، واللحين افكر اروح لشمال ايطاليا بالتحديد ميلانوا
.
.. وعملنا كذا
.. وسهرنا هنا ..
وهناك ...gif)
يسوس لي "ها روح للمغرب أرخص واحلى وجرب مب خسران شيء" ونفسي
تعزز له "انت مب خسران شي جرب كلها اسبوع" ، وقررت ادخل لموقع الخطوط السعودية واحط رحلة من الرياض الى الدارالبيضاء التاريخ 16 اكتوبر الى 24 واضغط انتر انتظر الجواب الشافي الوافي ، لاني كنت اقول لو طلع نفس سعر تذكرة ميلان احول لها ، ويطلع لي سعر بطل وخيالي 1750 ريال بس مستحيل
قمت بالحجز المبدائي وعطاني نظام سداد فرصه يوميين قلت اشوف السكن وابحث بالمنتديات واقرر بعدها اشتري التذكرة او لا.
... شكرا ً لا توفي حقكم، بعد الاطلاع على تجارب الاعضاء قررت قضاء ثلاث ليالي بكازا واربع في اغادير، وليله أخيرة في كازا قبل العودة لأرض الوطن.
حول وش السوات قلت اروح لمكتب سفريات عادي وضربني
بسعر أعلى من الموقع قلت لا بكره استذن قبل نهاية الدوام ، والعجيب انه بعد ذاك اليوم ما قدرت استذن بسبب الاجتماعات والمشاريع وكتابة تقارير للعمل و ضيوف وارتباطات وجاك رمضان وبعدها ما بقى الا 40 يوم على السفر لازم اروح اشتري التذكرة يا ولد واخربها مع مديري "اسف يا معلم العمر يخلص والشغل ما يخلص"
اخيرا ً استذانت بعد العصر ، وادز لهم وقبل ما تعتب رجلي على الباب الا الموظف يقفل الباب ليش باقي ربع ساعة اقول له؟؟؟ .gif)
طبعا رحت للمدير عشان اطلب السماح للخروج قبل الساعة 2 وانا داخل لمكتب سعادته عشان اطلب الدخول على طال عمره من السكرتير، فرد:
شكله مب جاي اغلب الاجتماعات اجلها لبكره.

.gif)


.
وقلت حلو خلني اطلب منهم يرسلون لي سواق يستقبلني في المطار ارسلت لهم موعد الوصول ورقم الرحلة ، وسبب طلب السواق لاني تخيلت من كلام وتجارب الاعضاء بان سواقيين التكاسي (طاكسي) صح كذا، ،، المهم بانه السواقيين لعند المطار دوشه وراعين مشاكل
.
.
واغلبها ما في موظفيين وين الشباب والمطار شبه فاضي لانه ثاني ايام العيد والساعة خمسه وربع حرام والله حرام ، اطالع يساري الا اشوف شاشه مكتوب عليها "الدارالبيضاء" واخذ نفس عميق وزفير بتنهيده "اووووووووه"
وتوه الموظف يستلم تفضل هذا الجواز وهذي نسخة من التذكرة والشنطة على السير ، وشوي الا اسمع كلمة " تفضل توصل بالسلامة" الله يسلمك توصي شي من هناك (مسوي كريم) واهرول الى الجوازات
تفضل واحط اصابعي على الجهاز ما باقي الا احط اصابع رجلي واطلع للتفتيش وامر من اجهزة الاسكانير تمام كلوا تمام وفي خاطري اغني "مع السلامه بيباي بالانجليزي GoodBay " ...
