السفر الى المغرب في نهاية شهر 1/2015

السلام عليكم ورحمة الله وبركاته
بالنسبة للجو في كازا ومراكش في نهاية شهر 1 .
ياليت اجد اجابات منكم يالربع .
اللي راح يسكن في فندق 5 نجوم ...شنو رائكم
هل يكفي 50 الف ريال قطري للرحلة لمدة 5 ايام ... وشكرا

الظاهر انك بتروح تنافس مولاي رشيد اش ٥٠ الف في ٥ ايام تعوذ من ابليس وقل الحمد لله على النعمه ترى ما كره العالم فينا الا مثل هذا الهياط الي جعلهم ينظرون لكل خليجي انه بئر بترول متنقله وهم لا يعلمون انه يوجد طبقات تحت وفوق خط الفقر وتاتي يا صاحبنا تنفق ٥٠ الف في ٥ ايام فيه ناس يكدح طول العام ولا يجمع هذا المبلغ لذا نصيحتي لك ولامثالك بشكر الله وحمده واستر امرك اسأل ما بدا لك وسنجيبك ودع ميزانيتك سر لنفسك ماذا تريد ان نقول اصرف ١٥ الف كل يوم ارجو ان تكون وعيت قصدي فانا لا اريد الا الاصلاح وفقنا الله جميعا

لا حول ولا قوه الا بالله. ٥٠ الف هذه تكفيني ٤ مرات اسافر للمغرب وكل سفره ١٠ ايام.

فعلا مارفع اسعار الشقق واجار السيارات وجعل السماسره يطمعون باي خليجي وحتى الشغالات وحراس الاقامات والعاملين بالمطاعم والاسواق والمنتزهات غير اخونا هذا وامثاله هداهم الله ياخي روح انبسط وتمشى وتونس ودلع نفسك وسكن بافضل وافخم فنادق او شقق بدون فشخره وعبث بالمال حتى لو الله عطاك وعندك لاتبذر وتلعب بالنعمه وذا انت من النوع الي يحب يصرف اصرف مو مشكله بس بدون تبذير والزايد انفقه في مساجد وكفالة ايتام تنفعك اذا دخلت حفرتك وقبرك مامعك ولا ريال غير كفن بدون جيوب احنا نروح اثنين ونستاجر سياره ونسكن بافخم شقق ونلف نص المغرب في 15 يوم وناكل بافخم مطاعم وهدايا لحبايبنا كل ال 15 يوم بالكثير لو سافرنا بوقت موسم وكل شي غالي مصروفنا مايتجاوز 25 الف الى 30 الف ريال شامل كل شي وننبسط اكثر منك

الله يهديكم ... ان كان سؤال عن الجو ... للعلم 50 الف ريال راتب شهر ؛الموضوع مو حق موزيدة علينا

الله يزيدك يا الحبيب ولان شكرتم لازيدنكم ولئن كفرتم ان عذابي لشديد المقصود بالكفر هنا كفر النعمه وقال عز وجل والذين اذا انفقوا لم يسرفوا ولم يقتروا وكان بين ذلك قواما وقال: ولا تبذر ان المبذرين كانوا اخوان الشياطين يالحبيب لسنا دعاة ولا مصلحين لكن كل شي بالعقل ٥٠ الف في خمسة ايام شي غير عادي الله يصلح الجميع ولا تزعل من وجهة نظري والزملاء فالهدف هو الخير ولك تحياتي

اما الجو فهو بارد شديد ليلا بارد عادي نهارا

قطري مطنوووخ…
خذني معك ي بوزايد ..لأي درب توده ..
تكفي وزود ي بوزايد ..لوتبي تطق مخيم ..
ههههههههههههههههه
سفره سعيده
تحياتي

50 الف × 5 أيام ماتكفي
يبيلك تزيدها شوي

__________________

ياجماعه الخير براحته قاطين معه انتم ماشاء الله لاقوه الا با الله مل واخد يصرف مثل مايحب