تحذير لمسافر المغرب

المشاركة الأصلية كتبت بواسطة hatemckck

كنت بمطار جدة انتظر الاقلاع
واناظر بجوالي
الا الصوت يشيه باباي اللي بافلام كارتون
وارفع راسي الا واحد خمسيني اشهب يسد النفس
واضح من وجهه انه متزوج اربع
وساحب عليهم وراعي دشرة
المهم عرفت انه يبي يتلزق
قال السلام عليكم
قلت هلا
قال نسولف قلت تفضل
اتضح انه رايح المغرب
قام يحكي بطولاته
وقمت ازبط التصريفة والحظر والبلوك والدليت
ركبنا الطيارة وقام يترجى خلق الله
حتى يجي جنبي
جلس جنبي
وعشان اقفل عليه الطريق
قلت تراني سهران لي شهر وابي انام
وصلنا المغرب
قال عطني 300 درهم عشان اجيب لك الشناط بسرعه
واعطني 200 درهم عشان اجيب لك شريحة
قلت هيا احلف وش العروض المغرية
تصدق كنت اخذ الشريحة بااربعه الاف
واطلع الشناط بنص مليون
المهم ضحك وقمط العاقية واعطاني نظرة مااعجبتني
اخذت شناطي ومشيت وهو يلاحق وراي
واخذت شريحة
وقتها ماكنت اعرف موضوع حسابي في وفاء كاش
ركبنا سيارة وهو لابد على قلبي مثل الجبل
السيارة هي اللي راح اخذها ايجار
بس لازم نطلع كازا ننهي بعض الاوراق
واللي يسوق السيارة اعرفه زين
طبعا طول الطريق يحكي بطولاته
بنص الطريق وقفنا عشان نصرف
قال عطني الفلوس انا اصرف لك
قلت لو كنت معاق او اعمى عطيتك
بس توكل
نزلنا وصرفنا وعندي بجوالي محول العملات
وادور اقرب واحد لفرق التحويل
طبعا يناظرني وانجلط
قبل نوصل كازا
وارسل للسايق رسالة الواتساب
قلت شفت الكلب اللي راكب ورى
ابغاك ترميه في اقرب زباله هو وعفشه
قال ابشر
وفعلا تم التخلص منه في مدخل كازا
هذا ابن بلدي وناوي علي بالشر من السعودية
وكبير بالسن وباين عليه خبرة بالدشرة والنصب

احب السفر لوحدي
لحدة مزاجي وتقلباته المتكرره
وثقتي بالناس تجي بصعوبة
وتنهار بسرعة عند ابسط موقف

المشاركة الأصلية كتبت بواسطة Best

نسيتوا اهم نوع وجب التحذير منه الا و هو المتزوج الخواف.

نصيحة و تحذير شديد اللهجة. لا تسافر مع واحد متزوج و يخاف من من زوجته و كاذب عليها انه مسافر لبلد غير المغرب. هذا بينكد عليك نكد غير طبيعي لدرجة انك يمكن تفكر تقتله. بتلقاه واحد عايش في فيلم رعب طول اليوم و كل نص ساعه داخل غرفته يكلم زوجته و المصيبة ان هذا النوع أكيد زوجته تكشفه و شوف بعدها كيف يتحول الى شخص بانتظار تنفيذ حكم الإعدام. مخلوق يقتل كل فرحه في مهدها.
صحيح انك راح تحطه في كرتون و تشحنه لزوجته و تكمل باقي سفرتك. بس بيكون خرب عليك ايّام من سفرتك و رفع لك الضغط

المشاركة الأصلية كتبت بواسطة hatemckck

هذا مو خواف بقدر مايقدر بنت الناس ويحترمها
ويحاول يسافر وينبسط
ويحافظ على بيته وسلامته من اي مشاكل
بنظري هذا افضل واحسن من البجح
اللي كل جماعته يدرون انه كل شهر بالمغرب


خيركم خيركم لااهله

المشاركة الأصلية كتبت بواسطة Best

ركز الله يهديك. خلطت الحابل بالنابل
واحد أزعجك الا يخاويك للمغرب. شو دخلك انته بترتيباته الداخلية مع أهله هل لازم يسافر معاك و يخرب سفرتك علشان يثبت لك انه يقدر بنت الناس و يحافظ على بيته. و انته عندك الرجال بس نوعين. يا خواف من زوجته او بجح كل شهر بالمغرب ؟

يا صاحبي هذا سفر. من البداية خلك صريح مع نفسك و الجماعة اللي بتخاويها. اذا منت قد السفر للمغرب. لا تسافر و حافظ على بيتك بدون ما تخرب على غيرك. و اخيراً من أقنعك ان كل واحد يسافر للمغرب لازم يكون ما يحترم بنت الناس و لا يحافظ على بيته.

المشاركة الأصلية كتبت بواسطة hatemckck

كلامك يتفق مع كلامي

وعادي لو راح اتصل بااهله من وقت لوقت مافيها شي

وعادي لو سمعته يقول انا بحراج بن قاسم ادور جنط

مافيها شي

المهم ان علومه الثانيه بالسفر معك تجمل