وامر على د.كيف :
عند باب الطيارة واخذ لها صورة للذكره ، شوى الا شوف شي صغير اخضر طاير جمبي يصقع في باب دخول ممر الطائرة الا هو رجال اخذ منه الدهر عتيا ، لابس بدلة رسمية لونها اخضر ويتلفت ويسألني:
،،، الا فاتحيين الباب واسمع "الدارالبيضاء" كنت من اوائل من دخلوا الطيارة ورحت لمقعدي مختار المقعد من يوم حاجز التذكرة عند الشباك ، ما هي الا دقايق الا اشوف مقفلين الباب وش السالفه خلاص الطيارة لسه نصها او اكثر فاضيه ونقلع من الرياض بالوقت المحدد حلو يعطيهم العافية الخطوط وانا اقول وين لاسمع واقرء عنه انها اسوء خطوط بالمواعيد وغيرها
، الا شوف بالشاشه لامامي "الوقت المتوقع وصوله لجدة" ايش
؟؟؟؟ وانزع السماعات واكلم المضيفه:
في تركيب مسافرين من جدة الاماكن الفاضيه امتلت على بكرة ابيها ، واقلعنا الشي الايجابي ان الشاشه كانت تشتغل بشكل جيد شفت كم فلم ، والغريب اننا وصلنا على الموعد شكله الطيار داعس هههه ، طبعا وزعوا علينا كروت دخول لمملكة المغرب وكتبة كل شئ صحيح الا الوظيفه خفت اكتب اداري مشاريع يلزقون فيني حقين الجوازات والجمارك قلت اكتب معلم احسن ، الشيء العجيب يوم هبطنا في مطار محمد الخامس الكل قام يصفق ويهلهل وش السالفه قلت اصفق
معهم واشوف الابتسامات العرضيه تجتاح جميع الركاب . وانزل من الطائرة وعلى الجوازات وادور طابور كله اوروبيين امشي وراهم (حسب نصيحة شباب المنتدى) وبعد انتظار جاء دوري :
فندق تستقبلك وتاخذك لسيارة حديثة اخر موديل ، لا بنت و لا سيارة طلع سواق طاكسي يتعامل معه الفندق بس الامانة الرجل محترم وسيارته نظيفه طبعا استذانته باني اروح اصرف فلوس وراجع ما في دقايق الا طالع من المطار ومتجه لعين الدياب الطريق ممتع اشجار وهواء عليل
، وصلنا لأجنحة البستان الفندقية واشوف قصر ابو متعب (الله يرحمة) كان مقابل الشقق وادخل المبنى وعند الاستقبال:
على الشاطى للاسف فاتني فترة غروب الشمس وكان المكان روشه ناس اشكال والوان ، البسيط والصعب يحتفلون بالعيد الكبار والصغار اجواء جميله وصلت لمطعم كنتاكي قلت ارجع واتعشى وصلت لمطعم ماكدونالدز لاني للاسف ما لقيت مطعم فرايديز لقيته مسكر (سألت ليش المطعم مسكر في روايتان الرواية الاولة وشكلها الاقرب للحقيقة صاحب المطعم مستثمر عربي عنده مشاكل مع مصلحة الضرائب ، اما الرواية الثانية تقول بسبب حدوث عدة جرائم في المطعم شكله متاثر بسبيس تون لقال لي السالفه)وطلبت وجبه من ماك زحمه وما في مكان تجلس عشان تاكل الشعب كله قرر يتعشى ماك ذاك اليوم وحتى مطعم الطازج ما شاء الله سوقه قوي ، قلت لازم ادور شيشه الراس مصدع واسئل اذا في مقهى قريب للاسف اغلبها مقفل احتراما للايام المباركه ولقيت واحد هو مرقص في الاصل بس مقفل الاغاني وما يبيع عصيرات رمان فاخر ولا شراب لوز ، الشيشة عندة تمشي الحال العوض ولا القطيعة والعب بالجوال لين انتفخ الراس حان وقت النوم انها الساعة 11 مساءا.





، انها الساعة 11:00 مساء حسب توقيت كازابلانكا قررت العودة للفندق للنوم والراحة ، لكن ما حدث شيء ولا في الاحلام وحتى بالكوابيس ما تصير ، وضعت رأسي المنتفخ من المعسل (مش حالك) على وسادة باردة تحس بها جو من الحنان للمعشوقه (فلسفه زايدة شوي حبتين) واغمض عيني متمنينا ان اصحى مبكرا ، واتقلب على السرير يمنتنا ويسرا ولما ينطفى المحرك، كم الساعة ؟؟؟ 12:00 ، اقول بنفسي سوف يغلبني النوم الان ويمر الوقت وانتظر ان يغيب وعيي عن العالم ، ماذا حدث شئ مستحيل لماذا لم انم ، كم الساعة 12:30 ، في العادة لو تأخرة اصل للساعة 01:00 سوف اتعب وانام ، اصبحت 02:00 ولم انم ، لماذا عاجز عن النوم
تشير الساعة الى 04:00 الفجر ولم انم ، ويدب في نفسي سوف يضيع النهار للنوم وانا اريد الاستمتاع ببريق فجر الدارالبيضاء ، اصبحت 05:00 فجراً ، وهنا قررت باخذ دش والخروج ، كان معي بعض الحلويات (سنيكر وتوكس) افطرات عليها وقبل ما اطلع دخلت على مترجم قوقل كتبت عبارة " ارجو ترتيب الغرفة وتغيير المناشف" وطلبت الترجمه للفرنسيه بحكم انا اغلب الشعب يتكلم فرنسي وكتبت العبارة بالعربي والفرنسي على ورقه ووضعت معها حوالي 20 درهم بمكان واضح (هنا البقشيش بمكانه الصحيح) وطلعت لأجد اجواء ساحرة بعشق نسيم الاطلسي الكل نائم وصمت مع زغزغة العصافير وابدء المسيرة مشيا على قدمي
الى جامع محمد الخامس ، وانظر الى المحيط تاره وتارة اخره الى عصفور بألوانه البراقه يغرد تسبيحا ً لله ، وواصل لأمر من منارة العنق لأخذ صورة في مخلتي وفي كامرتي ، وفي بزوغ النور اجد الضباب يملا المكان وينقشع لاجد الحياة بدات تدب في ارجاء المكان الكل يمارس رياضة المشي والهروله الكبير والصغير ،الرجل والمراءه ، وفي الأفق ارى منارة الجامع قد اقتربت منه رائع
ابهرني ضخامة الجامع و تصميمه المعامري الجميل وعند الوصول اجد مجموعه كبيرة من السياح الاوروبيين تلتقط الصور امامه ، وانا اقلد ما يفعلون
صورة هنا وصورة هناك ، وبعد التجول حول الجامع والمشي في ساحة المكتبة شعرت بصداع خفيف ... ام انه وقت القهوة ... اريد قهوة امريكية (بلاك كوفي) فبحثت في الارجاء علي اجد احد يبيع قهوة لاجد دكان بسيط به شاب يحضر القهوة ( عيبي كنت مسوي امريكي كنت اتكلم انجليزي ، بس ما يصلح شكلي يفضح ) طلبت قهوة بلاك ، لم يفهم علي ... تسمى قهوة امريكية ...
