نقاش : هل كازا فكوك؟

الله يحييك أخوي ويبقيك,,,

:Abu Ahmed (137)::Abu Ahmed (137)::Abu Ahmed (137)::Abu Ahmed (137):

الله يرجك ياشيخ وأنا أقول وشذا الاسم الغريب من وين جايبة,,,أثاريك طير شلوى

هذي نادر ماتحصل ياخوي,,,الا إذا انت انسان مقرود ومنحوس هذا شي ثاني:Abu Ahmed (137):,,,

يالغالي انا على كثر سفراتي ماحصلت لي الا مرتين,,,مرة وقفني الدرك وجالس يطر يبي فلوس ويقول انه ماتعشى وعطيتة مية درهم وانقلع,,,,ومرة وقفني متوقع ان وراي طير بيجيني بسيارة ثانية ويبي يصيدة علشان يجلس يساوم والحمد لله ماصار شي ولا يحزنون,,,وهذا تحصل اكثر شي بمراكش,,,

لكن الحل ياغالي انك تكون هادىء وواثق من نفسك واذا بداء يطر قلة مامعي الا بطاقة وانا غادي انعس,,,صدقني بيمل ولا راح يسوي لك شي,,,وهذي الحالات نادرة اخوي وقليل ماتحصل,,,

ياخوي انت موسوس ومتشائم الى أبعد الحدود!!!

ياخي لو كل المسافرين مثلك مكان احد سافر ابد!!!

والله اني اروح لعين ذياب ليل او نهار وانبسط وافلها ولا طقيت لهم خبر ولا يحزنون,,,ليش أعطيهم أكبر من همهم على الفاضي,,,وهم اصلا مو ذيك الكثرة باللي انت توصفهم فيها,,,ياغالي كثير مانروح لعين ذياب وخصوصا الماكدو اللي مقابل فرايدز ومقهى ميامي وتروبيكانا ونمشي على الكورنيش,,,صحيح اننا نحصل مضايقات لكن قليلة ولا هوب بالتصور اللي انت جالس تقولة,,,

اسمح لي انت انسان متشائم وموسوس بدرجة كبيرة,,,وسع صدرك وخلك واثق من نفسك ولا تعير لهم بال ولاتلتفت لهم,,,ولا تخلي تشائمك يحرمك من زيارة الاماكن الجميلة,,,

تحياتي وأشواقي,,,

__________________
تابعونا:Abu Ahmed (456):...


تقرير سفرتنا الى المغرب 2011 (( اللمّبي & العربي باطمة & مصطي & بوقوس ))...3000 صورة !!!

تم انزال الحلقة الثالثة : الصفحة 22

:Abu Ahmed (706):
وانا اضيف على تعليقات الاخوان
بأن السلبيات والايجابيات موجوده في اي بلد بالعالم
لكن الانسان الي يحاول يخرج بأقل الخساير في حال وقع في موقف سلبي
او ان يستفيد اكبر استفاده من الفرص
هذا هو الانسان السعيد وهذي خذها مني
الي تسمعه يمكن يصير لك ويمكن مايصر المقدر والمكتوب بيصير لكن ركز على النقطه الي ذكرتها لك فوق وتقبل مروري

الي كازا فكّوك أجل حايل وش اقول عنه ..!!

يالغالي ملاحظاتك تقدر تتجنبها بكل سهوله .. بس الشغله يبي لها شوي فهلوه ..

زي مسألة الدرك .. أهم شيء مايمسك عليك شيء أو يلقى معك أحد .. مسألة إنه بيجيك وأنت لحالك ويسوي فيها على راسك .. لا يهمك هو يبي يستغل سمعة الدرك ويطلع له بكم درهم ..

أما الملاحظات الثانيه تلقاها بكل دوله موب بس بالمغرب ..

مشكلتنا مانعرف سقف الحريه بالمغرب كيف .. ولحد يزعل من كلمتي 99% من الخليجين بشكل عام عنده قاعده غلط .. لين قلت له شيء قال أسوي كل شيء بخشم الريال .. وأنا جاي بفلوسي ..!!

ماقلنا شيء جاي بفلوسك .. لكن احترم المكان الي انت فيه عشان يحترمونك الناس .. وخل قاعدتك بالسفر لأي دوله موب بس المغرب .. ياغريب كُن أديب ..

