حفظ البيانات؟ هل نسيت كلمة المرور؟ تسجيل عضوية جديدة

أجمل الابيات في المغرب

ok. · 2011-04-02T19:49:59+00:00

قصائد لمحبي المغرب أدري فيكم قلوبكم خفوقة كلكم تحبون المغرب [COLOR="DarkRed"]يـاخــوي ماغابت عن الـــبـــال كــــازا والــزرقــــطــونــي شــارعــه حــي بــورقـــــون مــاعــاد لــي فـي الشـام يـاأخوك عـازا ولــبــنــان وكـشــخــاتــه عـســاهــــم يــولـــــون ويـحــرم عــلـي أخـتـم لـمـصـر الجوازا ولـــو ماتـبـقـى غـيــرهــا شــبــر فـــي الــكــــون اللـي ذبـحـنـي "جوج" "هكا" "بلازا" و"مزيان" و "كي داير" و "بالزاف" و "إشكون" والله لــو عــنــــدي رصــيـــد وإجــــازا لا أطــيـر لـلـمــغـــــــرب ويـــــكـون مـــــــايـكــون[/COLOR] == [COLOR="Blue"] من قصائد الامير عبدالله الفيصل: إشتقت للمغرب وانا توني جاي الله يساعدني على نار شوقي ياللي تريد ادواي في المغرب ادواي رح بي لعله ينطلق فيه عوقي لو صافحت مجهول يمناه يمناي ينساق تيار الهوى في عروقي واسمع حديثه ناعم ٍ كنه الناي على يمينه ينثر الدمع موقي[/COLOR] == [COLOR="Red"](قصيدة جميلة بالزاف ) يامرحبا حييت ياطير حوران يامرحبا بك يالرفيق الشقاوي الدار ياطايل لها اشكال والوان فيها جمال الغيد ماهوب ياوي لاجيت للمغرب تضمك بالاحضان اترك بلاد النيل مامن تساوي يكفيك عبدالله وزايد وسلطان كبار الرجال اللي ترد الدعاوي مصيافهم في وسط كازا وتطوان دارن وهبها الله سحرن سماوي ومالوم قلبك يوم غنيت طربان قلبي غدن به ياالذويبي له ازمان من اول سنة تسعين قلبي هواوي مزعوط انا بالزاف بالحيل ولهان دايم وقلبي في هواها رجاوي اجمع حصيلي ثم سافرت عجلان غاوي ومن مثلي على الدرب غاوي اروح للمغرب وانا البوك مليان وارجع وبوكي يشهد الله خاوي ولانيب متحسف ولانيب ندمان هذي طرات العمر لاصرت هاوي ويابو سعد لاصرت للدار شفقان حنا مثل شرواك دايم نخاوي اصبر لنا بالصيف عودة علشان نسكن انا وياك جنب العطاوي[/COLOR] == [COLOR="DarkOrchid"] الله من قلب هواه الغنادير ياليت لي عمر كثر عمر نوحي لقضيه في طنجه وكازا واغادير مثلي أسير الحب صعب يروحي ياصاحبي طبع المحبه مقادير وحبك سرى داخل شرايين روحي نارد لكم ظميا ونرجع مصادير ياللي سحرتونا بكثر المزوحي ياشبه وضحا بين كل المغاتير عفراً عليها وسم غازي يلوحي سلام يالمغرب تحية وتقدير وعز الله إني فيك ماسمع ولا اوحي دار بها كل العلوم المسافير والمسك والريحان منها يفوحي وترى وعدنا ياحبيبي على خير صيف جديد وفيه أجدد جروحي[/COLOR] == [COLOR="DarkGreen"] يقول ابو سارة ،، مـن الهـم ،، عانيـت نفسـي تراودنـي ،، وهـمـي غلبـنـي خطمتهـا عـمـا تـريـد ،، وتفانـيـت وفي لحظة الغفلـة ،، هواهـا ،، سلبنـي قلت ارجعي يالمخطية ،، قالت اخطيت..؟؟ اللي وقع في المخطيـة ،، مـن خطمنـي أنا فـي المغـرب ،، رحالـي وحطيـت تبي تخاويني ..؟؟ هـلا ،، وانـت منـي وفي لحظة من ضعف ،، لليـد ،، مديـت خذت بـروس اصابعـي ،، مـا حملنـي حتى شعـرت انـي بامـان ٍ ،، وشديـت إيدي بيدهـا ،، ثـم صاحـت ،، همّلنـي اقلـت اسكتـي ياغافلـة ،، ثـم هدّيـت وذكرتها بايـام ،، فـي صغـر،، سنـي استرجعـت نفسـي وقالـت ،، ألا ليـت يرجع لنا الماضي ،، ويرضيك ،، عنـي قلت اسمعيني ،، قالت ابشـر ،، ولبيـت قلت ارضهم ،، تسحـر ،، وهـذا فتنـي قالت نعم ،، وازيد مـن شعرنـا ،، بيـت المغرب ارض السحر ،، ما خاب ،، ظني مـدت يديهـا للعهـد ،، ثــم مـديـت يـدي وعاهدنـا بعـض ،، مـا تخنّـي تبقى معي ،، مـا دام بالعهـد ،، وفيـتونحط فـي المغـرب ،، رحـال التمنـي[/COLOR] == [COLOR="DarkOrange"]سحابة صيـف وتعـدي لا يغرك الصيف وامطاره بيحَـت سـدك وسـدي والكـل هلّلـت اعبـاره حبيب راح مـن حـدي ما أطول الليل ونهـاره حياة الروح يـا وجـدي تركت اليـوم أنـا داره بعد حالي آه مـن قـدي شمّيت ورده مع أزهـاره نروح اليوم مـا يمـدي عليه حـراس واخفـاره قياس الثوب ترى قـدي ماهمني لو طاحت أزراره الكـل يصيـح ويهـدِّي ومسافرنا جاب أخبـاره بكـوا والكـل متحـدي نروح نـروح بأخطـاره غير أغاديـر مـا بـدي كازا وطنجه مع تمـاره وسحابة صيف وتعـدي إخضر عشبه من أمطاره[/COLOR] == [COLOR="DimGray"]رســـاله مــن الـــوالـي |--- *** ---| كـنه شـعاع الشـمس وشروقـه أنـتـم جـمـاعــه وأنـا لـحــالي |--- *** ---| والــكل راضــي بـمـعشـوقـــه جــمـعـنا حــب الـدار يالغــالي |--- *** ---| وجمع شـعـثـنا حـلومنـطوقـه مـــا أظــن ياخــوك بنســـالــي |--- *** ---| نمشــي ونـتـبـع سنـا بروقــه عــلى العهــد ماشــين طوالـي |--- *** ---| وكل عـرف بالوصل وحقوقـه مـا استمـع وش قـال عـــذَّالـي |--- *** ---| سوقي انـا ويــاك مـش سوقـه وارسلت على الخاص جـوالي |--- *** ---| ولا تلوم منهو اشتاق يم شوقه[/COLOR]

الانيق

مزعوط نشيط

المشاركات: 97

تاريخ التسجيل: Sep 2010

الدولة: السعودية - البحرين مؤقتا

2011-04-05, 05:47 PM

المشاركه #12

رد: أجمل الابيات في المغرب

لضاق صدرك من زمانك مليت

في جنة الدنيا أغادير سلواك

من كتاباتي

__________________

وين ما التفت بوجهك الزين والزين

قلبك جنوب الأرض وإلا شماله

في جنة الدنيا أغادير تلحين

تسمع صنوف الحب في كل حاله

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: أجمل الابيات في المغرب
الموضوع	آخر مشاركة
شفشاون أجمل وأروع مدن المغرب	2018-06-25 12:28 AM
اروع الابيات في الشاعر / الجواهري	2013-12-10 12:48 PM
أجمل ما قيل عن المغرب	2012-11-05 10:36 PM
عدت من المغرب بالامس واهديكم هذه الابيات	2012-04-11 05:32 PM

الساعة الآن 04:12 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

أجمل الابيات في المغرب

روابط سريعه