فبداء محتارا اكثر من السابق ... قهوة نسكافية ... لا يوجد ... اي قهوة عطني ، صحيح ان الطعم مش حالك بس عطتني طاقه وفوقها قلب ميت دخلت في زنقات مو طبيعيه لدرجة الناس تطالعني مستغربين هذا ليش بايع عمره مهو خايف ينجلد
واكمل لف لدرجة ان ضعت في وسط البلد بس بالصدفه شفت اشهر مطعم في كازا "Rick's Cafe" للاسف ما كان مفتوح واخذ له صورة ، وانطلق بين الازقه والبيوت لإجد لوحه مكتوب عليها (فندق غنم) طبعا لازم صورة للذكره ، طبعا ً نسيت اقول ان اغلب الشوارع عند احياء السكنيه حسيت باني داخل في معركه دمويه بسبب رائحة الدم والذبح نعم ... انها مظاهر العيد
والغنم بكل مكان ، وبعد كل هذا التعب والضياع قلت بشوف لي تكسي يرجعني لمكان اقامتي لاني من الساعة 05:30 تقريبا الى 10:30 وانا امشي ... وانا ادور تكسي امشي واطلع يمين ويسار شفت لوحه مكتوب عليها شارع محمد الزرقطوني ... عجبني الاسم واطلع مع الطاكسي الى انفا مول وادخل اتمشى شوي في المول واجلس في كوفي اريح اصابع رجلي ... من التعب ما طلعت من المول قلت اليوم اتغدى هنا بشوف اي شئ فاتح اطلب منه ، لقيت مطعم اسمه "الاخضر هو الافضل Green is ter" شوي غالي بس على اساس اكل صحي سلطات واطعمه عضويه ومشروبات غير صناعيه قلت ارجع للغرفه اخذ غفوة بسيطه والعصر اطلع مره ثانيه
، فتحت باب الغرفه لاجدها تم ترتيبها بشكل جميل حسب الطلب.
، في موقف حزين شفته ، كان في رجل لابس لبس شخصيه كارتونيه ويلعب الصغار وياخذون صور معاه ويعطونه المقسوم ، للاسف اعتدى عليه احد الشباب ماني عارف ليش بس يمكن اعترض طريقه او شي ،، يوم شال رأس الشخصيه طلع رجال كبير بالسن واخذ زاويه بعيده شوي وبدء يبكي ، طبعا تجمع حوله بعض اصحابه يواسونه ، تذكرة واحد من الشباب دئما يواسني اذا كنت زعلان واواسيه اذا هو زعلان
، جلست في كوفي طلبت حامض (عصير برتقال - حسب كلام منتدى المزاعيط ) وطلعت التلفون واتصل:
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
المواضيع المتشابهه للموضوع: مسافر وحيد والقلب حديد
|
||||
| الموضوع | آخر مشاركة | |||
| مسافر مصر قريبا والقلب بالمغرب تعلق | 2018-06-11 03:44 AM | |||
| مسافر وحيد | 2017-01-19 12:30 AM | |||
| مسافر وحيد والقلب حديد (أستفسار وطلب أستشارة) | 2015-10-08 01:55 PM | |||
| مسافر وحيد واحتاج خدمه ££ | 2014-12-12 09:04 AM | |||
| مسافر وحيد | 2014-09-28 06:31 PM | |||