تحذير لمن يذهب الى مراكش

هذي القصه صارتلي في اول رحله لي بالمغرب قبل تقريبا 8 سنوات وقتها الدنيا هانيه ومافي مشاكل ولا شي طبعا قبل الربيع العربي

السالفه كنت مع صاحبي راعي التاكسي نتمشي بعين دياب وشكل راعي التاكسي خليجي مسوي سكسوكه وما تفرق بينه وبين الخليجي
جلسنا نمشي بالكورنيش وقال بروح السوبر ماركت اجيب عصير ودخان وقلت اوكي انتظرك هنا واول ما مشى
جوني اثنين بنت وولد ورحبو فيني وانا جالس بالزاويه ادخن وقالو عندنا عروض وجوايز ممكن نسئلك قلت لا قالو سوال بسيط قلت انا مشغول
واعتذرت منهم بادب لان مابي وجع الراس وعارف وش نهايتها معاهم
فجاء البنت شتمتني وقالت انت مو رجال ولا خايف !!
افا هنا بدا الغلط وعلى طول رديت عليها وجاني المغربي يبي يتضارب معايا واول ما بدا يمسكني جاء راعي التاكسي جري
يدافع عني وقال ايش صار قلت صار كذا وكذا فجاء راعي التاكسي جاء للبنت وتكلم معاها بالمغربي بشكل تهديد وجتني البنت اعتذرت ومشت
فنصحني راعي التاكسي قال طنشهم وسوي نفسك ما تسمع ولا ترد عليهم
الخلاصه هذولي يشوفوك ضحيه فلازم يفترسوك ويطلعو منك اي شي فالافضل التطنيش

__________________

هذي شركه اسمها LTV قابلتهم في مراكش وفي كازا

السيناريو

سؤال سخيف

فزت معنا

تعال المكتب

ترحيب وكأنك حررت القدس

مديره تسويق تجلس تسولف عليك حوالي ساعه عن شركتهم وعروض وهميه واسعار لايصدقهاعاقل

في الاخير يطلبون منك قبول العضويه وراخ تدفع لهم مبلغ شهري ودفعه مقدمه

البعض للاسف يصدق كلامهم

انا رحت لمكتبهم ف كازا عشان اشوف اخرتها معهم

بعد ماصدع راسي من كثر كلامهم قلت بفكر في الموضوع وراح اجيكم بكره

قالوا لا اليوم اخر يوم ف العرض . من بكره يتبدل السعر

نصيحه اي شخص يعترضك ف الشارع قوله ماعندي وقت وامشي وخليه

العاقل خصيم نفسه

ههههههههههههههههههههههههه هههه حركاتهم مضحكة ,, مليت منها في باقي الدول العربية وصارت عندي مناعه

الحل اخي الكريم بكلمة واحدة ( التجاهل ) ,, كمل طريقك ولا كانك سمعت او شفت شي وانتبه ترد عليه ( لا ترد )

والموضوع لاينحصر على الجوائز فقط ,, انتبه !! اي شيء يعرضونه عليك في اي دولة سياحية لا تقبله واستمر في طريقك

لا تقبل المبيعات ولا تقبل العروض ولا تقبل اي شيء ,, هذولا صيادين السياح كالغربان نذير شؤم كل المصائب تأتي معهم , والله ما تشوف الخير لو تلحقهم

وخاصة وجه البومة سواق التاكسي ,, يا ويلك منه هذا متخصص بالتنكيل بالسياح

لا مسابقة في المغرب بعد اليوم ,,,

السلام عليكم يا مزاعيط المغرب العربي .. بتكلم عن مؤضوع صار معاي في ساحة قليز وبالظبط عند ماك عند الصراف الآلي .. سحبت مبلغ مالي وتؤجهت إلی الباركنق تحت وا وجهت في الساحة قبل مدخل الباركنق شخص يدعي انه سعودي عمره تقريباً فوق 35 سنه وحسن مظهره وشكله واخرج لي أوراق ثبوتيه انه سعودي ويطلب الفزعه طبعاً تجاوبت معه وقال انا صرافتي تعطلت وابي منك رقم الحساب علشان احول عليه مبلغ من السعودية .. قلت حاضر وابشر بس انا توي ساحب 6 الاف درهم وباقي 4 اقدر اسحبهن لك وبعد 24 ساعه اسحب لك باقي المبلغ قال اوك علماً انه بيحول لحسابي 5 الاف ريال وكلمت صاحبه اللي يدعي انه بالسعوديه عطيته رقم حسابي واخذ وقت تقريباً نص ساعه وبعدين اتصل قال حولت .. في النص ساعه طبعاً انا والشخص جالسنا في الكفي لين تم التحويل في نظرهم .. المهم غلطتي اني ما شيكت كم وصل علی طول سحبت لهه المبلغ 4 الاف درهم وقلت الباقي لتم 24 ساعه ههههههه ويوم شافني كريم وتجاوبت معه هاللي مايستحي قال عطني صرافتك وارجعها لك بكرا هههههههههههههههه رفظت علی طول واخذت رقمه مغربي علی اساس ان التحويل وصل .. يوم مشيت من عنده وخلصت كم شغله قلت بشيك في الإنترنت علی الحساب .. وطلع ما فيه اي حواله وصلت .. اتصلت عليه وب امكاني استدرجه واقوله تعال خذ باقي المبلغ واتفاهم معاه .. بس اتصلت وبديت اتكلم انه كذب علي وهذا جزاء الإحسان .. لو طالب مني مبلغ وشارح وضعك عطيتك ولا ابي منك شيء ... ال اخرهه .. المهم ان رده لي يمكن فيه خطا في التحويل ويخربط ويبرر . وعدني 11 بالليل في نفس اليوم انه بيقابل .. لاكن لا شفته ولا اتصل .. والشغله نصب في نصب وهو خليجي 100% ومجنتل الكلب هههههه يعني ماتقول نصاب .. وهذا اللي صار لي وحبيت انبهكم منهم .. واحلی تحيه ل مزاعيط المغرب .. ولد حرب .. محمد

الله يعوضك خير

على نياتكم ترزاقون انت راعي فدعه وكفو وفدعت له والله راح يعوضك خير باذن الله ومشكور على تنبيه

والله نفس الحركه صارت لخويي في اقادير. المشكله انهم سعوديين. مستاجريين سياره ويقولون نفس الكلام وجاء خويي قال لقيت رجاجييل علمهم كذا ومواعدهم بعطيهم دراهم. قلت خلنا نروح لهم يوم شفتهم معهم سياره وحركات عرفت قلت والله ياشباب حنا دراهمنا بتخلص وحن ماشين لكازا ومعنا سياره بتخاونا لقد فلوسكم مخلصه وعندكم حواله قالو لا والله فلوسنا انسرقت قلت ياشباب باقي معنا ٥٠٠ درهم توصلكم لكازا والسلام وانا اخذ خويي وتركناهم. هذه الاشكار نرت علينا في اكثر من دوله.
الله يعوضك خل طيبه السعوديين في السعوديه وتعامل تعامل اوربيي.

أمين .. وشكراً لكم
ايه التعامل صار ارؤبي امش ولا كان فيه احد يتكلم تسلم من مشاكل أنت في غنى عنها .

وأن شاء الله رحلتي القادمة للمغرب بعد اسبوعين تقريباً . وراح ازور كذا مدينة وأهمها طنجه بزورها ل أول مرة .