السعودية في خطوة متأخرة تضيف رحلات بتوقيتات جديدة

خطوه موفقه وحلوه.
اتمنى يضيفون رحلات من الرياض في نفس التوقيت..رحلة الخميس توصل كازا في حدود8 بالليل يعني تقريبا ضاع يومك

مراحب ..
الخطوط السعوديه افضل طيران للمغرب الزووين من وجهة نظري ..
والسبب ..من المطار الى المطار دايركت
العام كانت اسعارهم حلوه مره ودايركت ..
السنه صراحه اسعارهم نااااار ..
على سبيل المثال العام في منتصف مارس التذكره من الرياض دايركت بسعر 1975 ريال
السنه نااار ي حبيبي ناااار ..
بالاضافه العام اعتقد والى وقت قريب كانت الرحلات من الرياض ايام الاسبوع متوفره ..كل يوم او يومين تقريبا ودايركت ..
السنه رحلات الرياض موخوش اغلبها تنزل دايركت في جده وب اسعار مبالغه ..
تحياتي ..

خبر ممتاز

لاكن بالنسبه لي صار لي مواقف مع الخطوط السعوديه تأخير كذا مرا وكان عندي ترانزيت رحلات داخليه وراحت علي من بعدها خلاص عزلت اروح ع الخطوط السعوديه

صراحه افضل توقيت عجبني والتزام بالوقت والأمتعة طيران الأتحاد حجزت تذكره ورحلتي بعد اسبوعين ان شاء الله
موعد الوصول لمطار كازا اساعه 7 ونص صباحاً توقيت روعه بالنسبه لي اوصل مراكش اساعه 10 ونص واحط راسي وانام واصحى العصر واليوم كله معاي

وميزة خطوط الأتحاد انك اتشوف فيه اشكال تفتح النفس لأن الطياره اتكون مقلعه من دبي يمديك تضبط وضعك وانت بالطياره هههههه اما الخطوط السعوديه فيها اشكال الله المستعان بس ههههههه

طبعاً خطوط الأتحاد تنفع للي ساكن بالشرقيه مثل الدمام يقلع من مطار الدمام إلى دبي وترانزيت 50 دقيقه ومن دبي إلى كازا دايركت تنام بالطياره واساعه 7 ونص الصباح وانت مصحصح وفي كازا

خطوة آكثر من رائعة ... كنا نطالب بها الخطوط السعودية من سنين .. وآعرف كثير من المزاعيط يظطر السفر على خطوط آخرى بسبب وصولها المبكر لمطار محمد الخامس واستغلال يومه بكل رااااحة

طيران الاتحاد اللي اعرفه تقلع من ابو ظبي
طيران الامارات من دبي
بس بالنسبه لسكان مدينة الرياض الترانزيت متعب لهم هذي الخطوط

ماتفرق دبي او ابوظبي

لكن توقيت الوصول الأتحاد افضل وبرضو الترانزيت حق الأتحاد افضل من طيران الأمارات

طيران الأمارات الوصول اساعه 12 ونص الظهر او بالليل

لأنه مافي رحله من الدمام إلى كازا دايركت

ع الخطوط السعوديه تقلع من الدمام إلى الرياض او جده وترانزيت اقل شي 3 ساعات وبعدها إلى كازا

اما الأتحاد تقلع من الدمام إلى ابوظبي وترانزيت 50 دقيقه ودايركت إلى كازا واتشوف الوجيه اللي تفتح النفس بالطياره و الوصول مميز اساعه 7 ونص الصباح وعيش يومك

لأهل الشرقيه غير الأتحاد بالتوقيت لادور

وسفره سعيده لجميع المزاعيط

صحيح من شهر تقريبا حاجز على هالتوقيت من موقعهم على شهر اغسطس

طيران الانحاد من ابو ظبي..
الاماراتيه من دبي..كلامك صحيح ياولد الجزيره.
من زمان كانت فيه رحلتين مباشره من الرياض الى كازا يومي الثلاثاء والاربعاء
رحلة الثلاثاء2 الظهر ورحلة الاربعاء9 الصباح بعدها الغوها وصارت ترانزبت على جده الى كازا والرحلة متعبه..
من العام فيه رحله يوم الخميس 3 العصر مباشره الى كازا وصراحه ريحتنا كثير اتمنى تصير فيه 3رحلات اسبوعيا مباشره من الرياض لكازا لان الترانزيت متعب. واذكر تناقشت مره مع كابتن الطياره في وقت ماكان فيه رحلات مباشره من الرياض الى كازا قال لي الكابتن (عطني ركاب يملون الطياره ومستعدين نطلع رحلتين يوميا مباشره الى كازا قالها وهو يضحك)