قآلوا ناس زمان ....

سمو المغربية · 2015-06-28T18:18:47+00:00

إيلا تكبر عليك شي عيفه قوله مايتنفخ غير الجيفه !! ماتربيش الكبده على بنادم .. ربي عليه المعدة باش إيلا ماصدقش تقياه فهاد الزمان ماديرش ﻵمآن سير بالنية ولكن ماتيقش فاﻹنسان اتبع طريق الرحمن واطلب الرحمة والغفران وإيلا تسد باب غايتحلو بيبان سد فمك ودير ليه عتبة اللي عاود ليك دابه ،، تجي نوبتك ويعاود عليك وهذاك اللي درتي فيه الثقه ،، منو تجيك الضربة الواحد هو اللي يبقى فصباغتو ماشي اتلون وقت مابغا مصلاحتو الراجل بكلمتو يتقاس ولد الحلال مايلعب ببناة الناس وبنت الناس مايغرها لامال ولا لباس الفاهم يفهم وللحديث قياس العشرة ماتباع ماتشرى ربي معانا والصبر دوانا واللي بغانا يلقانا لاتسول ف اللي هجرك ،، ولا تيق ف اللي غدرك لاتركع ولاتحنى ،، كون عزيز عارف قدرك وإيلا حسيتي براسك ف محنه ... بكي وسجد للي خلقك البشر ماعندو فاش ينفعك هاذي نصيحتي ونتمنى الكلام يوصلك تمشي اليوم غده ننساك ماشي انت تعيش حياتك وأنا يبقى بالي معاك القوالب مامعاناش !!!!! حبيبتو يهزها واخه تكون قد الفيلة وإيلا سخراتو أمه يجيب البوطه يقولها " ثقيله " مللي كنت ناشط كلشي كان مجموع عليه مللي بكيت حتى حد ماحس بيه.. غير ربي ووالديه ابعد من الهضرة اللي تدي وتجيب راه توصلك للعيب .. اللي قالك كانبغيك... ماتقلوش قداش؟؟ قوله " حتال وقتاش " ؟؟ ماتبكيش على اللي يكرهوك ابكي على اللي حسبتيهم احباب وغدروك وفوقت الشدة باعوك ونكروا العشرة ،، وخانوك اللي تربات على يدين الرجال مايغرها لا زين ولا مال ... إلا كنتي ناوي دير شي حاجه وقلتيها للناس ها وجهي إلا صدقاتلك ! السعادة ماشي هي الفلوس والقصور والمال قرب من الله ،، وغاتعرف مذاق راحة البال اللي كايخاف على امه واخته وداير بنات الناس لعبه باش يضيع وقتو دابه يدور الزمان وتجيه نوبتو غادي يعطيه الله على قد نيتو يحصل مع شي مسخوطه تفرتك ليه تريكتو قلبي صافي واللي بغاني يلقاني رهن اﻹشارة واللي ماعجبتو نفقسو ونفركع ليه المراره الفم مابقات فيه حتى سنه ومابغى يتهنى سولوه : آش خاصك أ الشارف الهرارف ؟؟ قالهم : بغيت العزبه مولاة السوالف(الشعر الطويل) عيش بقيمتك ولا تكمش حدا ميمتك !! سعداة اللي عايش داخل سوق راسو وخايف ربي فزمان الضحكه فالوجه والسم فالقلب مخبي... وسخ الدنيا هو بنادم.. أما الفلوس ماشفنا منهم غير الخير حتى واحد ما " سيليباطير " (لوحده/ أعزب ) كولشي صاحب حاجتو شحال من واحد كاتشوفو من بعيد كاتقول هذا قلبه من " ذهب " ومللي تقرب ليه تلقاه " أبو لهب " شي بنادم داير بحال الطوابع البريديه كل ما [ بصقتي ] عليه [ يلصق ] أكثر !! اللي حسدنا عمرو مايوصلنا ،، واللي عاشرنا ديما يتفكرنا ،، الزين خليناه ليكم ... عندنا العقلية الصعيبة عليكم !!!

