المختصر المفيد للتعاملات المالية للمسافر للمغرب

تصدقون يالمزاعيط انا بتكلم عن صرفي بالمغرب انا من الناس الي اروح المغرب ممكن من ست سبع سنوات وكنت كل ثلاثه شهور اروح هناك مده ١٣ يوم وكان معاي قروب مكون من شخصين وانا الثالث والا وقتنا هذا وحنا مع بعض زملاء عمل وكنا بالسابق نصرف صرف جنوني والله مبالغ اذا قلت اني الوحدي كنت اصرف ٣٠٠٠٠الف ريال بالسفره الوحده الحمدلله يعني الوظيفه زينه والامور طيبه كنت متعود ع صرف لبنان المهم كانت اكثر سفراتنا لمراكش الحمرا يعني كنا مخذين مقلب رنج سياره وخربيط وسهرات جنونيه يوووه اذكر يونس كان ماقول الا خالد المجنون من سواتي وخبالي قصدي هبالتي كان كل الي بالديوان اخر السهره ياخذ ميه ميتين مني قعدت على ذا الحال يمكن كذا سنتين علي قولهم طانخ روحي مالت علي وعلي طنختي يوم تذكر ذيك الايام انقهر علي روحي بصراحه بس كانت ايام حلوه بس صرف مو معقول بس ابشركم السفرات الاخيره تعلمنا صرنا نروح ونصرف نص المبلغ يعني ١٥٠٠٠ريال ومبسوطين ومستانسين ولا احس تغير شي غير انا سار فينا عقل شوي يعني يالربع انا اتكلم ترا الوناسه مو بكثر الصرف وكلنا نقدر نصرف وانا والله جربتها اصرف بعقل وحسب ولاتقول انا جاي استانس ترا تستانس اكثر بالصرف المعقول اما الي يتسلف عشان يسافر هذا سلملي عليه وقوله منت صاحي تسافر بدين والي يتدين مره يتدين ثانيه وراح يندم
وشكرا لكم يامزاعيط وخل الزعطه والوناسه بعق
تحياتي للجميع