مراكش و مواقف جميله

إخواني و احبائي المزاعيط التقرير ديالي بسيط جدا و احب اني اقول لكم انتبهوا من المغرب و احذروا ياهل القلوب الرهيفه و الله المغرب جميله جدا و اهلها حور الارض و هي جنة الارض ..

أبيك تدري صـــــــوتك
العذب لاغاب...

أحس نفسي تنكسرمن
غيابه...
كذاغيابك للحــــــــزن يفتح أبواب...

غصب علي ألبس شقاه وثيابه..
أدمنت صــــــــــــوتك وأن تثيقلت كذاب..

من يعشقك لاغبت يفقد صوابه ..

ياوجه الله يارجاجيل اشهد ان اللي كتب ذا الابيات ماكذب بحرف و احدوالله ان تسني اشوف الدمع يقوطر من عوينااااااته ..

انطلقت من الرياض الى المغرب في رحلة مثيره عرفت فيها شباب كويتين من خيرة الشباب و يعلم الله اني لو لله ثم هذولا الكويتين كان تحصلوني مددت الفتره ثلاث سنين و سبعطعش يوم هههههههههههههههههه

يازين الواحد المنصح لك اللي تحسه ينصحك وهو ماله دخل فيك الزبده نرجع لكلمة محور .. وش رايكم بكلمة محور احس انها راكبه علي هههههههههههههه


المهم باختصار انا رحت مراكش .. الله ياخذكم و الله اني و انا اكتبها وقف شعر جلدي من الزعطه ..





رحلتي مختلفه كثير كثير عن الاعضاء الباقين ..


طبعا حنا ثلاث اشخاص انا بقراطيسي جديد الله يكفلني و اللي معاي مسوي قديم و هو ما يعرف الا مويه سيدي علي ههههههههههههه الرجال برحلته الاولى 24 ساعه متقهوي اما خوينا الثالث مسوي لي فيها كندي المشكله وشي وصانى على طلبات من السوبر ماركت معطيني ورقه مقاضي كنها استمارة سفينه طولها 3 كيلو لانه مسوي طباخ .. المشكله اني اقرا طلبات مالها داعي بس مجبور اجيبها . دراق / بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي وش موقعها من الاعراب حق مين ؟؟

الزبده اني مره ختيت ( يعني رحت بلحالي ) انا و خويي السعودي و خوينا الطباخ معاه ضيوف بالشقه .. ضيف سبع نجوم لدرجة ان النفس لحاله يخليك تعشقهم عاد خل عنك الشوفه المناظر هذي احاول ابعد عنها لانها تعور القلب و قد تعميه احيانا ..

الزبده رجعنا الفيلا بدري تقريبا الساعه تسع و نصف يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المجلس ونهايتها عند سكاي اللي وسط اغادير الى درجة انهم حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههههههههههههههههههه هههههههه


المهم تفاجاء بوجودنا لعلنا نشبنا له و قال بكرة بصلح لكم اومليت .. و الله ان حنا فرحنا قلنا يالله وش ها الاومليت و نحتريه على احر من الجمر و الله من قوي الخيال حسيت ان الاومليت هذا ايفون ايباد شي مثل هيك .. و بالنهايه طلع بيض شكشوكه .. من جد جوك بيض ياصاحبي الاومليتي قصدي الكندي ..

من المواقف الحلوه على طاري المقاضي و الله ان المسج حقت المقاضي اختلفت من الرياض للمغرب .. الرياض الرساله ناشفه و كلها مقاضي و لو تجيب السوبر ماركت كله و تنسى لك عود اسنان قامت الدنيا و قعدت ..

اما في المغرب اذا جاك ذاك الطير اللي رموشه يوقع عليها الصقر يلعن ام المدحه والله جامده يعيال هههههههههههههههه الزبده .. اذا ارسلوا لك رساله قسم بالله متعه في متعه الرساله فيها ابداع و ترتيب كل رسايلهم بدايتها ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) ( الله على الجمس الأول وارد الستين ) << رسالة داخله بالغلط خويته ابوها شريطي ههههههههههههه



باذن الله راح احاول اكمل بعض التفاصيل لان بعض التفاصيل مهيب بالذاكره الله يخلف ترى ذاكرتي كنها قرص مرن واحد ميجا و سلام عليكم ههههههههههههه

حبينا نشاركم بالمنتدى و اشكر الاخوان القائمين عليه و اتمنى لاهل المغرب كل التوفيق ..


