ايجار سيارة

السلام عليكم

تجربتي مع الشمري كراء السيارات

تواصلت مع اكثر من مكتب أسعارهم فوق السماء وشوفت النفس حتى المكاتب الي كنت اتعامل معهم اسعار نار والاجابة معروفة موسم ومديلات 2014و2013 شفت أعلن الشمري قلت خلني اجرب معهم راسلته بالواتساب جاوب كلام حلو قلت مثل غيره كلام حلو ولما نوصل المطار يجيك الغثى المهم اتفقنا على اكسنت 2015 انزل من المكتب 100درهم المكتب الي اتعامل معه من سنه والمكاتب الثانيه150درهم 2015 موديل السيارة ارسلت صورة الجواز والرخصة بالواتساب المهم وصلنا مطار كازا كلمته قال المندوبه تستناك برى مع اسمك المهم طلعت ودايركت على الصرفين الي برى وكلمني قلت عند الصراف الا المندوبة جات ونطلع للسيارة العقد جاهز أوقع على العقد وأخذ السيارة وعلى مراكش

1-السرعة بالتعامل مو مثل بعض المكاتب يجيبلك 2معه وكلام زايد وناقص وعوار راس .

2-سلم واستلم بدون فلسفة زائدة وكلام زايد الأمانة وصدق الكلام نفس السيارة الي بالصور والسعر أبرك من المناشير المكاتب الثانيه .

3-تخيرك المندوبة تبي تدفع الحين ولا بعد لما تخلص المدة الي يريحك .

4-ما عجبتك السيارة يغيرها لك ويجيبها الى محلك .

أتمنى انه يستمر على المبداء هذا ويكسب الزبائن

الصرف بالمطار2.54

بمراكش 2.56 الجو بمراكش كانك بالرياض حار وهواء يصلخ الوجه

وسلمتكم

الحمد لله علي السلامه
الله يوفقك يارب
صراحهً تعامل اكثر من رائع

بكم حسب لك اجرة السياره اليوميه

ممتاز نتمنى نسمع مزيدا من التجارب الناجحة لهذا المكتب الجديد وخصوصا انه بلد .. موفق ابن بلادي

انا نازل الاسبوع الجاي وبجرب الشمري باخد سياره اسبوع وبعطيكم التفاصيل وبدون مجامله والله

مرحبا اخوي sad23
بس حبيت اعرف كم حسب لك السياره

محلات الايجار هذي الايام بطرانين ومايردون عالوتساب او الاسعار خياليه بس تخلص الاعياد بحصلهم يهشون ذباب فالمحل من الفضاوه

يعني على شهر سبتمبر بترخص الاسعار
واذا عندك مكاتب ثقه لا تبخل علينا
ومنك نستفيد

هل أخذ تفويض على الفيزا

الله يسلمك اخوي وانشالله احرص على التعامل والخدمة وأهم شي الأسعار ... الله يحفظكم وعيد سعيد للجميع