسسسلام وتبعص ام الجو وانام الا الساعه 7 مرسل لي رساله يقول وينك واطالع بالرساله واسحب عليه عرفت ان نظامه يبي يختار اخر السهره ويطقق وانا ماحب الحركات ذي اتفق مع احد يسحب علي وانام وعلى الساعه 3 اقوم ونفطر انا واخوياي الا ذاك ذاق علي 4 مرات الساعه 8 سلامات ههههه واسحب وضحكك وسوالف لين 6 واكلمك اقول سلامات ويقول انا داق عليك وهو كذاب مادق علي ولا شي

وبعدها نطلع للنخيل رحنا الصالون والا ذاك الطير قدامي شفت ببرنامج عندي بالجلكسي واطالع الا هو والله ويطالع فيني ويضحك ورجعنا للفله واكلمه على البرنامج الا طلع هو وضحك وسوالف وعزمته على العشا طبعا اللي امس بالنرجس كلمني ويقول بيجي على الساعه 2 انا حاطه احتياط وقلت بمقلبه موب انا اللي يطقطق علي المهم ونتعشى وسوالف وضحك لين 1 وشوي الا اللي بالنرجس يدق علي ومارديت عليه انا امس وارسلت له قلت 1 - 1 والبادي اظلم المهم ويموت قهر ويرسلي رسايل انت وانت وانت وانت وانا ماحب اسويها لاكن ابيه يحس باللي صار لي امس بعد ماعطاني كلمه ووعدني وسحب علي وبعدها خليته وتكيت مع اللي جا وياي من النخيل ونمنا على الساعه 2 الظهر صحيت والفطور جاهز يالله لك الحمد .......

يلا ذا اللي لليوم وبكره ان شاء الله نكمل وياكم قصدي اليوم بسس اني بنام تبعان وان شاء الله مايصير الا كل خير

مهند الشمري

مزعوط نشيط

المشاركات: 83

تاريخ التسجيل: Jun 2014

2014-11-10, 03:50 AM

المشاركه #2

الحمدالله على السلامه يابطل

LT.MOHANAD

حموودي الشمري

مزعوط نشيط

المشاركات: 115

تاريخ التسجيل: Aug 2013

الدولة: حائل

2014-11-10, 04:02 AM

المشاركه #3

تقرير رائع حمستنا بلله ماتندم ع سفرياتك لدول الثانيه بعد ماطبيت المغرب والحمدلله ع السلامه

al7anoooon

مزعوط ذهبي

المشاركات: 1,034

تاريخ التسجيل: Sep 2014

الدولة: البحر

العمر: 46

2014-11-10, 05:58 AM

المشاركه #4

الحمدلله على السلامه

ما شاءلله عليك

تقرير ممتاز وسرد اجمل

منتظرين الباقي

Angellondon69

تفرير رحلتي الاولى والمذرحه المجنونه بمراكش لمدة 10 ايام ( عليهم عليهم ههههه )

المشاركات: 3,582

تاريخ التسجيل: Oct 2014

الدولة: سالفورد سيتي

2014-11-10, 07:07 AM

المشاركه #5

تسلم ريح واطرب الشباب بمغامراتك

__________________
ان تكون مجنونا في ارض الجنون خير من ان تكون العاقل الاوحد

مجنون الكبيده ديالي

مزعوط فضي

المشاركات: 710

تاريخ التسجيل: Mar 2011

2014-11-10, 07:08 AM

المشاركه #6

سلامه الاسفار المهم انك انبسطت وغيرت جو وعجبتك المغرب وشفت معالمها وشوارعها

Talal_012

مزعوط قدير

المشاركات: 180

تاريخ التسجيل: Sep 2014

2014-11-10, 10:20 AM

المشاركه #7

الحمدلله على السلامة أخوي

وتقرير جميل وسرد أجمل ؛؛ متابعين معك

بس عندي تعليق

الشرطي الي وقفكم على مخالفة السرعة وعطيتوه 600 درهم ..!

كان قلت له ما راح اعطيك الا 100 أو 200 درهم بس

ولا عطني المخالفة

في هذي الحالة بيوافق على طول

لآنه لو عطاك ورقة المخالفة ما راح يكسب شيء

مجنون الكبيده ديالي

مزعوط فضي

المشاركات: 710

تاريخ التسجيل: Mar 2011

2014-11-10, 11:10 AM

المشاركه #8

ممكن كم سوال الله لايهينك

ويش عجبك بمراكش هل رحت سيتي فاطمه شلالات اوريكا اوكيمدن

رحت ساحه الفنا شربت عصير رحت تتمشى بشارع قليز

حديقه مارجويل

هل جربت الطنجية المراكشيه اللذيذه

هل زرت علي بن فلاح

هل زرت قصر الباهية

الكثير من الاماكن انا لست خبير ولا قديم بالمغرب

لكن من خلال تقريرك ماستفدنا شي غير صيد طيرك وطلع بكر وصيدت طير ر وماجاك واتصلت عليه ولاجاك

حبيبي انا لا انتقد ولا اقلل من قيمتك لكن سهراتك وصيدك شي شخصي مايهمنا يهمنا الاسعار انطباعك ملاحظاتك

ارجو ان تتقبل مني بصدر رحب فنحن اخوه هنا

التعديل الأخير تم بواسطة مجنون الكبيده ديالي ; 2014-11-10 الساعة 11:23 AM

متيم في المغرب

مزعوط نشيط

المشاركات: 63

تاريخ التسجيل: Jul 2014

2014-11-10, 11:59 AM

المشاركه #9

الحمدلله على السلامة

تقرير رائع وسرد اروع

سجلني متابع معك

تم الإرسال بواسطة iPhone بإستخدام مزاعيط المغرب

جورجيا

مزعوط نشيط

المشاركات: 74

تاريخ التسجيل: Nov 2014

2014-11-10, 01:18 PM

المشاركه #10

سجلني متابع بس لا تتاخر علينا

المواضيع المتشابهه للموضوع: تفرير رحلتي الاولى والمذرحه المجنونه بمراكش لمدة 10 ايام ( عليهم عليهم ههههه )
الموضوع	آخر مشاركة
لهم حقوق وليس عليهم...واجبات	2016-11-12 12:31 PM
ياشيخ ماتامر عليهم بغاره//كود الجروح اللي على القلب يبرن	2015-06-27 04:27 AM
سكن لمدة 3 ايام بمراكش	2014-08-06 10:14 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تفرير رحلتي الاولى والمذرحه المجنونه بمراكش لمدة 10 ايام ( عليهم عليهم ههههه )

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)