استفسار هام عن انتهاء الجواز 6 شهور !!

هااوي

مزعوط نشيط

المشاركات: 107

تاريخ التسجيل: May 2012

2015-07-03, 05:18 PM

المشاركه #1

استفسار هام عن انتهاء الجواز 6 شهور !!

السلام عليكم

مساكم الله بالخيرات جميعا

انا عندي مشكلة في تجديد الجواز < مسافر دول ممنوعه :biggrin:

المهم ماعلينا تقريبا الحين جوازي باقي فيه 9 شهور وانا وقت روحتي للمغرب تفريبا راح يكون باقي فيه 5 شهور

وقريت معلومه في موقع الجوازت السعودية تقول (يجب ملاحظة سريان مفعول جواز سفرك قبل السفر إلى الخارج بوقت كاف حتى لا

تتعرض للتعطيل فإذا كنت قاصداً السفر إلى الدول العربية فيجب أن يكون جواز سفرك ساري المفعول لمدة لا

تقل عن ثلاثة أشهر ، أما في حال السفر إلى أمريكا أو إحدى الدول الأوربية فينبغي أن تكون المدةالمتبقية في صلاحية

جواز السفر أكثر من ستة أشهر حيث أن سفارات هذه الدول بالمملكة لا تقبل التأشير على جواز السفر إذا كانت صلاحيته أقل من ذلك)

طبعا المغرب تعتبر من الدول العربية سؤالي هل فيه احد يقدر يفيدني بصحة هاذي المعلومه ؟؟

وهل لو سافرت المغاربه مايرجعوني وهو باقي فيه اقل من 6 شهور !!

اخاف اطلع من السعودية ويرجعوني لاوصلت المغرب :morocco_5 (48):

هلالي مشتاق

مزعوط نشيط

المشاركات: 81

تاريخ التسجيل: May 2015

2015-07-03, 07:07 PM

المشاركه #2

اقتباس:

المشاركة الأصلية كتبت بواسطة هااوي

صحيح اخوي لازم اذا بغيت تسافر لدول عربيه يكون جوازك باقي في ثلاث شهور اما اوربا وامريكا لازم ست شهور ولتاكيد ادخل ع نظام ابشر
بالتوفيق وسفره ممتعه

هااوي

مزعوط نشيط

المشاركات: 107

تاريخ التسجيل: May 2012

2015-07-03, 07:27 PM

المشاركه #3

اقتباس:

المشاركة الأصلية كتبت بواسطة هلالي مشتاق

ممتاز يعني المغرب مافيها مشكلة لو جوازي باقي في اكثر من ثلاث شهور واقل من 6 اشهر

ابي معلومه اكيده احد يشتغل في الجوازات سواء السعودية او المغربيه لأني مابي اغامر واخرتها ارجع

وهاذي ردود حصلت في منتديات خذ امثله

خذ العلم لازم تجدد جوازك اذا كان المدة المتبقية فيه اقل من ستة اشهر وناوي تسافر لدولة عربية اما
داخل الخليج فسموح لحد ثلاثة اشهر .
هذا كلام موظف الجوازات لانه صار لي نفس الموقف
كنت مسافر المغرب قبل شهر من الان وانا اشيك عند موظف الجوازات قالي جوازك ماتقدر تطلع فيه قلت ليه؟
رد علي بانه مبين عنده في الجهاز اقل من ستة اشهر ( اتذكر انه كان المتبقي فيه خمسة اشهر و28 يوم)
قلت ايه عارف النظام يسمح لحد ثلاثة اشهر بالنسبة للدول العربية والهكلام مكتوب في موقع الجوازات !
رد علي بان النظام تغير واقل مدة لصلاحية الجواز للدول العربية هي ستة اشهر.. المهم الموظف طلع حبيب وختم جوازي وقال توكل على الله ولارجعت جدده قلت له ابشر على خشمي بس لاتكفى لاتردني .

وهذا واحد ثاني

بتشوف لي موضوع كتبته قبل 4 شهور

انا رحت لمدير الجوازات ومعاي برنت من موقع الجوازات مكتوب فيه عادي تروح الدول العربية اكثر من 3 شهور

تدري وش رد علي ؟

قالي موقع ماصارله تحديث

لايمكن يطلعك موظف المطار الا اذا تعرفه لان لو طلعك ورجعوك فيها تحقيق

خاصه الرياض وجده

الا اذا عندك معرفه لان المغرب ماعندهم مشكله

المشكله من هنا

عرفت اخوي ليش انا سئلت شف الردود اللي حطيت ؟؟

kojar2015

مزعوط قدير

المشاركات: 210

تاريخ التسجيل: Jul 2014

2015-07-03, 08:33 PM

المشاركه #4

عند السفر للمغرب
الحد الادنى لانتهاء الجواز 6 أشهر
ولا تتعب نفسك
ممكن يرجعوك من المطار ،،، او تضطر تدفع اذا كان فيه مجال.

