للزواج

السلام عليكم ورحمة الله وبركاته.

طلع لي تصريح زواج من المغرب. بدون والحمد لله تعب ولا ريال حطيته في المعاملة. وخلال شهر و١٢ يوم بالتحديد وكنت في اندونسيا

الحين جا دور الجد. والمغرب ما زرتها ولا اعرف فيها شبر ولا طبت رجلي المغرب.

يمكن اروح الأسبوع المقبل ثلاثه ايام. بأخذ فكره. عن البلد ،

أبي منكم مشكورين اللي عنده معلومه لا يبخل. علي والله بدعيله بمكة
واعجبني الموقع. وقلت خليني أوثق الأحداث
ولكم الشكر
ويكتب لنا ولكم التوفيق

الله يوفقك في بنت الحلال اللي تسعدك.
وش نوع المعلومات اللي تبي؟
اشهر المدن السياحيه بالترتيب هي
مراكش
اكادير
طنجه
بالنسبه للزواح ماتدري وين يوديك النصيب لكن روح للشمال وشوف طنجه والشاون وتطوان والقصر الكبير واصيله واستمتع بالطبيعه والاجواء وممكن تشوف اللي تعجبك

وعليكم السلام ورحمة الله وبركاته

اخي خالد الله يوفقك ويسعدك ويسهل امرك
اذا انت حاب تاخذ فكرة عن المغرب ماينفع ثلاث ايام في هذه المدة ماتقدر تاخذ فكرة عن الفندق اللي بتسكن فيه انا من شوري لك خلها اسبوعين بالقليل تقدر تاخذ فكرة حتى لوتظطر تأجل الرحلة لان موضوعك لازم يكون على راحة بدون استعجال من جميع النواحي لازم تتأمل البلد والحياة وتعرف انت كيف تلقى شريكة حياتك ولاتنسى العقل والدين والجمال ليست محكورة في مدينة معينة على حسب البيئة والتربية تكون البنت

اسأل الله ان يوفقك بالزوجة الصالحة

أسأل الله بأن يكون التوفيق حليفاً لك في قرارك،،

لكن كيف تقوم بإصدار تصريح زواج من المغرب وأنت لم تختر الزوجة المرادة..!! ولم يسبق لك زيارة المغرب..!!

لا تهم الجنسية كثيراً..!!
الأهم اختيار الزوجة المناسبة لك ولأحوالك،،

تريث يا أخي.. وأستخير،،

بالتوفيق،،

الله يوفقك و يرزقك بنت الحلال ..

إجعل قلبك دليلك , ولاتهتم بأي شي آخر .. " إلا الأساسيات .. من دين و أدب .. إلخ "

هي حياة واحة نعيشها .. لاترهق نفسك بالبحث .. إذا نبض القلب فـ تمسك ^ـ^

السلام عليكم يا اخوان.
وأشكر كل شخص شارك في موضوعي اسأل الله ان يوفقه. دنيا وآخره.

الموضوع. حسّيت انه مايبليه استعجال. يبيله ركاده. باْذن الله.
ثاني شي. علي قول اخوي ٣ ايام ما تقدر تستكشف حول الفندق. مو مدينة

الثالث. انا طلعت تصريح للمغرب قالي المشرف علي التصاريح انه تقدر تغيره في اي وقت.

حبيت اسأل عن فنادق اسكن فيها. ماني والله راعي هواء. ولا سهر. ابي اسم فندق لو انه غالي بس هادي

وأسال عن سواق رجال. يفر بي كازا. زين. للي عنده رقم يزودني بيه.

لوحدي بروح اللي عنده نصيحه لي أكون له من الشاكرين. وأماكن المشاكل والتكاسي كيف اتعامل الخلق. هناك.


ولكم الشكر

شوف ياغالي بما انك في كازا خذ سواق من محلات التأجير اللي في مطار كازا ولاتسأل احد عن سائق لانك في نفس المدينة منت طالع مراكش ولا اقادير يعني اي ملاحظة عليه الشركة جنبك تقدر تغيرة والفنادق بما انك مالك في الضيوف اسكن في الفنادق الموثوقه في بوكينق وارخص لك وتعتبر الفنادق اللي مافيها سهر ولا ضيوف هي الانظف والامان عالي فيها

بالتوفيق

بالتوفيق يالغالي
انشالله تلقى الزوجه اللي في بالك
ياليت تفيدني عن استخراج تصريح الزواج
لاني حاولت قبل كذا عن طريق أحد المسؤولين
في الداخليه وطلب مني عشرين ألف ريال كرشوه
للحصول على التصريح ورفضت

3 ايام ما تكفي عشان تاخد نظرة عامة عن المغرب و لا تتسرع اتمنى لك التوفيق و بنت الحلال اللي تصونك

__________________
https://www.mza3et.com/up/uploads/im...f869029b89.gif

بيقولوا زواج ليله تدبيره عاااام..والواحد لازم يقيس قبل مايغيس ... في التأني السلامه وفالعجله الندامه..سواء مغربية أو من أي جنسية ثانيه لازم تطبيق المثل القائل "اللهم 100 تخميمه ولا ضربه بالمقص"...موفق انشالله..
بس عندي استفسار لو تكرمت.. بالنسبة للتصريح بالزواج..كيف طلعت تصريح ولسه مالقيت الزوجه؟؟ وشو بيكون مكتوب فهالتصريح عامة؟ هل هو خاص يعني يصلح للزواج بس من المغرب او فيك تتزوح بيه باي دولة عربية ثانيه؟؟ وهل تقصد بالتصريح موافقة الزوجه الاولى (الخليجيه مثلا) او هو وثيقة ثانيه.. المرجو الافادة ومرسي كثير مسبقا..

__________________
كلآم الناس بالنسبة لي ،، مكآلمة لم يتم الرد عليهآ ..!!!