بيت شعر يعبر عن شعورك ..

لوّ إن عندي مثل ماعند الوليـد بـن طـلال
شريت برج الفيصليه لجل اغيـظ المملكـه
ماهو على شان الجنيه ولا على شان الريـال
لكن على بالي طرى شـيٍ تمنيـت أدركـه
غروٍ غريرٍ غـرّره زينـه ومطغيـه الـدلال
لاشاف له شيٍ يبيه فظـرف لحظـه يملكـه
اللي سواته وبسهوله يملك قلـوب الرجـال
اليا لمح له درب في قلب الرياجيـل سلكـه
هذا وأنا ماشفت منه إلا التمنّـع بالوصـال
كفي من الحسرات لامنـي تذكـرت افركـه
يحبني وأدري بحبـه ميـر ماجالـي مجـال
أجلس معه جلسه وهذا الوقت ما فيه بركـه
يطري علي مع السهر وأخذ ثلاث/أربع ليـال
تقول كن العين ظبي وحضرة الليـل شركـه
صوته ليا جاني ظما يسقيني المـيّ الـزلال
وساعة غيابه تدخل عيوني ونومي معركـه
شفايفه جمرٍ وأنا شاعـر سريـع الإشتعـال
الله أشغلني به وغيري ما أشغلـه إلا كبكـه
لبّا عيونه والشعر لاحط شـال وشـال شـال
إن طوّله وإن قصرّه وإن سعوّده وإن أمركـه
ولبّا النحيل اللي تحمّل شيلـة حمـولٍ ثقـال
ولبّا الثقال اللي ولو وقّف يجي فيـه حركـه
إليا قفل جواله أظلم كل مـا حولـي ومـال
فكري لتيار العذاب وكـل طـاروق إمسكـه
وأصبحت أهوجس ما تقول إلا الوليد بن طلال
مع إني أفقر شخص عايش في حدود المملكه

__________________
الله يااغلى عمري في عيوني مالك مثيل
تسواي الروح وتغلى وتقول عنها بديل