الافضل لك ،،، تجديد الجواز

هااوي

مزعوط نشيط

المشاركات: 107

تاريخ التسجيل: May 2012

2015-07-03, 09:55 PM

المشاركه #5

اقتباس:

المشاركة الأصلية كتبت بواسطة kojar2015

اخوي انا لو اضمن بجدد الجواز ومايجيني منع سفر جددته عشان كذا انا اسئل بسافر وانبسط ولارجعت جددته وبكيفهم يمنعوني
اكون رحت وانبسطت

واتصلت على الجوازات وقال لي الموظف الدول العربيه لازم في الجواز ٤ شهور

عمر الفاسي

استفسار هام عن انتهاء الجواز 6 شهور !!

المشاركات: 3,171

تاريخ التسجيل: Nov 2012

الدولة: الرياض

2015-07-03, 10:59 PM

المشاركه #6

السلام عليكم وحمة الله وبركاته

حالياً ونظراً للتحديث الذي طرأ فأن الحد الأدني لصلاحية الجواز للسفر خارج المملكة

هو 6 شهور قبل تاريخ السفر لجميع الدول ما عدا دول مجلس التعاون الخليجي وبالتالي

عندك 3 حلول وهي الآتية:

1. تسافر للمغرب عن طريق البحرين أو قطر أو الإمارات.

2. تشوف واسطة وتجدد جوازك بعد تحقيق صغير وحتى لو

تفرض عليك غرامة مالية وبدون حرمان من السفر وخصوصاً

لو سفرك للدولة الممنوع السفر لها هو للمرة الأولى يصير معاك

تحقيق بخصوصة أما لو فيه سابقه فضروري تكون الواسطة قوية

3. تسافر قبل الموعد اللي مخطط له أو تشوف لك معرفة بالمطار

__________________

الـراحـة الـنـفـسـيـة تـبـدأ عـنـد كـاونـتـرات الـجـوازات

غياثي

مزعوط نشيط

المشاركات: 68

تاريخ التسجيل: Mar 2015

2015-07-04, 12:37 AM

المشاركه #7

لا تتعب نفسك بترجع من المطار
ممكن تسافر من السعودية لكن في المغرب ماتقدر تدخل لازم الجوازات السعودية ترسلك طلب من هنا قبل تسافر الموضوع طويل
لو تساهلت معك الجوازات في السعودية جوازات المغرب بترجعك على اول طيارة
هذا كلام ضابط في جوازات المطار

هااوي

مزعوط نشيط

المشاركات: 107

تاريخ التسجيل: May 2012

2015-07-04, 01:04 AM

المشاركه #8

اقتباس:

المشاركة الأصلية كتبت بواسطة عمر الفاسي

وعليكم السلام ورحمة الله وبركاته

طيب اخوي موظف الجوازات اللي قال لي الدول العربيه لازم 4 شهور وش وضعه مايفهم والا وش ؟؟

الحل الأول هو اللي راح يصير
لأني ماراح اسافر دايركت ماتعجبني الخطوط السعوديه

الحل الثاني مالقيت لي واسطه دورت يمين يسار لو ادفع بس ماحصلت ولاهي للمره الأولى حققوا معي من قبل والجواز هذا فيه خمس سفرات ممنوعه يعني مايحتاج اقول وضعي ههههه

الثالث هو الوحيد اللي يحل المشاكل

شاكر لك ماقصرت

هااوي

مزعوط نشيط

المشاركات: 107

تاريخ التسجيل: May 2012

2015-07-04, 01:10 AM

المشاركه #9

اقتباس:

المشاركة الأصلية كتبت بواسطة غياثي

هلا بك اخوي

حطيت انا رد فوق الرجال اللي يوم وصل لمطار المغرب حط لهم المقسوم ودخل زي الحلاوه
ما اعتقد انها بالتعقيد هذا من عندهم انا خوفي من مطارنا هنا لاطرت لهم الامور تسهلت

لكن الحل الثالث حق اخوي عمر هو اللي بيحلها

ماقصرتوا جميع

احمــد الشمـري

مزعوط جديد

المشاركات: 9

تاريخ التسجيل: May 2015

2015-07-04, 01:12 AM

المشاركه #10

العام الماضي سافرت للمغرب وباقي بجوازي خمس شهور وتكلم معي موظف الجوازت بمطار الرياض وقال يمكن جوازات المغرب يرفضون يدخلونك وركبت الطيارة ونزلت بمطار محمد الخامس وماحد كلمني ابداً ودخلت المغرب ورجعت بخير وسلامه .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: استفسار هام عن انتهاء الجواز 6 شهور !!
الموضوع	آخر مشاركة
استفسار - الجواز السعودي	2018-10-11 12:40 AM
استفسار بسيط بخصوص الجواز	2018-01-30 12:22 PM
استفسار تجديد الجواز وختم تايلاند	2016-02-01 10:22 PM
انتهاء موضوع مراكش	2016-01-31 12:35 AM
استفسار بخصوص الجواز	2014-02-22 05:34 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

استفسار هام عن انتهاء الجواز 6 شهور !!

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)