اتمنى من الجميع يعطيني رأيه بموضوعي

السلام عليكم ورحمة الله وبركاته

اخوتي الاعزاء انا عندي ثقه في رأيكم

الموضوع ان فيه شخص اتعامل معه من سنوات يحجز لي سكن كل ما اسافر للمغرب وانا كتبت موضوع اول عن سرقه حصلت لي لكن وش رايكم بانه هو الشخص الي حجز لي وقال لي المجمع عندي امان ونظيف ويدخلون ضيوف وراحه وامان لبعد الحدود وهدوء المهم انا انسرقت ولما كلمت الشخص الي حجز لي قلت له انا انسرقت بالشقه تعال ولما جاء ما كان فيه أي اهتمام وعادي يناظر لي عادي ولما راح الموضوع انا ما شكيت فيه لكن ثاني يوم اتصل عليه شخص خليجي قال له ابي شقه وقال له فيه شقه بنفس المكان الي سكني فيه وبعد ما قفل من المكالمه قلت له شكلك انت مشترك بالسرقه كيف تجيب شخص لشقه هذي وانا توني مسروق فيها وقمت اضحك يعني اني استهبل بس وهو صرف قال لا فيه شقق ثانيه بنفس المجمع الي هو النخيل 3 موضوعي يا اخوان الشقق الثانيه بالمجمع اغلبها للعصابه بس الي ابي اسئله لكم هل انا ظلمت الشخص هذا لما حطيته مع العصابه او يمكن يطلع بريء .

اقول لكم انه ارسل لي دعاوي الله لا يوفقك انت حطيتني سارق وحرامي ومن هالدعاوي على انه مظلوم انا الي ابيه منكم رايكم هل انا ظلمته لما حطيته معاهم

اتمنى تفيدوني بارائكم لان يا اخواني الظلم ظلمات وانا حللت انه معاهم بس ما اقدر اجزم وانتظر ارائكم

مرحبا..
العلم عند الله سبحانه..
وانت من حقك تأخذ الحيطه.. ومن حقك تحكي الي صار معاك..
ولكن من غير حقك اتهام أحد من غير ادله فقط..
كوون هاني اصاحبي..
تحياتي..

مرحبا..
إكمال لما سبق..
كيف عرف أنك نزلة موضوع في المنتدى..
أما أن يكون معانا في المنتدى.. وتلك مصيبه!!

أما ان يكون أحد وصله كلامك.. وهنا المصيبه أعظم!!!

تحياتي..

صدقة العلم عند الله وانا ما شفت الي سرق بعيني بس انا لما حطيته بالاتهام لانه هو الي اخذني على الشقه وهو الي قال لي امان وعندي كل شي وخلى الشقه جنه ولما انسرقت وبلغته ما فيه أي اهتمام منه ولا كائن صاحبه انسرق يعني عادي وهو والله العالم الى الان يتعامل مع الشقه هذي لان زي ما ذكرت سابقاً اتصل عليه شخص وقال له عندي شقه بالنخيل 3 يعني الي انسرق فيها انا او شقه ثانيه بنفس المجمع يعني لنفس الاشخاص الي سرقوني وهو المفروض ما يجيب زباين لمكان فيه سرقات وسلامتك اخوي وشكرا على مرورك واعطائي رائيك

اكيد في اشخاص بالمنتدى يعرفونه بالعكس حلو انه عرف هذا دليل قوة المنتدى وانا اول ما شاركة في المنتدى عارف ان المنتدى يوصل الرساله ويحمي بعد الله كل المزاعيط هو عرف يمكن لانه انضرب وشكرا لمرورك

لا تحس بذنب ابدا
يمكن يكون فعلا هو مو معهم وما له علاقة
بس هو يعتبر سبب لانه سكنك في شقة مو امان وانسرقت فيها اقل شي كان يحدرك وينبهك تخبي اغراضك
لمفروض هو يكون واتق انه شقة ما احد يدخل فيها
فهوا يتحمل جزأ من المسؤلية لانه ما وفر لك الامان لازم

صدقت اخوي هو حتى ما حسسني انه غلط بحقي ابد بس اليوم يرسل لي مقاطع صوت الله لا يوفقك ومن هالدعاوي وانا قلت يمكن ظلمته بس مع ذلك لازم نحذر اخوانا الي هنا كلهم وانا ما ابي اقطع رزق احد لان الرزق على الله وشكرا على مرورك اخوي زعيم النشامه

الطيب،، دام انه ارسلك دعاوي و كلام ،، معناته انه مشارك بالسرقة او عارف شي ومايبي يتكلم من الخوف انه ينقطع رزقه!
المفروض انه ولد البلد وانت ظيف عنده وعليه انه يتابع موضوعك اول باول، بس هو مامهتم وعارف ان في كثير عرب يجونه!
المهم اللي حسه قلبك امش عليه وغيرالمكان وعيش وناستك واللي راح انت عارف فالمغرب صعب يرجع،

شوف اخوي هذا الرجل يتحمل السرقة سوا شارك او لم يشارك لانة هو من

من اقترح عليك السكن وهو الضامن لك وهو من تعرفة والبقية انت لاتعرفهم

ثم ان ردة فعلة بعد السرقة مريبة وتجلب الشك . ارى ان تعمل لة حضر

في الجوال ولاتستقبل منة اي مكالمة او رسالة

مودتي لك

شخصيا لا اتق في صحاب السياحة والسماسرة هدا احساس وخاصة الشخص ممكن من شكلو نعرفو سبحان الله هادي حساة اعطاها لي الله
نجيو هنا للتحليل طلما انه تفاعل بطريقة باردة مع موضوع السرقة ولم يستنفر اذن احساسي الاستخباراتي يقول انه له يد في العملية
اتمنى المرة الجاية ماتبقاوش تيقو في اي كان وخاصة في السماسرة نصيحة لوجه الله... ويالله تفوت غي الراس الفلوس تتعوض