اشرد عن بنك وفااء كاش ( حساب فلوسي)

مزعوط ززغنطوط · 2015-08-10T21:39:38+00:00

انا عندي تجربه مع نصبه من نصبات المغرب وهي بنك وفاء كاش حساب فلوسي قالو الافضل تفتح حساب وتحط فلوسك وتاخذ بطاقه في نفس اللحظه وهذا اللي سويته ولكني انصحكم ياشباب نصيحة لوجه الله خلي فلوسك كاش معاك ولا تفتح حساب لو اعطوك فلوس فتحت حساب والحمد لله اني حطيت فيه نص المبلغ صحيح اخذت بطاقة صراف في نفس اللحضه ومشيت رحت ابي اسحب مايعطيني الا اربعه الاف درهم كاش في اليوم وماتقدر تسحبها كامله تسحب ٢٠٠٠ درهم وترجع تسحب ٢٠٠٠ درهم وعندك ٢٠٠٠ درهم مشتريات يعني الاجمالي اللي لك ٦٠٠٠ درهم ٢٠٠٠ درهم كاش من الصراف ٢٠٠٠ درهم كاش من الصراف ٢٠٠٠ درهم مشتريات من كارفور او اي نقطة مشتريات والاربعه الاف كاش ماتسوي لي شي وراي سداد سكن وطلعات وسياره والخ... احمد ربي ان بطاقاتي السعوديه معي فكتلي ازمه كبيره جدا وللمعلوميه بطاقتك السعوديه اهلي راجحي ايا كان ماتعطيك الا ٤٠٠٠ درهم ونفس الطريقه على سحبتين ٢٠٠٠ درهم و ٢٠٠٠ درهم هذا اول شي الشي الثاني تبي تسحب كل اللي في الرصيد ماتقدر لازم تروح لكازا لنفس الفرع اللي فكيت فيه الحساب عشان تسحب الرصيد الشي الثالث تسحب من مكينة الصرف مايطلع لك كم المتبقي في حسابك يطلع لك ايصال بمبلغ السحبه اللي هي ٢٠٠٠ درهم طيب كم باقي؟ مافيه اي معلومه في الايصال الشي الرابع قالو تفتح حساب ويبقى سنتين اقولك كذب في كذب انا رحلتي انتهت وانا معتمد على الله ثم بطاقاتي السعوديه ولما رجعت لكازا للمطار وقت السفر رحت للفرع اللي فكيت فيه الحساب ابي اسحب الرصيد سالتني كم باقي في رصيدك!! لانها عارفه ان جهاز الصراف مايبيّن لك كم المبلغ المتبقي في الرصيد! مسويه ذكيه قلت انتي قولي طالعت في الكمبيوتر شوي ( والله لو تدور ابره في كوم قش) وربي شي غرييييييب ومتاكد اي مبلغ راح اقوله وهو اقل من الموجود بالرصيد راح تعطيني اياه وانتهينا المهم قالت باقي لك مبلغ كذا كذا وانا سبق وحاسب كل السحبات اللي سحبتها حسيت انه مبلغ قريب قلت صح هاتيه بس اخذت المبلغ ولا اعطتني ايصال بقيمته ولا شي عشان اتاكد انه نفس المبلغ اللي بالرصيد يعني ناصبه ناصبه المهم قالت لي اتفضل هذي مخالصه تم اقفال حسابك!!!! ليش ؟ مو قبل عشره ايام لما جيتك انتي بالذات قلتي الحساب يقعد سنتين ههههههههه قالت لا هذا اللي حصل معي والله على ما اقول شهيد

هام السحب

مزعوط مميز

المشاركات: 331

تاريخ التسجيل: Feb 2015

2021-09-10, 04:06 AM

المشاركه #1

اذكر فتحت حساب في بنك وفا طبعا يختلف عن حساب فلوسي الفرع كان في شارع محمد السادس بمراكش بس لازم تودع في الحساب بالعمله الاجنبيه سواء يورو او دولار او ريال وممنوع الايداع بالدرهم المغربي ولازم يكون في الرصيد اقل شي 5000. درهم والايتم اغلاق الحساب سحبت من فرع اكادير كذلك لكن الموضوع ماكان عملي لازم اروح البنك واصف بالطابور وروتين لذلك اغلقت الحساب واكتفيت بتوزيع المبلغ على بطاقة الصراف الالي والماستر كارد والكاش واستعمل الوسترن يونيون بعض الاحيان لكن احمل المبلغ بالكامل كاش اعتقد مجازفه

المواضيع المتشابهه للموضوع: اشرد عن بنك وفااء كاش ( حساب فلوسي)
الموضوع	آخر مشاركة
هل حساب وفاء كاش والشعبي يقبل التحويل إليه من حساب بنك سعودي؟	2021-09-28 04:42 PM
طريقة فتح حساب فلوسي في وفاكاش بالتفصيل الممل	2019-10-26 01:14 PM
لاهل التجربه في حساب فلوسي من وكالة وفاكاش	2018-08-23 12:30 PM
سلام ياجماعة تكفون ابي افضل مكان للصرف وهل يمكن اطلع صرافتين في حساب واحد من بنك وفا كاش وتنصحوني احط فلوسي كلها بصرافة وحده	2018-07-08 07:25 PM
بنك وفاء حساب فلوسي	2015-07-17 11:43 AM