اول مره في طنجه

ياليت
المشكله الكل يقول فيه أسعار أرخص
طيب قول لنا عليها خل الناس تستفيد
ايش اسم الوكالة
او الشخص اللي بنحجز عن طريقه


شفت خلي بعد غيبه

كلام مزاجية صحيح 100/100
وبنسبة ل نهاية رجل شجاع أشغلت العالم بالشقق اللي على 500 درهم ياليت تدلهم عليها

وانت ياخي شنو الي مضايقك في الموضوع الشقق كثيره في طنجه واعطيت رقم السمسار لناس كثير

مش وكاله ياخي سمسار ورقمه علي الخاص انشالله

لك رساله علي الخاص

بالعكس انا مو متضايق بس حبيت يستفيدون الاعضاء من الأسعار اللي ذكرتها
ومشكور اذا دليتهم على الشقق والسمسار

اهلين أخي العزيز لا شكر على واجب

بقولك شي اخوي عبد الرحمن اول شي مع احترامي الكبير للاخ اللي يقول شقق ب ٥٠٠ درهم مدري كيف يقدر يسكن فيها ويعتبر نفسه مسافر وهذي راجعه لشخصيه كل انسان انا افضل ماسافر سنتين لكن يوم اسافر اسكن بفندق فخم او شقه فخمه مع سياره واخلي سفرتي مرفهه قد امكاني اما اني اسافر كل ابو ست اشهر واسكن اي سكن وامشي حالي والمهم عندي مثل مايقولون هنا الطيور والعصير برايي العن ابوها سفره كذا

نجي لموضوع الشقق بما انك تعرف طنجه اكيد تعرف شقق اللي جنب سولازور مثلا اللي جنب مطعم الميرو طبعا بالنسبه لاي احد بيقولي موقعها واااو قريبه من كل شي ورخيصه ممكن توصل ل ٤٠٠ درهم اقل مما قال الاخ بعد

وصارت مع احد الاعضاء الله يسعده ماخذ برايي وراح اتفق واجر هناك لما وصل ماقدر ينام ولا ارتاح وثاني يوم الصباح راح غير وسكن عند نور الهدى

اللي ابي اوصله وببساطه انك لما تشتري عطر رخيص وعطر غالي هي صحيح كلها عطور بس فرق طبعا بين ريحتهم

وانك لما تركب طياره درجه سياحيه او درجه اولى كلها رحله وحده وراه توصل بالاخير اثنينكم لكن فرق كبير لما توصل انت وجنبك بزر وامه تقرق على راسك طول الرحله وزوجها يهاوش وجنبك الجهه الثانيه واحد الله وكيلك ماتروش له اسبوعين وقدامك واحد يشخر و و و ولما توصل وانت مستمتع بالرحله ونايم عالكرسي وتسمع ميوزك هادئه او مستمتع مع فلم شيق

الغالي سعره فيه هذا رأيي

انا ضد الابتزاز ضد استغلال الاجنبي اي كان جنسيته ضد الاكراميات اللي صارت كانها واجبه
انسان قدملي خدمه وشفت انه يستاهل اعطيه من طيب خاطر لكن واحد يستغبيني ويستغفلني ويوقف على راسي غصب عشان يحرجني واعطيه هاذي اللي اكرهها ومعصي ياخذ ريال

اما السكن ابو ٥٠٠ درهم ياخوك اسمحلي مع اخترامي لك خاصه بطنجه واهل مكه ادرى بشعابها مثل مايقولون معروف عندنا انه سكن ابو ساعتين ثلاث لاغراض معينه واغلبه فرشه مقرف ولاهو آمن وحتى نظرك العالم لك وانت طالعله نظره ماش

وارجع واقول كلن وشخصيته وسياسته بالسفر

شكرآ لتعلقيك
بس انا راح اختصر لك
الشقق موجوده وكلاس ونظيفه وموقعها عند ماكدونالد
هذه الس سكنت فيها آخر مره الي قبلها قرب وناسه
هيا سعرها 500 لاكن السماسرة هم الي يزيدون السعر
وبدل لانطبل للسمساره يجب انا نبحث بانفنسنا عن ماهو ارخص وأفضل
شكرا لك اختي

مزاجيه انا شخصيا لمن اروح جنوب شرق اسيا اسكن بالرتز كارلتون بدور رجال الاعمال والوجبات كلها مشموله بالسعر والسعر صحيح غالي لكن يبقى ارخص من الرتز اللي قريب من ديرتي سواء دبي او البحرين بواقع ٩٠٠ ريال تقريبا لذلك ما استخسر ادفع في فرع الرتز في جنوب شرق اسيا واعيش ملك. لكن العكس في المغرب لو بغيت فندق خمس نجوم مثل مازكان ابدفع على غرفه قياسيه مع فطور بس مبلغ يتجاوز ١٢٠٠ ريال . لا ماعندي استعداد اعيش ملك في المغرب اذا كذا الاسعار . اما الشقق ابو ٥٠٠ درهم فباذن الله اذا نزلت اغادير اصور لك شقتي اللي سكنت فيها وتشوفين اذا الاثاث مقرف او راقي . اما طنجه ما احكم عليها بس ان شاء الله ازورها واصور لك الشقه اللي بسكن فيها من نفس موقع شقه اغادير واتمنى تكون باقل من ٥٠٠ درهم. اعتقد ان فيه شقق نظيفه جدا في طنجه وباسعار حلوة.

__________________
تجوع الحرّة ولا تأكل بثدييها