رحلتي لمراكش بشهر 2015/3

اسف على التاخير

تحياتي للجميع

ياليت جت على اكشن واحد كذا اكشن السفره هذي عكسية ..

المهم تذكرت اني معلقها داخل الحمام واروح اركض ادخل نفس المكان ماحصلتها وكانت صدمة كبيره ناديت الي بتخدم بالحمام تعلقت في امل اني احصلها وسالتها قالت دخلت ماشفت شي سالت المطعم قلت يمكن احد امين يخاف الله فيه خير مسلمها للمطعم قالي المطعم شلون شكل شنطتك عيوني طلعت قلت هي بشوفها قلت لونها اسود قال المطعم لا مش اسود وارجع مذهول من الصدمه رجعت لصاحبي اساله قال مادري وقام يدور معاي وصار فيني لخبطة نبي امل رحت افتش السيارة وماحصلتها وقمت اصيح الي يحصل الشنطه والله اعطيه 5000 درهم بصوت عالي حتى في عوائل مندهشين من كلامي قلت الشنطة فيها 70 الف معقولة بيتنازل عنهم عشان 5000 الاف درهم قلت انا مو صاحي المهم التفت خارجع المطعم حصلت سيارة تبيع ملابس وجاكيتات شتوية واقف عنده واحد من الدرك ضابط ومعاه اعتقد عسكري عادي واروح اركض له وقلت العسكري جاني يكلمني بكل برود قالي اصبر لما يخلص الضابط انتظر هنا قلت ياعمي ضابطكم بيشتري ملابس وقاعد يختار ويكاسر بالسعر موضوعي اهم قالي انتظر انصدمت انتظرت عشر دقايق لما كلمني الضابط فهمته الموضوع راح للي تخدم سالها طلعي الشنطة والفلوس قالت والله ماشفت شي وصرخ عليها حلفت مو عندها ولو كان عندي شك فيها عاد كنت معطيها 100 درهم وانا خارج من 1000 درهم الي طلعتهم من الشنطة سال الضابط قال في كاميرا هني قال في بس خارجية ولا هي شغالة المهم غسلت ايدي انا ياست قالي تبي ترفع قضيه تعال في منطقة من الخلف قالي اسمها تبعد 30 كيلو قلت تعالي من الاخير لو برفع قضية في امل ترجع فلوسي قالي يااخي المبلغ بالنسبة للمغرب كبير جدا صعب عندنا احد يرجع مثل هذى مبلغ او يعترف قلت ماشي شكرا وكلي حسره وخيبه وهم حتى ماوصلت السكن او مراكش او جلست ليلة اعوذ بالله من المطار وبالطريق تروح الفلوس كلها كارثه صعدنا السيارة نبي نشوف حل لقيت السواق دمعت عينه هههه واطالع بصاحبي بصراحة ونعم الخوي على طول قالي نرجع المطار وانا اطالع عيونه فيها الم وحسره بس عجبني موقفه ماقال انا بكمل او روح دبر حالك قالي نرجع الكويت قلت طز بالفلوس تروح وترجع واطالعه وانا ابتسم ولو اني زعلان من داخلي قالي تستعبط شلون قلت قبل لانحرك في السيارة بجري اتصالات ويبين معاي واشيل الشريحه المغربية واركب الشريحه الكويتيه وقمت اتصلت على شخص يتشغل بتجاره وصارت لي مواقف معاه قلت فلان انا مسكلة كبيرة وبره الكويت ولازم اعتمد الحين ماقدر اتاخر لان خلفي المطار يااكمل او ارجع وانا محبط .... راح اكمل الموضوع والاكشن الي صار باقرب وقت اوعدكم ان شاءالله