تحذير لمسافر المغرب

والله يابن الحلال انا كنت ناوي ادخل المنتدى ذا ادور خوي خصوصاً بعد ما خويي صار له ظرف واعتذر.

لكن بعد اللي شفته في هالموضوع والردود هونت وشكلي بطلع لحالي او اغير الوجهة.

خصوصاً اني انسان حالي حال نفسي ولا احب المشاكل ابد ابد

مشكور يالغلا عالتنبيه

والله ما اخليهم وانا ولد رووق
ولا اغادر المغرب الا ماخذ حقي
هذا طيب وعلى نيته
ماعرف يحفر لهم صح ويفكر نفس تفكيرهم
اجيبهم عن طريق كاميرات الفنادق مقاهي
اي شي
والرجال ينعرف من منطوقه وارتياحك له من النظره الاولى
الله لايبلانا بس
----------
انا تخاويت انا وكويتي بالروز قاردن هو لحاله وانا لحالي
وتعرفنا وتخاوينا سهرات وكافيهات ومطاعم
وكلش ففتي ففتي بيننا
لامزارق طيب ولاغيره
وارتحنا مع بعض
لدرجه اننا بعد ثالث يوم سكنا بفله وحده
وفليناها 10 ايام ولا احلى

الناس معادن واصابعك ماهي سوى
الله يوفق الجميع

الله يعوض علية اصحاب في السفر تنعرف من اول مشية ليهم

ونية تبان خاصة انةمايعرفهم مايبين انة عنده يبين انة على قده

تمام

كنت بمطار جدة انتظر الاقلاع
واناظر بجوالي
الا الصوت يشيه باباي اللي بافلام كارتون
وارفع راسي الا واحد خمسيني اشهب يسد النفس
واضح من وجهه انه متزوج اربع
وساحب عليهم وراعي دشرة
المهم عرفت انه يبي يتلزق
قال السلام عليكم
قلت هلا
قال نسولف قلت تفضل
اتضح انه رايح المغرب
قام يحكي بطولاته
وقمت ازبط التصريفة والحظر والبلوك والدليت
ركبنا الطيارة وقام يترجى خلق الله
حتى يجي جنبي
جلس جنبي
وعشان اقفل عليه الطريق
قلت تراني سهران لي شهر وابي انام
وصلنا المغرب
قال عطني 300 درهم عشان اجيب لك الشناط بسرعه
واعطني 200 درهم عشان اجيب لك شريحة
قلت هيا احلف وش العروض المغرية
تصدق كنت اخذ الشريحة بااربعه الاف
واطلع الشناط بنص مليون
المهم ضحك وقمط العاقية واعطاني نظرة مااعجبتني
اخذت شناطي ومشيت وهو يلاحق وراي
واخذت شريحة
وقتها ماكنت اعرف موضوع حسابي في وفاء كاش
ركبنا سيارة وهو لابد على قلبي مثل الجبل
السيارة هي اللي راح اخذها ايجار
بس لازم نطلع كازا ننهي بعض الاوراق
واللي يسوق السيارة اعرفه زين
طبعا طول الطريق يحكي بطولاته
بنص الطريق وقفنا عشان نصرف
قال عطني الفلوس انا اصرف لك
قلت لو كنت معاق او اعمى عطيتك
بس توكل
نزلنا وصرفنا وعندي بجوالي محول العملات
وادور اقرب واحد لفرق التحويل
طبعا يناظرني وانجلط
قبل نوصل كازا
وارسل للسايق رسالة الواتساب
قلت شفت الكلب اللي راكب ورى
ابغاك ترميه في اقرب زباله هو وعفشه
قال ابشر
وفعلا تم التخلص منه في مدخل كازا
هذا ابن بلدي وناوي علي بالشر من السعودية
وكبير بالسن وباين عليه خبرة بالدشرة والنصب

احب السفر لوحدي
لحدة مزاجي وتقلباته المتكرره
وثقتي بالناس تجي بصعوبة
وتنهار بسرعة عند ابسط موقف

ياصبرك عليه

السفرة الاخيرة زاملت جاري في الطيارة وبقينا اسبوع مع بعض.
ماكان فيه معرفة مسبقة
كنا نسولف مع بعض طول الرحلة
وارتحنا لبض.. وعرض علي هو الفكرة
كان اسبوع رائع هادئ متزن.. وسفرته قصيرة
رجع الديرة وكملت انا
.....
اذا اتيحت لي الفرصة ساكرر التجربة
طبعا ليس مع اي شخص.
لان دايم وضع الشخص يبان من اسلوبه . حديثه . طريقة تعامله.... فاللي ارتاح له ماحس فيه بطمع. حب استغلال . انانية. محاولة استغفال . كذب.
بكون سعيد بمصاحبته.
........
مع عدم اغفال امور معينة.. مثلا
- غرفة مشتركة لا . رغم انه هو مرحب . لكن انا رفضت بشكل قاطع.

وبنسبة لوجهة نظري الشخصي
قد تكون غريبة جداً للبعض ولكن هكذا استمتع


انا شخصياً اشوف ان السفر له طعم غير اذا كنت وحداني اكون بحرية تامه اختار الاماكن الي ابي ازورها واضيع الوقت وانام واصحى مثل ما اشوفه مناسب لا اراعي احد ولا احد يراعيني كذا احس اني احقق الهدف الحقيقي من السفر وهي التجرد من كل المسؤوليات والواجبات الي يكون من ضمنها مراعات شخص اخر معك

الشخص الاخر قد يكون وجودة في بعض الارقات جميل وقد لا تحلو بعض الاماكن الا في وجود الاخر معك هذا يجعلني افضل وجود سخص اعرفه او اتعرف عليه في تفس المنطقه بدون اي التزام بيني وبينه من سكن ار خطة سفر يعني نتواعد ونتقابل مثل ما انا بمدينتي مع اصحابي