الحمد لله راس السنه بالنسبة لي كحال باقي الايام .. قضيتها بمشاهدة التلفزيون و فيلم عن طريق النت والاكل كان بخاري مع حبة شواية :) التكلفه كامله للاحتفال براس السنه كلفتني 45 ريال ... مع السكن في بيتي :) ههههههه

تحياتي للجميع ...

والله مو شرط تكع الا اذا انت هطف مع احترامي في ناس ماتمشي الا وتوزع اكراميات ياعمي انت مسافر تفل وتنبسط مو مسافر توزع فلوسك تقدر تسافر وتعيش وتفل بدون ماتخسر كل هالخساير بشرط مب كل يوم لازم سهره وطير وكلام فاضي وازن امورك وصدقني بتعرف انك كنت عايش بظلام بس احسبها صح

سافرت بمبلغ 8000 ريال سعودي من غير التذاكر لانها جتني مجاناً وجلست 18 يوم او اكثر وفليتها بالطول وبالعرض وسهرت واكلت بأحسن الاماكن وانبسطت وسكنت في ارقى الشقق وانظفها وعالبحر بطنجة ورجعت ومعي متبقي من المبلغ 3500 درهم ببطاقة فلوسي وفا بنك....وكاش 1500 درهم يعني 5000 درهم ولا احد يجي يقول بخيل ولا يسألني كيف لان ردي عليه بيكون كل واحد واسلوبه واتكيته وتعامله وعقله بالأول والاخير.....المغرب من ارخص الدول اللي رحت لها بحياتي ودايمن حاول تعيش زيك زي الشعب في اي دولة تروح لها وابعد عن اماكن تجمع العرب والسعوديين بالتحديد لانها دايمن بتكون اسعارها تربل مو دبل ولو انحديت ورحت لها حاول تكاسر ووخر عن الهياط والكلام الفاضي وشغل ابو عبد الله زي مايسمونه واللي يكع هناك هذا انسان صراحة ماعرف وين عقله مع احترامي للجميع

احترماتي طال عمرك انت كريم بزاف

الحمد لله كل من يعرفني يشهد بأني كريم طبعاً مع اللي يستاهل الكرم....ومادري هل تعليقك سخرية او مدح...لكن الحمد لله ماعمري سمحت لأحد يضحك علي وكريم مع اللي يستاهل الكرم فقط.....بس زي ماقلت كل واحد وطريقة صرفه انا لا ارضى بأني اكون خروف او هطف هههههه...علماً بأني مبذر على نفسي وماركب الا ارقى السيارات وما البس الا ارقى الماركات وافهم يافهيم!!! احترماتي طال عمرك!!!

8000 ربال * 2.5 = 20800 درهم
20800 -(1500+3500) ( المتبقي ) = 15800 درهم
15800 / 18 يوم = 877 درهم لليوم

877 درهم ( سهر وسكن وارقى السيارات والمطاعم )

افدني يالغالي حسبتي صحيحه والا انا غلطان ؟؟
اذا صحيحة سؤال السكن بكم اللي انت ساكنة ؟؟
هل السهر كل يوم وهل خارج السكن او داخله وكم معدل صرفك فيه ؟؟
كم سعر السيارة للي استاجرتها ؟؟
ماراح اسالك هل تجيب ضيوف لان هالشي يخصك 100‎%‎ ولا ودنا نتطرق له.

انا ما اشكك في كلامك حاشاك لكن نورني ونور الشباب عشان نستفيد


بإنتظارك وموفق يالغالي

مع احترامي لك انك كظاب هههه

ماطلبت الا عزك مع اني لست ملزم ابرر لأحد ولكن خل الناس تستفيد وتشغل عقولها.....السكن ياعزيزي كان ب 1000 درهم ومقسوم على 3 صااافي وبعدها صرنا شخصين ونقلنا سكن اخر السعر لليوم ب 700 درهم وراقي جداً وعلى البحر واقسمها على 2 خلصنا موضوع السكن....السيارة بفضل الله ما اجرت سيارة وكنت استخدم سيارة صديقتي اللي هي كانت مرافقة لي طوال رحلتي بالمغرب...والسهر كان متنوع بين البيت وبرا واذا سهرت برا ادخل المكان وحنا 3 اشخاص وطبعاً ماكنت اخذ قرعة كبيرة(بطل) ادفع فقط حساب طلباتي وعادي اقعد بالطاولة اللي ابي واعلى فاتورة دفعناها كانت الف درهم واقسمها على شخصين وبداية الرحلة كنا 3 وطبعاً ال 3 اشخاص اللي معي مالهم بالمشروبات الروحية صافي موضوع السهر وملحقات السهر وكما اوضحت في تقرير رحلتي الاخيرة عن طنجة بأني مادور ورا (بوزبال) ربع المقاهي والهشك بشك وصداقاتي كلها مع ناس راقية ونرجع ونقول افهم يافهيم يعني بالنسبة للي بالي بالكم مادفع ولا درهم (النظام اوروبي) يعني اللي يبيني مو عشان فلوسي عشان ذاتي والموضوع هذا قناعات وتطرقت له عشان اوضح لكم اكثر.....وبخصوص السيارات ياليت تركز انا لم اقل بأني ركبت افخر السيارات بالمغرب انا اقصد في حياتي وفي بلدي لأني احتقر ربع الرنج روفر هناك واللي يأجر سيارة راقية هناك يجيب لنفسه المتاعب فقط او شخص عنده نقص ويبغى يجرب السيارة بحكم انه مايقدر يشتريها وايجارها بالمغرب رخيص....اما المطاعم اطلب المنيو قبل ادخل واستفسر عن السعر واعلى فاتورة دفعتها كانت 700 درهم بالتب وكنا 4 اشخاص واذكر كانت بمطعم السمك التراثي للي يعرفه بطنجة وبالتحديد جنب ساحة الامم واقسم الفاتورة على 3 والمطاعم الاخرى ما كانت تعدي فواتير الاكل 400 درهم وحنا 4 ويوم سافر الشخص الرابع وصرنا نطلع 3 فواتيرنا ماتتعدى 350 والاسعار متفاوته من مكان لأخر واقسمها على 2 واحيان كنا ناكل بالبيت وخاصة الفطور دايم يكون بالبيت هو والغدا ولذلك اعتبر طنجة من ارخص المدن اللي قد رحت لها...واي استفسار تحت امركم ويمكن الأن يوم وضحت الأمور البعض قد يراني مسرف ههههههه دمت بود عزيزي

لن انزل بمستواي الى عقلية شخص مثلك وارد عليك بنفس الطريقة هذا اول شي ثاني شي روح تعلم املاء زين وتعال تكلم....كظاب ههههههه هي تكتب كذاب وليست كظااااب.....تحياتي لك ياعبد الله

شكراً لك على سعة بالك وردك، لكن اسمحلي ظروف سفرتك استثنائية نوع ما حسب التفاصيل اللي ذكرتها وقد لا تصادف الاخرين اذا لهم نفس اهتماماتك.


اكرر شكري لك.