رحلة الأحلام

هلا وغلا أخوي فلاوي وشكراً ع مرورك

الرحلة كانت 1/4/2014

طبعاً الخطوط السعوديه

سعر التذكره تكفل فيها صديقي

ولا علمني كم فزعه منه الله يسعده

حمدالله ع السلامه
كمل خل عنك أساليب التشويق هههههه
ترئ مزعوطين بزااااف

شكراً لتعليقك اللطيف ي ولد الجزيره

والله لافيه اساليب ولاغيره الا الكتابه

يبيلها مزاج عالي وعافاك اخويا

العفو
تبي الصراحه وانا اقراء ردك هذا الاخير أحس فيه نبرة حزن ؟
والا الخزن جواتي أنا؟

عدنا ولله الحمد

صحيت الصباح الساعه ١٠ وشور حار بارد

واضبط اموري وارتب الشنطه وكل شيء تمام

وطلعت من الغرفه بصحي الخوي عبالي مزال

نايم ولقيته جالسه في الصاله مسوي فلم حزين

سلامات يالخوي الأهل بخير قال الحمدلله كلهم

بخيرج طيب ليه كل ذا الحزن قال

الفراق صعب قلت له خذه معك مراكش

قال والله فكره بكلمه خلص معه على انه يروح

معنا بالسياره ( طبعاً لا انا ولا الخوي نعرف

الطريقه الصحيحه لاخذه معنا ) واتصال سريع

على المستشار بجدة واقول له الفكره قال لايركب

معكم افضل لكم يأخذ طاكسي حتى لو لوحده

المهم عطيت الخوي الفكره ورحب هو وضيفه قال

لي ماودك تأخذ ضيفك معك قلت انا صوفي

بمراكش وسلمنا الشقه واقرب كوفي ونضبط المزاج

بقهوه نص نص ونفسين وبعدها ضبطنا وضع

الضيف بطاكسي خاص وانا والخوي درب عمك

تدله وسوالف والخط يفتح النفس قال الخوي فيه

شيء يعجبك في مراكش قلت وشهو قال اذا

وصلنا تعرف ونواصل حتى منتجع النخيل

والخوي هو الدليله يدل الخط زين وندخل مع

بوابه ٦ يمين يسار وقف اطالع في الخوي

وين مكتب الحجز قال انزل الحين وبعدين نروح

مكتب الحجز ونطلع مع الدرج ويدق باب شقه

وتفتح لنا شغاله واول ماشافته وترحب فيه بحراره

بالغه ي ولد هذا ايش ونسلم وندخل في الصاله

واخذ واعطى معها في الكلام وبعدها قال وش رايك

في الشقه صراحه افضل واجمل من اطلس مارينا

طيب الغرف وين قال بالدور الثاني قال لي غمض

عيونك للمفاجأه طيب والله وافتح عيوني على خوي

لنا عزيز على القلب فديته ومرحبا ومتى وصلت

قال البارح وضبطت لكم الحجز هنا لمدة ٥ ايام

يا روحي ونجلس جلسة عرب نضبط الامور

الماليه بينا ( اذا كنتو اصحاب تحاسبو )

