شــــــــخــــــبـــــــط و معايه

ماكينش اللي مادايرهاش
قبل ماتطفي الضوء ديال بيتك وتمشي تنعس توقف حدى ساروت ديال الضو وتحفظ طريق الفراش باش ماديرش كــــســـــيــــــــدا

هههههه أنا منهم

__________________
كلآم الناس بالنسبة لي ،، مكآلمة لم يتم الرد عليهآ ..!!!

زيديني عليك المشكل منين تحفظي الطريق وتنساي بللي كاينه شي حاجه وسط الطريق وماشي بلاصتها واخا صغيورا ههههههه

ههههههه فليل ديال الشعر من ( الحديد) وطيت عليه ودخلي فرجلي غير البارح هههههه بدل مانشعل الضو بقيت جلست نبكي فالظلام

__________________
كلآم الناس بالنسبة لي ،، مكآلمة لم يتم الرد عليهآ ..!!!

ههههههه قاعد اتخيلك - سندرلا تبكي في الظالام
فكرتيني مره في المغرب في االأوطيل بلليل هديك الساعه باقي ماكيناش البورطابلات وطافيين الضوء - دايرين تلفون والباب زجاج زعما بحال اللي راكي في التييلي بوتيك- وكان معايا صاحبي وبغاني نعيط ليه وبرزطني وكنت ناشط مع راسي وانا نمشي مكسيري قبل منه للتلفون-الناشاط عندي شاط - وانا نسدح فداك الزجاج قاع مابان ليا مع الظلمه (((( ولكم واسع النظر )))) مشا ليا الريزو - ديما كنجي بوحدي اش اداني لشي صاحب وفين عمره كان عندي صحاب قاع ومن هداك النهار لحد الساعه تخليت ع كل صحابي حفاظا ع كمارتي العزيزه

ماعرفتش علاش بن ادم مللي يكون بوحده تتكون حوايجه مشتتين كون غيرشفتيني دابا ههههههههه واش مللي نكون بوحدنا قاع مامسوقين ولا شي حد معانا نيت - عفيريته ولا عيفيريت

ههههههه انا عندي مشكل غير مع الاكسسوارات ديال الشعر وليبيجو بحال الخواتم والحلقات وداك التخربيق ديما مشتتين.. ديما كانوطى عليهم برجلي غير الله كايحفظني حتا عفط على هاد الفليل د الشعر هو اللي جابلي العيد وغي ربي قالني وتجرحت يعني مامحتاجاش الخياطه غير جرح بسيط الحمد لله... نعيا مانجمع وفالاخير نلقى شي حاجه طايحه..

يسحابلي غير انا ساعه كاينين بحالي ومنهم انت ههههنههه

__________________
كلآم الناس بالنسبة لي ،، مكآلمة لم يتم الرد عليهآ ..!!!

ماجستير : شوفي الدراري مانقولكش هههههههه ضاروري - وهيا انتي بحالنا !!!! ايوا أجي العبي معانا كوره ههههههه
شوفي هدي وقعت ليا السيمانا اللي فاتت : مشيت لواحد الريسطو ومللي جيت خارج اديت هداك tooth pickد ديال تنقية الأسنان- اديت جوج -ماعرفتش اشنو تعيطولوا انتوما - الموهم طاح ليا منين جيت نبدل حوايجي - دازت يومين وانا نزطم عليه جاني قد قد - كامل مكمول وتخشى كامل فرجلي كيفاش ماعرفتش وانا نخرجه بيدي - وليت نعرج من بعد ماكنت مدوز الكاتريام - الدم والألم ومرارة ليام - ومن الفوق تابعني الصيام

ماعرفتوش ... ولكن بقيتي فيه هههههههه

وشوقتيني فالكورة.. فكرتيني فأيام الكوليج والليسي.. كنت فالسبور ديما دايرة ديسبونسي.. يعني إعفاء من الرياضه حيت كنت عارفه راسي ناغانطفروش فيها بشي نقطه زينه وقلت اللهم ماتحسبش ليه كاع ويبقى المعدل طالع ههههههه ... وكنت واخه هكاك كانطلب البروف يخليني نلعب معاهم الكورة... كنت انا اللي كانشد ليهم الكور يعني المرمى هههههه ومع كانلعب مع الدراري ديما خارجه عليهم ههههه الكورة غاكاتبان ليه جايه ومع هما تبارك الله كل واحد فالعرض يدير مني انا 4... الا كانت الكورة جايه فاليمين كانهرب انا لليسار حتى تدخل الشبكه ونرجع لبلاصتي وهكذا دواليك هههههنه حتى تشكاو لﻷستاذ وخرجني :-( :-( بعدها اتوجهت للباسكيييييت

__________________
كلآم الناس بالنسبة لي ،، مكآلمة لم يتم الرد عليهآ ..!!!

ههههههه وزعما طفرتيه في الباسكت - ياك مابغيتي تقولي البسكوي !!!