رحلة الأحلام

هلا وغلا أخوي فلاوي وشكراً ع مرورك

الرحلة كانت 1/4/2014

طبعاً الخطوط السعوديه

سعر التذكره تكفل فيها صديقي

ولا علمني كم فزعه منه الله يسعده

حمدالله ع السلامه
كمل خل عنك أساليب التشويق هههههه
ترئ مزعوطين بزااااف

شكراً لتعليقك اللطيف ي ولد الجزيره

والله لافيه اساليب ولاغيره الا الكتابه

يبيلها مزاج عالي وعافاك اخويا

العفو
تبي الصراحه وانا اقراء ردك هذا الاخير أحس فيه نبرة حزن ؟
والا الخزن جواتي أنا؟

هذا ي ولد الجزيره يقولو عنه

الجفاف العاطفي طال عمرك

يبيلك رحلة تجديد لنفس

عدنا ولله الحمد

وصلنا اطلس مارينا وقلت لخوينا يوسف المغربي ماقصرت باقي انت كيف تروح

بيتك الحين قال اخذ طاكسي اخذت رقمه وعطيته رقمي قلت بينا تواصل وتوكل على الله

وصديقي نزل للاستقبال وضبط كل الامور ونزلنا لشقتنا في اول عماره جنب السكاي شقه غرفتين وحمامين

لكم عليها لكن هذا اختيار الخوي وماودي ازعله ويمدح الوضع فيها العلم ي خوي في راسك سهر الليله

قلت لاوالله في راسي نوم مواصل ٣٦ ساعه قال انا بضبط عمري واطلع لسكاي قلت درب السلامه

ي شنب دخلت ضبطت غرفتي واخذت شور حار بارد وتفاهمت مع المخده وقوة نوم والساعه ٨ الصباح

صحيت ولله الحمد مفلل نوم وانا من كثر ماسمعت عن الحمام المغربي مشتاق له اكثر من شوق الطفل لحليب امه

المهم واخذ معي لفيه واطلع من غرفتي اظني غلطان ماهي شقتنا الصاله عليها اشكال والوان من العصير واللف والفرط

والشموع والورد والمعسلات ٢ وفواكه وحلويات عزالله ي البدوي انك تقهويت البارح وناسي

رجعت غرفتي وتأكدت انها اللي نمت فيها البارح وخطر في بالي اصحي الشنب وقلت اكيد

مخربها البارح وطلعت من الشقه واسئل حارس الأمن عن المساج طلع تحت السكاي

عامره ي اكادير وجو وشمس وهواء وادخل للاستقبال قلت لها ابغى صنفره كامله

تمسح غبار وكربون الحياة السابقه وابغى وحده زندها يمشي عليه التيس تدعكني دعك

ومافهمت مني شيء المسكينه قالت اللي بغيتي بكج كامل قلت وشو البكج قالت

حمام مغربي ومساج وجاكوزي وتنظيف بشرة الوجه وبدكير ومنكير قلت معصي

بغيتي حمام ومساج وتنظيف بشرة واهم شيء مابغيتي يد حنون انا جايك شد بلد

وتضحك وتقول الفاتوره ٨٥٠ درهم مافيه تخفيض لليتيم قالت واخا ٥٠ دخلت وسلمت نفسي

والحمدلله والمنه الواحد طلعت ظالم لنفسه طول هالسنين

ورحت لكوفي وكوب كحله وتم تضبيط المزاج بنجاح

وارجع للخوي وادخل الشقه وماشاءالله الشقه مرتبه وعلومها افضل من الصباح

واسمع خويي ينادي ادخل عندي والله وادخل عليه وعنده ضيف سبحان العاطي

يرزق القرود بالورود واكلمه متى طلعت وجبت كل الاغراض اللي بالصاله قال الحب ديالي

جاب كل شيء منسق الوضع معه من زمان

طيب الحمدلله يامنسق كيف جوك الحين انت والضيف لازم نطلع قال تم ساعه ونجهز

المهم طلعنا وضيفه معنا وجوله سريعه في شوارع اكادير ونروح مطعم اسمه قولد قيت

ماشاءالله عليه اكله جداً ممتاز والشيف طلع عندنا يسئلنا عن مدى اعجابنا بالأكل وكلهم

بالمطعم ذوق وبعد الغدا طلعنا للجبل تشوف اكادير كلها منه والجو مع الليل فيه شوية برد

وبعدها على كوفي ونشرب الاتاي بالنعاع وسوالف وضحك صراحه وناسه

قال خويي السهره الليله وين يالبدوي قلت له انت راعي الديره

وانا عصاك اللي ماتعصاك فصل وانا البس المهم استقر الراي ع السكاي

طلع جواله وحجز الخوي خبره ماشاءالله عليه وبعدها على الشقه ونوم حتى قرب موعد السهره

وشور حار بارد وانضبط انفسنا وعلى السكاي طبعاً خويي ضيفه معه مثل ظله وانا مع نفسي

ودخلنا لسكاي والكل يرحب بالخوي نار على علم واحلى طاوله واحلى سهره وانا من طبعي الثبات

على المدرج ولله الحمد اما الخوي اقلع لكن بثقل الاستاذ وانتهت سهرتنا على خير ونكمل السهره

في الشقه حتى الصباح ونوم والعصر اصحى واشوف جوالي وفيه اتصال من يوسف المغربي

واتصل عليه كيداير لباس ومن هالعلوم قال انا عازمكم عندي بالدار غدى على وجبة كسكسي

لان عندنا بالمغرب يوم الجمعه الكسكسي وجبه رئيسيه قلت اوكيه بكلم صديقي واعيط عليك

واطلع وخويي صاحي قدامي بالصاله واكلمه في عزيمة يوسف قال اللي تشوفه يالبدوي قلت نروح

نتغدى وامر الله من سعه قال خويي وسهرة الليله فيه ضيف لك بيوصل الساعه ١١ اذا ناسبك كان بها

واذا ماحصل لك توافق معه يسهر معنا ويسري قلت تم المهم اتصلت على يوسف المغربي وبلغته بقبول دعوته للغدا

يوم الجمعه وتواعدنا بعد الصلاة يكون بينا اتصال

وبعدها طلعت انا والخوي ومعه ضيفه كوفي وقهوه كحله بكوب ويتم تضبيط المزاج بنجاح وطاح الليل علينا

ونروح للمرجان نتجول فيه وناخذ بعض الاغراض وعلى مطعم النهضه صراحه ماعجبني لكن الامر لله

وتعشينا وجوله داخل اكادير وعلى الشقه وتشير الساعه الى الحاديه عشر والقلب يدق

لحظة لقانا ويكلمني خويي قال ضيفك وصل تحت المهم نزلت شفته والقلب يرفرف ماشاءالله قمر

واخلص اموره ونطلع لشقه وجلسة وناسه وطرب قلت لخويي كمل السهره يالزير سالم اما انا نوم

ونام انت بدري بكره غدانا عند يوسف

ونكمل لكم احلى غدا عند يوسف المغربي

سرد رائع و الفاظ منتقاه

ننتظرك يا مزاج

علومك طيبه با البدوي