واهم بند كل واحد تبعيات ضيفه عليه اتفقو

الشباب ونزلنا نطلع الشناط وقدر الضغط يرسل

آهاته وعبراته عند الشغاله وهي فرحانه في

الشباب بزياده المهم وصل ضيف الخوي

واحلى كبسه من شغالتنا واتاي يحبه قلبك

تم الاتفاق على السهره الليله بالنرجس

دخلت انام بعد وضع لمساتي الخاصه

للغرفه بالرغم انها ماتحتاج كل شيء نظيف جداً

والشغاله معنا يد بيد الله يوفقها ونوم والساعه ١١

صحى العموم وعلى النرجس قريب من بوابه ٦

وندخل وتهل التراااحيب بالمزعوطين واحلى طاوله

وضيف قديم جديد للخوي المزعوط وضحك علي

قلت لهم هذي راحت محارب وننرجع الشقه ونوم

والصباااح الساعه ١٠ اطلع من الغرفه وتسوي

لي الشغاله فطور قلت لها وين الشباب قالت

طلعو لغرفهم الساعه ٨ بعد ما افطرو يعني اليوم

هذا طار من الحسبه قلت لشغاله طيب انا بطلع

قالت لي انت ماتعرف شيء في مراكش قلت

نتعلم وارجع لغرفتي وشور حار بارد والبس سبور

واطلع مثل الضايع مدري وين اروح قلت مالها

الا ساحة الفنا واسئل الشعب الطيب وتوكل على

الله حتى وصلت واوقف السياره في البلاصا عند

ساحة جامع الفنا عند شاب طيب واتمشى في

الساحه وعالم من كل بلاد العالم وبعدين اذا

انت وحدك لها ذوق خاص ما احد يدري من اي

بلد انت حتى تتكلم

وبعدها اجلس في قهوه

واطلب قهوتي الكحله ونفسين واروح لشارع الجليز

قريب من ساحة الفنا واخذ فيه جوله سريعه

وبعدها على المرجان واكلم الشغاله ناقص شيء

في الشقه قالت لا كل شيء متوفر خوينا المزعوط

وفر كل شيء اول ما وصل وعلى النخيل والساعه

٥مساءً والشباب مزال نايمين وسوالف مع الشغاله

عن المغرب وعن مراكش بالذات ويصحون الشباب

على الساعه ٧ ويتعذرون مني قلت عادي

الدعوه وناسه المهم قالو الليله سهرتنا هنا قلت تم

والشباب الله يحفظهم يضبطون الجلسه ونقول

لشغاله تضبط لنا طاجن لحم بالخضار قلت لشباب

بكره ان شاءالله شلالات اوريكا نطلع لها من

الصباح وتم الاتفاق ولله الحمد وتم تنظيف الطواجن

بنجاح وسهره خفيفه ونوم والساعه ٨ الشباب

صاحين كلهم ونفطر ونطلع والضيوف في

طاكسي المهم ونوصل لشلالات اوريكا جمال

طبيعيه وحياة على اصولها بكل ماتعني الكلمه

ترجع بك لزمن الجميل والشعب المغربي كله

طالع والمرشد السياحي الخوي المزعوط عارف

مراكش زنقه زنقه وجو ما ودك تتركه وناخذ اتاي

ونرجع ادراجنا لشقه ونطلب من الشغاله تضبط

لنا الغداء دجاج مشوي ونتغدا وبعد الغدا جلست

عرب وين السهره قالو الديوان وتم التصويت

والاتفاق ونوم والساعه ١٠ الشباب مضبطين

وضعهم ونطلع الديوان وجلسه في الزاويه

وسهره زوينه بزاااف وثقلو الشباب في العصير

بزياده وفي طريق العوده قريب من النخيل

ودورية درك تلحقنا طلب مني الوقوف واوقف

قلت لشباب انا اتفاهم معه وانزل له طلب مني

اوراق السياره ورخصة القياده وعطيته كل

ماطلب بثقه لان وضعي في السليم ولله الحمد

وطلب من الشباب جوازاتهم وهم خارج التغطيه

تماماً قال انتم سكرانين كلكم ولا معكم جوازات

قلت له الجوازات عند مكتب النخيل حقت الشباب

وجوازي معك والسياره بسمي وانا اسوق ولا انا

سكران والشباب براحتهم يسوون اللي يبغون

والوضع مافيه اي مشكله واذا بغيتي حاجه قول

بلا ما تعطلنا ( المطلوب معروف لكن يمش بوزه )

اخذ واعطى معي في الكلام قال انت فهمتيني

قلت لا فهمتك ولا بفهمك عطني اوراقي ولاتكثر

الكلام اخذت الاوراق وعلى الشقه ونوم والظهر

نصحى ونفطر وبعد ما راحت السكره جت الفكره

قالو الشباب ماعاد فيه سهر خارج الشقه

نروح نأخذ كل مانحتاجه ونرجع ونسهر بالشقه

( هذا هو الرأي السليم ) وطلعنا للمرجان

ويشترون الشباب حاجتهم ونرجع لشقه ونفس

المشكله تواصو علينا الدرك هات اوراق السياره

علاش كل هذا معكم كل المطلوب معروف

والشباب اشكل حتى انا مانزلت من السياره

وبعد ما انتهى الفلم رحنا مكتب الدرقاوي ونزل

الشباب وكلموهم على كل المشكل قال معكم

سياره قالو نعم وفيه واحد في مكتب

الدرقاوي طلب نوع السياره ولونها وقال هذي صور

من جوازاتكم مختمه وبعدها درب السلامه ورجعنا

الشقه ونتغدا قلت لشباب نطلع نشوف تربل ٥٥٥

قالو بدري مايبدا الا حدود ١ صباحاً قلت طيب

ونومه والساعه ١١ اصحى واخذ شور حار بارد

واضبط اللوك واطلع والشباب ماشاءالله على

وشك الاقلاع ي شباب ما انفقنا على كذا قالو

طلبناك نروح بكره لتربل ٥٥٥ قلت انتم خذو

راحتكم وانا بروح أخذ لفه واجي قالو معصي

اذا ما طعتنا نطيعك والله ويضبطون انفسهم

ونطلع لتربل ٥٥٥ وكان عامر بزاف قالو الشباب

ناخذ طاوله قلت لا نطلع ونروح الياسمين

ولفه ولاهو ذاك الزود من كل النواحي

ونرجع لشقه وسهره من اللي يحبها قلبك

ونضبط المضغوط وعشاء ونوم والعصر العموم

يصحى ونفطر قلت لشباب هذي آخر ليله بمراكش

قالو نطلع نودع مراكش الحمراء وعلى الجليز

وساحة الفنا نتجول زحمة من كل بلاد العالم

قالو الشباب نروح نسهر الليله في ديسكو الباشا

ونضبط الوضع ونرجع الشقه ونتعشى ونطلع للباشا
وندخل ماشاءالله فرق بينه وبين المراقص العربيه

لكن اغاني غربيه لكن جو غير وزحمه وسهره

مزعوطه والساعه ٤ اسحب الشباب ونطلع وعلى

الشقه ونوم والظهر نصحى وكل واحد يضبط

وضعه ويودع ضيفه ونسلم شقتنا ودرب عمك

تدله الى رباط العز

الملاحظات بمراكش
١ السكن في النخيل الدرقاوي جميل جداً والسعر

معقول بغيره ٣ غرف ٣٠٥٠

٢ اماكن السهر ضيقه جداً ماعدا الديسكو

٣ الدرك يفرح بشوف الخليجي جداً( والمقصد معروف )
٤ القياده في مراكش غير اكادير ويعيبها اكثر

الدراجات الناريه

سرد رائع و الفاظ منتقاه

ننتظرك يا مزاج

علومك طيبه با البدوي

الي اعجبني ان خويك على مودك وهذه اضافه جيده. تجعل الرحله سلسه ومريحه وما فيها توتر. موفقين حبايبي