عطرك المميز

كنت في محل تخفيضات وكان عندهم عطور عادية رخيصه شغل مشي حالك وكلها من 20 الى 40 ريال ، جربت منهن واحد ولقيته حليو ، بكم؟ قال ب 40 ريال قلت هاته رخيص وحليو.
المهم يا جماعه شي غريب جدا !! كل من جلست معه قام يسألني وش العطر اللي انت حاطه!! رجال و ونساء
حتى مديري في العمل رجل رسمي جدا ولا يمكن يفتح معي موضوع مثل هذا ورغم ذلك سألني وش العطر اللي انت حاطه هههههه
اهلى وقرايبي وش العطر اللي انت حاطه ، زملاء العمل وش العطر اللي حاطه.
يا جماعه حتى شخص في المطار جلسنا نسولف قبل ما نركب الطياره ما اعرف الرجال - تصدقون سالني وش العطر اللي انت حاطه ، يا هوووه وش السالفه.
اذا جلست مع احد وسلمت عليه مع تبويس وشم العطر ياخذي بالاحضان وش ذا العطر الزين.
اكتشاف خطييير ، انا اشم ريحته حلوه بس يعني عادية - بس صراحه ردة فعل الناس باكتساح كانت غريبه جدا و الجميع يسال عنه.
واروح واشتري منه درزن - هههههه رخيص كثر منه.
بعدين اقولكم وش اسمه هههه للتشويق فقط.