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2016-11-07, 02:40 PM

المشاركه #271

اللي يعرف عزو ،، كلام الناس مايهزو

__________________
كلآم الناس بالنسبة لي ،، مكآلمة لم يتم الرد عليهآ ..!!!

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2016-11-07, 02:41 PM

المشاركه #272

قلب ابيض .. فم يضحك .. ودم بارد

الحياة ساااااهله واحنا معقدينها هه

__________________
كلآم الناس بالنسبة لي ،، مكآلمة لم يتم الرد عليهآ ..!!!

فطوم مراكش 1

مزعوط خبير

المشاركات: 20,506

تاريخ التسجيل: Aug 2015

الدولة: مراكش

2016-11-07, 03:19 PM

المشاركه #273

اقتباس:

المشاركة الأصلية كتبت بواسطة سمو المغربية

قلب ابيض .. فم يضحك .. ودم بارد

الحياة ساااااهله واحنا معقدينها هه

دم بارد الا هذي مافيا

__________________
سأظل أتنفس الأمل والتفاؤل وأضيء الكون بابتسامتي رغم كل شيء

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2016-11-07, 03:20 PM

المشاركه #274

اقتباس:

المشاركة الأصلية كتبت بواسطة فطوم مراكش ١

دم بارد الا هذي مافيا

حللي الكونجلاتور ووقفي قدامها هههههههه ديري كيف كنت كاندير فالصغر وقت ماتكون كليما هههههههه

__________________
كلآم الناس بالنسبة لي ،، مكآلمة لم يتم الرد عليهآ ..!!!

فطوم مراكش 1

مزعوط خبير

المشاركات: 20,506

تاريخ التسجيل: Aug 2015

الدولة: مراكش

2016-11-07, 03:48 PM

المشاركه #275

اقتباس:

المشاركة الأصلية كتبت بواسطة سمو المغربية

حللي الكونجلاتور ووقفي قدامها هههههههه ديري كيف كنت كاندير فالصغر وقت ماتكون كليما هههههههه

ههههههههههههههههه وراه الصبر كيضبر

__________________
سأظل أتنفس الأمل والتفاؤل وأضيء الكون بابتسامتي رغم كل شيء

اوكي توكي

قآلوا ناس زمان ....

المشاركات: 3,235

تاريخ التسجيل: Mar 2012

2016-11-09, 06:58 PM

المشاركه #276

اقتباس:

المشاركة الأصلية كتبت بواسطة سمو المغربية

اللي يعرف عزو ،، كلام الناس مايهزو

اللي ماعنده عزووووو --------------- يجي الديباناج يهزوووو

اوكي توكي

قآلوا ناس زمان ....

المشاركات: 3,235

تاريخ التسجيل: Mar 2012

2016-11-09, 07:00 PM

المشاركه #277

[QUOTE= اقتباس : سمو المغربية;686980]كون أ زماني حرش ،، وهاك وجهي بوس وطرش[/QUOTE
اشرحيلنا المثل من فضلك]

شارع الحب

مزعوط خبير

المشاركات: 3,847

تاريخ التسجيل: Nov 2014

2016-11-09, 07:24 PM

المشاركه #278

اقتباس:

المشاركة الأصلية كتبت بواسطة سمو المغربية

كون أ زماني حرش ،، وهاك وجهي بوس وطرش

يرضيك ياساقي العطش

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2016-11-10, 12:09 AM

المشاركه #279

اقتباس:

المشاركة الأصلية كتبت بواسطة اوكي توكي

اللي ماعنده عزووووو --------------- يجي الديباناج يهزوووو

ههههههههههه هاذي من عند اوكي توكي .. ولكن واااعره والله جبتيها لوووورد ههههه

__________________
كلآم الناس بالنسبة لي ،، مكآلمة لم يتم الرد عليهآ ..!!!

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2016-11-10, 12:14 AM

المشاركه #280

[QUOTE=اوكي توكي;688424]

اقتباس:

المشاركة الأصلية كتبت بواسطة اقتباس : سمو المغربية

كون أ زماني حرش ،، وهاك وجهي بوس وطرش[/QUOTE
اشرحيلنا المثل من فضلك]

" كون ازماني حرش ،، وهاك وجهي بوس وطرش "

عندها معاني بزاف ولكن المعنى الرئيسي هو : زعما كون معايه كاپّابل//شديد ونمووووت معاك/مانتخلاش عليك ... بمعنى كون معايه راجل فالمواقف الصعبه ونوقف معاك للاخير ... هيك يعني

__________________
كلآم الناس بالنسبة لي ،، مكآلمة لم يتم الرد عليهآ ..!!!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: قآلوا ناس زمان ....
الموضوع	آخر مشاركة
من زمان عن البحرين	2025-08-29 09:51 PM
مكة المكرمة زمان	2017-11-20 03:09 AM
مراكش زمان	2016-08-21 09:04 PM
حب زمان	2011-05-07 06:44 AM
قالولك ناس زمان	2011-04-19 05:11 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

قآلوا ناس زمان ....

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)