طبعا جلسنا بالمغرب 12 يوم
اكيد عندنا شغاله و ممتازه جدا و اكلها و اعر بالزاف و لكن صاحبنا هوايته طبخ و يحب يكشخ به عند ذاك و ذاك

كل الرحله بمراكش صرفنا 30 الف ريال بدون التذاكر

ي سلام عليك والله ان سردك ممتع ماتخلي الواحد يحك راسه اندمجت معك يالخوي لا تطول علينا كمل تقريرك وربي متعه و اذا كملته راح اسويلك اوميليت ههههههههه

صراحة اروع سرد لتقرير .............اكمل يا الغالي

__________________
ان تكون مجنونا في ارض الجنون خير من ان تكون العاقل الاوحد

متابع لك .. وياليت التفاصيل

ههههههههههههههههههههههههه ههههههههههههههههههههههههه هههههههههههههههههه ياخوي انا ادور هالنوعيه مثلك فرفوش وحبوب ويحب الضحك وقلبك ابيض

على طاري الكويتين ليكون سلطان ترى كان معي بالطياره ذبحنا من الضحك الله يسعده وعلى راسي اهل الكويت والخليج كلهم كلنا عيال ديره وحده عسى الله لايفرقنا

بخصوص المقاضي نص المقاضي بالشنطه ولاطلعت منها غير الرز يااااه اني اكره الرز لكن لجل عين تكرم مداين

الله يسعدك واصل حبيبي

الله يعطيكم الصحه حبايب قلبي لبا قلووووبكم .. بصراحه تسلمون لي على الدفعات المعنويه الحلوه التسليكيه و عسى الله يقدرني اني ارسم الابتسامه و السعاده على مرتادي هذا المنتدى الجميل ..

اعتذر عن اللي مافهموا لهجتي و اتمنى يسامحوني لاني رجال ماشي بالبركه و ابشركم ان الله مبارك فيني اقسم بالله ان شعاري هناك لا للهياط نعم للوناسه فقط و بكذا راح تكتشف انك غير ..

بالنسبه للاخ اللي يبي يظبطلي اومليت ههههههههههههه عز الله الللي بنهوون عجلين

الاخوان اللي يقولون سرد جميل هذا من ذوقكم ياحلوين و ابشروا بعزكم بس نبي دعم و ترييش عشان يصدق عقلي الباطني و اكتب لكم ههههههههههههه

بالنسبه للي طلب مني التفاصيل بحاول جاهد اكتبها لكن بحدود المعقول و ابشركم صرفيتنا عاديه جدااا .. حنا ثلاث اشخاص لمده 10 ليالي صرفنا لنا كلنا الثلاثه بالظبط 28 الف ريال ..


قابلنا واحد هناك قال انا صرفت لي 38 الف وهم ثلاثه يعني فوق الميه وعشرين الف في 15 ليلله يالبيه بس لو يعطوني دراهمهم كان أجدد استمارة الفورد ههههههههههههههههههههههههه ه


الله يرزقهم و يهنيهم و كلن بعقله راضي و لا نقول الا نسال الله ان يغفر لنا و لهم و يوفقهم و يتوب على الجميع و يوسع صدوركم بالعافيه ..


انتظروني فيه سالفه انما هي ايه .. معلومه يمكن تهمكم ولا تدرون خلوها بوقتها اقصد المعلومه مب لازم و الله من اللقافه ههههههههههههههههههههههههه

وين كان السكن وكم سعره معكم سياره سواق
صرفيتكم حلوه شاون قدرتوا تنسقونها

الله يسعدك حبيبنا سلطان اسعدتنا بكلامك الممتع. واصل ونحن نقرا ماتسطره اناملك (حللللوه اناملك صاير سيباويه على غفله ههههههه )

الحمدلله على سلامتك

ههههههههههههههههههههههههه ههههههههههههههههههههههههه هههههههههههههههه
مبدع مبدع مبدع مبدع مبدع
يسلموووووو