__________________
نلتقي .. لنرتقي ..

الحكومه هنا ماشاء الله

يالله حيهم :Abu Ahmed (772):

انا معك 100% بالميه بكلامك ولا اعارضه (حكومه والا بعد )

لكن ودي اقول شي
يقول المثل

امشي عدل يحتارو عدوينك فيك

صح الا لا
صح
طيب امشي عدل = امشي حسب النظام
صح الا لا
صح

طيب وشو النظام

مدري لانه كل واحد منهم يطلع لك نظام من ........ اكمل الفراغ

وهذي انا دايم مشكلتي عطني نظام وخذ رجل لاكن لاتقعد تجبرني امشي على شي واحد مطلعه

ياناس كلنا نحب المغرب وانا ما احس اني سافرت لو مارحت لها والله اني اغلبالاحيان اذا دخلت النت اقعد اشوف الحجوزات
لكن المنطق والامانه الفكريه يحتم علي اني افتح هالموضوع


اقسم بالله اني خقيت مع نفسي يوم قلت الامانه الفكريه :Abu Ahmed (456):
والا وش رايكم

يالحكومه

معك في كل نقطه اخوي رابح
:Abu Ahmed (456):
ونادرا جدا تلقى من يتبلاك

يعني تخيل انت ساكن في شقه في الرياض والشقق شقق عوائل

ومسوي صجه ولجه في الشقه بيسكتون عنك جيرانك اكيد بيشتكون

ومثل مافيه في الرياض واي مكان في السعوديه عوائل محترمه

نفس الشئ تحصله في المغرب فيها عوائل محترمه وعندها دوامات

مشكلتنا ان فيه بعض الشباب من الخليج يحسب انه اذا راح المغرب اوي اي مكان

يسمح بدخول الطيور يحسب ان الوضع ايزي

وفي الاخير اخوي

احترامك لنفسك يجبر الاخرين على احترامك

واتمنى تقبل وجهة نظري

اخوك بندر

اللمبي وشلونك :Abu Ahmed (113):

بالعكس منتب لاقي احد متفائل ويضحك للدنيا قدي بس الظاهر اني مقرود:Abu Ahmed (46):

ماقلت لك اني مقرود ياخي انا صار لي اكثر من موقف بسفرات متباعده خلاني اقول هالكلام وواحد من المواقف اني بغيت اذبح واحد من المبزره :Abu Ahmed (728): لاني يوم ما عطيته رش علي من قوطي ببسي بالارض وش رايك باكثر من كذا قراده


انا اقولك وش مشكلتي انا اذا رحنا نتمشى غالبا نكون ثلاثه اربعه وكلنا واضح علينا اننا حوالا يمكنك انت تروح لحالك او معك واحد فماتواجه الي اواجهه

حقيقه موضوعك جميل جدا ومثير للنقاش كل بلد وفيها الحلوه والمره وايجابيات وسيئات ولكن انت تقدر تتلافاء هذه السيئات وتزيد من الايجابيات .

عين ذياب والشحاتين هذي مشكله مزمنه وموجوده في كل بلدان العالم

ماليزيا والتوين سنتر الهند في اسواقها سوريا في كل مكان مصر لبنان عد واغلط

اقلك شي لاتروح بعيد تعال عند البحر فجده وتحصلهم والحين يشحتوا بذوووق يجيك واحد شخصيه ويشحت منك با ادب سواء ناسي البطاقه او ضايعه المحفظه صحيح انو فرق بينهم كبير تعرف ليه لان الشخات اللي هناك يمكن له يومين او ثلاث ايام ما اكل وعارف انو انت معاك فلوس

الزحمه هذي اخطيت فيها ....

الدرك يا اخي انا ماشفت اعل من هذولا الناس واشحت منهم ترا ماوقفك الا يبي فلوس انا اشوف انك تحاول تتجنبهم قدر المستطااااع ولو صار بينكم مواجهه يليت يكون مامعك شي

عموما اذا انت شايف انو كازا فكككوووكك

انا شايفها احلى مدينه بنيت على البسيطه

__________________

اللي ذبحني يا اخوك جوج هكا بلازااا *** مزيان كيداير وبالزاف وشكون

شباب مع كل الاحترام لكل الاعضاء


اتمنى قرائة النقاش جيدا وعدم الرد لاجل الرد فقط اتنمى يجاد حلول بدل الدفاع الاعمى


انا متى قلت اني شايف كازا فكككوووكك

الموضوع سؤال والدليل " هل " واخر الجمله فيه ؟


وعين الرضا عن كل عيب كليلة
ولكن عين السخط تبدي المساويا
ولست بهياب لمـن لا يهابنـي
ولست أرى للمرء ما لا يرى ليا

فإن تدن مني تدن منك مودتـي
وإن تنأ عني تلقني عنـك نائيـاً

كلانا غني عـن أخيـه حياتـه
ونحـن إذا متنـا أشـد تغانيـا

حبيبي يعني من قلة المواضيع علشان مالقينا الا موضوعك

نرد فيه اكثر ماكثر الله المواضيع واكثر الشباب مارد الا رد واحد

وعلى العموم خل روحك رياضيه

اختلاف الراي لايفسد للود قضيه

واسفين اذا غلطنا ومنسحب مو من المشاركه في موضوعك

في مشاهدته بعد اذا كانت هذي ردودك

الموضوع سؤال والدليل " هل " واخر الجمله فيه ؟

طيــر شلوى .. ههههههههههههههههههههههههه ههههههههههه

انت فتحت نقاش وسع صدرك واسمع من كل الاطراف ... لولا اختلاف الاراء لبارت .. كمّل ..


اعجبني السؤال والدليل .. حبيت اكون متابع ..

تحياتي ..