هلا وغلا يالغالين .. أرجوا من الله أن تكونوا بأفضل حال
أكمل لك الحلقه السابقه وكما قلت لكم عن (فيصل ، خالد ، وناصر ، فارس ، ممدوح) راح أتكلم عن عمد المغرب ذولي في وقت لاحق.لا تنسوهم.
بدأت من ذيك الليله المغرب والافكار والتخطيط ومن يروح معي ..بعدها بيوم اتصلت ع الزميل خالد راعي العشاء وقلت ودي نجمتع ضحك خالد ادري ان الأجتماع عن المغرب قلت أي والله المهم ياخالد نلتقي الليله قال ان شاء الله.
مالكم بالطويله يالغالين .. التقينا وقلت ياخالد ابي اسافر المغرب وانت من عمد المغرب التليد وابي رفقتك خصوصا اني اول مرة بسافر خلاص مافيه مجال قال (تم) قلت تمت عليك العافيه ..قال خالد العافيه ديالنا اوالعافيه ديالهم .. قلت وش تقول ياخالد مافهمت قال هاذي كلمات مغربيه ..قلت من الحين بدينا قال مابدهاش.
اتفقنا يكون السفر بعد 10 ايام تقريبا ،، وقال خالد بما أنها الزيارة الاولى لك راح نطلع لأكادير لان الليل فيها ملتهب صاخب رائع لأهل السهارى والنهار البحر والشاطئ ،
وبالنسبة لأكادير من فتره 3 سنوات ماجيتها لأني صرت أروح و اجي ع الرباط .. فأنا متأكد انها راح تعجبك وتعجبني إنا لأني من فترة ماجيت أكادير.. قلت طيب ياخالد كيف وين نسكن فيه قال مثل ماقلت لك كنت غايب عن اكادير 3 سنوات وبمجرد مانوصل راح نشوف لا تهتم من ناحيه هالنقطه أمر السكن بسيط والأغلب أننا بنسكن في فندق صحارى.
وبكذا انتهت أنتهت جلستي انا وخالد بأتفاق على السفر و أن الوجهة تكون ع اكادير .
اهديكم هذه الاغنيه وهي معروفه جداً لعمد المغرب .. وارجوا ان تحوز ع ذائقه الاعضاء.
.................................................. .......................................
موعدنا ان شاء الله مع الحلقه القادمه ( أكادير.... وتمضي حياتي مشاوير)
التعديل الأخير تم بواسطة Tourist ; 2015-10-05 الساعة 07:37 AM