حفظ البيانات؟ هل نسيت كلمة المرور؟ تسجيل عضوية جديدة

مفردات ومعانيه !!!

عين دار · 2015-01-24T07:48:01+00:00

الموضوع متجدد ،،،،،،، لتعم الفائده من بعض المصطلحات سلامي علئ الجميع.. اشهر الكلمات السعوديه المضحكه كلمات عامية .ومعانيها. الدلخ// وهذاا انسان غبي جدااا.ويرفع الضغط ...وينرفز ... واكثر من يعااني منه المدرسين ...واهله المنسم// ذلك راجع الى تهريب الهواء من راسه و السبب في ذلك هو ان في راسه فتق لذلك تلقاه دايم يغطس راسه في سطل موية عشان يعرف من وين التنسيم المهوي// هو مرحلة متاخرة من التنسيم و المهوي وصل لمرحلة متاخرة جدا بحيث يفقد اهله الشخر المخر // او ابو مشخر من نفس فصيلة المنسم السلنتح// قليل الادب جحلط// بتشديد اللام وهم مرحلة متقدمة للسلنتح مزلب // يعني بايعها بتراب مسفح // يعني طاير في العجة وهو ما عنده ما عندي جدتي يعني بالعربي الفصيح من جنب العارضة الصتيمة // وهو الشخص اللي ماعنده ماعند جدة جدتي ..! ويصدق اي شيء يقال له المسبة او المسبوة // هو الشخص اللي يكون مروع في صغره لدرجة انه يصبح شبه فاقد للعقل . يعني مجنون الفاهي// هذا الله يخلف مهما تقول له او تصارخ عليه تلقاه فاتح فمه و بس و اذا كلف عمره و تفاعل معك رد عليك و قالك هه . الحقنة // هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين ياخذ منك اللي يبيه وهذا يفسر قول العرب اغث من حقنة !... العلة// هذا اللي ما تاخذ انت منه اي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه..... العربجي // يظن معظم الناس ان العربجي هو الشخص الشديد حق المشاكل و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي ودايم فاتح صدره و راسه على فوق و كانك ولد ابوك قله شيء بس المرجوج // هذا ما عمره صلح شيء صح في حياته ما يمديك تفتح فمك الا و طار في العجة بدون ما يفهم وش السالفة والارتجاج الحاصل له يختلف تماما عن مشكلة المسبة او المسبوة حيث يكون الارتجاج هنا نتيجة صدمة و ليس نتيجة روعة المطفوق // من فصيلة المرجوج الا ان مايميزه هو انه اذا مر من عند كاس او جيك او ابريق او اي شيء فيه سائل لازم يكبه اي يسكبه برجله وهو مايدري ولا تخليه يمر بجنبك وانت معك صينية فيها بيالات لانه لازم يطقها بيده او بكتفه .! ايضا لاتخليه يصب قهوة لضيوف لانه لازم يكب القهوة على ثوب واحد منهم..!!!! السربوت // هذا اللي ما يخلي مكان ما يروح له وقد كان الاولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء السمرمدي // وهو من نفس فصيلة السربوت الداشر// هذا قليل الادب و لا يحب يماشي الا السرابيت واذا قيل فلان دشر فلان اي خرب اخلاقه لكن في الاردن الشقيق كلمه دشره تعني اتركه. الملكع // اما هذا فيعرف حتى السكني اي الجن و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك زعيط // مسوي نفسه يفهم في كل شيء وهو من جنب العارضة المصرقع // هو كل شخص ما يهمه شيء و اللي يطري على باله بيسويه لانه ماخذ الدعوة سعة صدر و هبال . المفلت// هو كل شخص ما تقدر انك تامنه على شيء لانه مهوب تكانة و يتميز بكل انواع الاهمال و التطنيش... الخكري // ببساطة الخكري = نعومة دلع الله لايبلانا.. اللزقه// هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا الزنقبي// بتسكين النون وضم القاف يعني العزوبي الصديع// اي كلمه في راسه يطلعها ولا يتنباء بافعاله سواء كانت صح ام خطء الجنط // من فصيلت الدلخ المريوح// هذا اللي نفسه شينه الزااااحف// انسان اخذها عرض مبسوط ويبسط من حوله سريع البديهه ولايفوته شئ.. الخرس//من نوع الكمخه والفاهي يقول ايه وهو مايدري وش السالفه.. الطبله// بااااااارد من كثرة الغباء.. الارفل// من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لانه ماينفع فيها.. الملسلس // هذا المسكت واللي ماتدري وش وراه تشوفه تقول اخر الاجاويد وهو وراه بلاوي.. الرجه مصرقع// مايجي بمكان الا ويرجه بصوته على غير سنع.. المسكت //هذا اللي مابعده مسكت بتشديد الكاف.. المهفه// هذا كلمه توديه وكلمه تجيبه..

مزعوط لاتكلمني

مزعوط برونزي

المشاركات: 523

تاريخ التسجيل: Jan 2014

2015-01-27, 07:41 PM

المشاركه #1

ههههههههععععع
اكثر ماعجبني الشرح ماشاءالله عليك

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: مفردات ومعانيه !!!
الموضوع	آخر مشاركة
مفردات شعبية من مختلف مناطق السعودية	2011-11-07 05:16 PM
الهدرا ديال المغرب ،،، مفردات مغربية	2010-09-25 08:44 AM

الساعة الآن 08:19 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

مفردات ومعانيه !!!

روابط سريعه