اخ يالقهر بس

مساء الخير ،، عيدكم مبارك ، فيه مطعم قريب من مسجد لبنان مو قريب مره بس حوله اتوقع ،والله العالم اسمه الجزيرة ، هم شباب من طنجه حسب علمي او صاحب المطعم من طنجه عموماً حصل لي نفس الموقف ولكن بمبلغ اقل من حسابك ولكن يمكن الحين تطور شوي وصار ينصب بالعالي ، اتوقع ياشباب اسمه الجزيرة ولكن ماني متأكد ، عموما وصف المطعم من الداخل الطاولات يسارك اول ماتدخل وعرض الأسماك على يدك اليمين ، وتمشي نيشااان فيه جلسه نازلة تحت شوي جلسه شبه خاصه هذا اللي أتذكره من سنه تقريباً علماً اني نزلت ثلاث مرات بعد الموقف هذا لمعشوقتي اغادير ولا فكرت اروح له مره ثانيه ،، مع دعواتي لكم بسعادة دائماً .


،،،

هذا المطعم اكلت فيه كثير . احذرو منه والسبب لانه يحط اسعار على مزاجه والسمك اللي عنده مضروب . السمك من داخل لونه اسود . انا كنت احبه جدا لكن بآخر زياره لاحظت المقلب . وللعلم صاحبه الطنجاوي باع المطعم لانه مره جاهم وكيل الملك وتسمم . واخذه شخص ثاني الله لا يوريك سرقه عيني عينك . وفيه موقف ضحكني ، مره من المرات دخلت المطعم ولقيت واحد جالس ومعه سواقه و طالب انواع الاسماك وابو الشباب ماخذ راحته مرره يوم جى وقت الحساب الا وهاك الفاتوره اللي نزلت عليه زي الصاعقه اعتقد 2400 درهم ههههههههههههه وتهاوش معاهم وانا قاعد اكل واتفرج على فلم ام بي سي ماكس ماقدرت اركز من هوشتهم المهم انا اكلت وخلصت وطلعت وهم يتهاوشون . ولازم كل شخص اذا طلب يعرف وش طلبه وكم السعر عشان ما يتورط . احذرو منه اسمه ( مطعم الجزيره )