تحذير من سائق رشيد بمراكش

السلام عليكم يااخوان يبدو ان الاخ تجربته مع رشيد يوم واحد فقط انا جلست مع رشيد اسبوعين ويشهد علي الله انه رجل امين وصادق وقلبه نظيف قسم بالله جاب لي الفيلا بسعر خيالي وفوق كذا اول ماوصلت لقيتي سيارتي جاهزه من عند الاخ يوسف انا كتبت هالكلام من باب انصاف هالرجل وقسم بالله انه صارت مواقف بين صدق هذا الرجل واي استفسار او معلومه تواصلو معي على الخاص

نحذر من اي رجل

الصراحه الشرهه عليكم مو عليه ..
ياخي روح انت بنفسك المطار واحجز سيارتك وختم جوازك حالك حال خلق الله

والسكن ف النت كل شي موجود

اعتمدو على نفسكم شويه يا جماعه كلوكم اكل الناس
بس احنا الخليجين الي مكسلين ومالنا خلق نسوي شي
كله جابلي وحط لي وسوالي
واخر شي تقول ليش نصب علي ؟

يعني اكيد بينصب انا لو مكانه بسوي نفس الشي

اييني واحد مفهي كل شي اسويله وما يبيني اخذ منه فلوس !
وين صارت هذي

ربعي الخليجين
اعتمدو على نفسكم وبس .. فكل الدول تروحون كل شي تسوونه بنفسكم
شمعنا بالمغرب تتدلعون يعني ؟

نصيحتي لكم واسمحولي اذا شديت بالكلام بس ولله من عصبيتي على هالموضوع ..

الناس هناك صارت تشوف خليجي تقول كسول وما يسوي شي ايبله زقاير يعطيني اكراميه اكثر من سعر الزقاير

واهمه عندهم هالشي معناته انته صيده وما تفهم شي واهوه مستانس انه نصب عليك
ما يقول ترا كريم ومن هالحجي

شنو شعورك اصلا وانت تحس الي معاك ويضحك بويهك عادك تقزيره ؟

عموما اعيد واكرر اعتمدو على نفسكم
كل شي موجود
السياره ١٠ دقايق وتاخذها من المطار
السكن تدور نص ساعه بالانترنت وتحصله
وكلل شي
ترا حالها من حال اي بلد
ماكو شي صعب
روح وشوف واعتمد على نفسك

واسمحولي ع الاطالع بس ولله من حرقت اعصابي عليكم وعلى الي يسوونه فيكم

كلامك منطقي يابوخلود والله العظيم دُرر


يَ عقيم المشآعر مابقىٓ بِي عتآب وأنت غيمهـ كريمَة بالجفآ،، من كُثر ماذبحني بِك حنيّن الغيآب صرت أشوّف خيآلك في عيوني لقىٓ♡

Khalid صح لسانك كلامك منطقي الواحد يعتمد على حاله والنت حل كل المشاكل وماتحتاج اي شخص يتجمل عليك

عفوا مو هذا رشيد الملقب ب هوليداي

مشكور على الموضوع
يرجى الحذر عند التعامل مع هالاشخاص وعدم الثقة الزائدة

__________________
يا مغربَ الحبِ قلبي اليوم أرقني / يا مغرب الحب من للدمع قد سُفحا

ذكراكِ أنت وما الذكرى سوى ولهٍ / يا رحمتاه لقلبٍ متيم فيك قد جرحا

هذا الصح وغير كذا راح تحس بالمتعة لما تسسوق

في البلد تروح تشتري اغراض تجرب اشياء جديدة

يعني خذها بوناسسة وسعة صدر

وسعة صدر

صباح الخير اخواني

بصراحة انا دخلت الموقع صدفة لان عندي سفرة الي مراكش اول مرة وكان في شخص تعرفت عليه في النت من السعودية ينصحني في الشخص هذا المسمى رشيد وارسل رقمه لي كذا مرة ويوصيني

بس بعد الي شفته وقراته بصراحة انصدمت
واشكركم واتمنى اكون ضيف خفيف عندك

جمعة طيبة

صباح النور يالغالي وجمعه مباركه علينا وعليك وجميع الاعضاء والقائمين على هذا المنتداء