للاسف معي كاش لما وصلت فتحت حساب واودعت ٢٠ الف درهم ورحت جنبهم لصرافه جنب الفرع في مطار كازا وادخلت الرقم السري خطأ ورجعت لهم قلت لهم اعطوني بطاقه بديله قالت لا قلت اعطوني فلوسي لسى اودعتها قبل خمس دقائق قالت الموظفة لا لازم تجيب ورقه من الشرطه ؟؟؟؟!!!!

رحت لشرطه المطار انت مخدوع سألت الموظفه اي شرطه قالت انت اتصرف يعني لاتريد مساعدتي نهائيا وجلست في المطار خمس ساعات وكلمت اكبر رأس حتى وجدت ضابط في المطار وشرحت له ماحصل وأني خدعت من الموظفه وكان رحل بمعنى الكلمه وراح انكلم مع الموظفه لوحدهم وممكن هددها وبعد ذلك رجعت لي المبلغ

ولذلك نصيحه لوجه الله لكل أحبائي اشردوووووا وحزا الله صاحب المىضوع لم أشاهد موضوعه الا بعد ماطاح الفأس بالرأس

من ناحيتي افضل طريقه وفاء كاش وبس


سنوات وانا فاتح حساب ولاوجهتني مشاكل

ياعم نص كاش ونص بحسابك السعودي واذا سكنت حط فلوسك بالسفتي واذا عل العموله اعتبرها زكاه ودفع بلاء وأمرك لربك

انا سافرت المغرب 8 مرات وأيضا حول العالم طريقتي
معي مبلغ كاش اصرفه حسب الحاجه
بطاقه مسبوقه الدفع ليس عليها عمولة اذا كان شراء اما السحب فياخذ البنك عمولته المقرر سلفا
ومالي في بنك وفا ولا غيره تحت رحمت أحد يلعب في دراهمي

افضل بنك وفاء كاش من واقع تجربه بس انت ماعرفت نضام الحساب انا صارلي سنه ونص ونا استخدمه ماشفت شي منه الصراحه حساب مريح للي يعرف له ويوزن صرفه وموفر من رسوم البنك الي تنحسب علينا لو سحبنا بالبطاقه السعوديه صرت كل روحه أخذ فلوسي كاش وصرفهم جميع وحطهم بالحساب يكفي انك ماتنقل كاش معك مادري انت تسهر ولا بالك مع فلوسك

انا افضل بنك الراجحي وابقاء الفلوس في حسابي مع أخذ بطاقتين مدي أساسي واحتياط معي بطاقة فيزا مسبقة الدفع للطوارئ افضل من اني انزرف وخلهم يأخذون 25 ريال علي كل سحبة افضل من اني انسرق واتورط وانا في غربة وانا وانت مراح نسحب بشكل يومي وقت الحاجه تقدر تسحب ومطمئن ومرتاح فلوسك في أمان وفِي حسابك الرسمي غير كذا لاأتعامل مع اي بنك قرأت تعليقات الشباب فوق اللي يمدح وفاء كاش واللي يظهر عيوبه بكذا لانعلم هل فيه مصداقية فعلا من قبل هذا البنك او يتصيد الهفوات من قبل الخليجين الذين وثقو في هذا البنك المسمي وفا كاش وين المشكلة أودع في حسابك في الراجحي او اي شاب خليجي حسب بلده والبنك اللي يتعامل معه وعادي يأخذ نسبته من كل سحبة افضل من انك تنسرق وتروح عليك السفرة هم وغم وانصح بعدم حمل فلوس كاش لان عليها مخاطر سرق وتشيل همها طول الوقت تقبلو تحياتي

عشان مايتوه الاخوان ، ترا اغلبكم كلامه صحيح ، المشكله في بنك وفاء كاش نفسه صرافاتهم تختلف ، تسحب من صرافه يعيطيك 4000 على دفعتين واحيانا يعيطيك 4000 دفعه واحده ،،، واحيانا 6000 على 3 دفعات واحيانا دفعه وحده .

الحقيقه المشكله بالبنك نفسه وليست فيكم .... بالفتره الاخيره لاحظت نقص حاد بالرصيد رغم اني ماصار لي يومين واصل المغرب ولا سحبت الا مرتين عشان حساب السكن باقي اموري اخلصها بالفيزا

والموضوع هذا خلاني اعيد حساباتي مع هذا البنك ولا يصيح الصايح الا من بلى !؟


تحياتي

امس فاتح حساب في بنك وفاء والآن في اكادير واستخدام الى الان ممتاز تسحب 6000كاش على 3 دفعات وتقدر تشوف الرصيد من المكينه

هي افضل من حمل الفلوس معك وأفضل من البنوك السعودية بنك الانماء ياخذ على كل سحب 2000 درهم 51 ريال
يعني تسحب 4000 درهم ياخذ فايدة 102 ريال

واستخراج البطاقة سهله وسريعة تاخذ 4 دقايق فقط