(مريم) مكتب صوفوي لتاجير السيارات بمطار كازا

المشاركة الأصلية كتبت بواسطة مزعوط ززغنطوط

مكتب صوفوي لتاجير السيارات بمطار كازا
ومريم


ياجماعه انا سمعت ان مريم هذي نصابه قبل لا اطلع المغرب
وساحب عليها بصراحه
وع فكره
ترا عندها يوزرات كثيره بالمنتدى
تمدح نفسها وتحكي تجربه كذابه وتنشر تقرير مزور
عشان تمشي سوقها


هذي النصابه حصلت واحد من الشباب اللي معي مكلمها وانا مادري ومنسق معها على سياره لمدة ٧ ايام
مادريت الا يوم وصول السياره

المهم وصلت السياره اليوم الثاني
ماوصلت في نفس اليوم
يعني الاتفاق نقص يوم

لما وصل السواق
قال حاسبوني قلنا حاضرين
وهذا حساب سته ايام
من الان حتى موعد تسليمها بمطار كازا
سته ايام
قال لا
مريم تقول خذ حساب سبعه ايام
قلت هذا لو وصلت السياره امس
السياره وصلت اليوم
يعني متاخره يوم
ولا نحتاج السياره الا من اليوم حتى موعد تسليمها في مطار كازا
ليش تحسب علي يوم زياده ما احتاجها فيه
والا وش السالفه

المهم كلمنا المعلمه مريم

سحرت خويي مدري كيف وقالت حاسب السواق حق سبعه ايام ولما تسلم السياره في كازا تاخذ حق يوم !!!
شي غريب ( ريحة نصبه )

المهم الثقه ذابحه خويي ودفع بعد ماكتبت كل شي بالعقد


المده والمبلغ المدفوع والمتبقي
بس على مين
ولا ياكل معاها الكلام هذا!!

استلمنا السياره وعدت السته ايام وحركنا ع كازا
قبل المطار كلمنا المعلمه مريم وقالت ادخلو المواقف وراح ارسل لكم وحده اسمها بشرى
قلت لخويي كلمها مره ثانيه وذكرها باليوم المتبقي خلها ترسل المبلغ مع بشرى هذي
وكلمها

والله وتجي الست بشرى وتستلم السياره وتحرك ع المكتب عادي جدا هههههههه
طيب باقي حق يوم
قالت للاسف دوبنا فاتحين الدكان هههههه مافي فلوس

ايييييييييووووووه

والحل قالت اكتب لك ع العقد بالقلم كذا باقي لك يوم واي وقت تجي لكازا تستلم السياره يوم
ههههههههههههههه
بتعطيني لفه بالسياره السنه الجايه ب ١٥٠٠ درهم
شي يضحك

طيب انا نفر مسكين ماجي مره تاني
يبغا اكل في مطار فلوس مافي

وربي قاعد اكلم جدر

هذا الكلام الساعه ١٢ الظهر

قالت شي مروني يمكن احد يستاجر مني واعطيكم
خخخخخخخخخخ

ومن ١٢
حتى ٤
كل شوي نعدي عليها وعااااااادي جداً
وجه مغسول بمرقة بياره
متعودين ع النصب

جى موعد الطياره واتوكلنا ع الله ولنا في ذمتك يا مريم ١٥٠٠ درهم لن نسامحك ابداً


فا ياشباب انصحكم نصيحه
ورب الكعبه هذا اللي حصل معي
وانا متاكد ان مريم الان تقرا هذا التقرير وتضحك
وتقول الاهبل غيره هبل كثير

انتبهووووووو

واذا اضطريت عليها

لا تسلم المفتاح في المطار لو تبوس رجلك

لو ترسل لك وحده بدون ملابس زي ماسوت معانا

حتى ترجع فلوسك او تلتزم باي اتفاق صار بينكم

واذا ما التزمت بالاتفاق

اركب طيارتك مع مفتاحك في جيبك وطز

المشاركة الأصلية كتبت بواسطة فيصل النجدي

مع احترامي لكاتب الموضوع أنا ارى انه تحامل على مريم كثير صحيح مريم يجئ منها بعض الأخطاء ولكن هي إنسانة ليست بالسيئة أنا تعاملت معها مرتين وحصلت معها بعض الأخطاء لكن اقسم بالله انها عوضتني وتأسفت مني بأدب والمره الثانية رجعت لها السيارة والصدام مكسور من السائق الله يهديه ورغم ذلك قالت للموظف استلم السيارة ولا تأخذ منه ولا درهم والله العظيم أنا لا اعرف مريم لا من قريب ولا بعيد ولكن تعاملت مع هذه الأنسانة فكانت قمة في الأدب والأحترام

المشاركة الأصلية كتبت بواسطة فيصل النجدي

اخوي مزعوط والله مالي اي علاقة لا من قريب ولا من بعيد بمريم غير علاقة زبون مع مكتب ولكن حبيت ابين موقفي معاها وانا ما قلت انها ملاك هي لها اخطاء ولكن حسناتها ووقفتها مسحت كل الأغلاط والأخطاء
وربي يعوضك وإذا ما عجبك التعامل معها شوف المكاتب كثير وبالتوفيق

المشاركة الأصلية كتبت بواسطة مزعوط ززغنطوط

الدور المنشود دور الاداره في هذا الموضوع
والا اصبحت شريك متضامن في ماحدث وما سيحدث بالتأكيد من عصابة مريم .