تحذير لمن يذهب الى مراكش

حقون التايم شير يدزون لك مزة ما تقدر ما تسولف معها لو بفلوس
خذ عندك هالسالفة:تقريبا سنة 1994 كنا في عمّان أيام ما كان فيها الا حدايق الملك عبدالله والجبيهة،عندي صديق فلسطيني زميل دراسة اتقابل معه كل يوم اسمه"ب"،وهو عنده صديق فلسطيني يعمل هو واهله بالسعودية اسمه "ت"،الفلسطيني "ت" هذا انا ما عمري شفته لكن بين جداني وبين ابوه صداقة ومعرفة كان يعمل بقريتهم قبل تجيبني امي،ولكن ما قد جيتهم وشفته عندهم من كبرت لانه انتقل لمدينة اخرى ويزورهم ساعة زمان يسلم ويمشي ولا اصادفه ولكن اعرفه من اسمه،المهم جاني صديقي "ب" ميت ضحك قال تعرف "ت" ولد فلان؟قلت من الاسم قال ايه هو،رحت معه لحدايق الملك عبدالله وجتنا بنت حلوة مزة وقعدت تعرض علينا فكرة شراء مدري شقة مدري شاليه يتنقل من دولة الى دولة وبالتقسيط المريح المهم قصة طويلة وقالت بالاخر تدفع الان خمس دنانير وتجي بعد المغرب بالمكان الفلاني تلقى فيلا وفيها رسبشن هذي الشركة واول ما تدخل تسترد الفلوس اللي دفعت كاملة،ويبدون يشرحون لك البرنامج،يقول وهو يطلع الفلوس يبي يعطيها قلت له انت مهبول؟كيف تعطيها الان فلوس وما تدري ترجع والا لا؟ يقول همس بأذني:"يا زلمة عمرها ما ترجع انا يكفيني اني سولفت مع هالبنت الحلوة وبخمسة"
طبعا يومها لا نعرف تايم ولا نعرف شير ولا ندري وش السالفة متوقعينها نصبة ولا ندري وش سالفتها

__________________