أخوكم جديد ومحتاج خبرتكم لو تكرمتوا

انا راح اقترح عليك اقتراح لو كنت وحداني افضل لك مدينة وحده الي هيا اغادير راح تنبسط لو كنت اكثر من واحد فقسم رحلتك بين مراكش واغادير افضل كازا جميله ولكن السكن الامان لازم ومهم ويكون من شخص ثقه
بخصوص اغادير عندك كثير من الخيارات
1- شقق مارينا وهذي الافضل لك طفشت قريب منك كل شي بحر مطاعم مقاهي
2- رويال اطلس
3- اوميغا تعاملهم جيد بس مشكلته بعيد عن البحر لازم تاكسي
4- فندق اماديل
5- فندق صحارى
ونصيحة خليك على شقق مارينا
السهرات مخيطو و اسكاي و ديسكو صحارى
الكافيهات امشي على البحر واختار الي يعجبك
طبعا السهرات اوقاتها اسكاي ومخيطو تبدا من 11 الى 3 ونص وبعدها على ديسكو صحارى لما 6 الصباح
بخصوص الانتقال من كازا الى اغادير راح اشرحلك بماانك اول مره
اول ماتوصل المطار وتاخد شنطتك وتخلص تفتيش وتخرج مع البوابه اول شي لو حاب تصرف فلوس عندك
بنك وفاء او غيره اول ماتخرج من الباب بعد التفتيش وبعد كده فيه سلم كهربائي تنزل الدور الي تحت تقطع تذكره قطار مراكش خود درجة اولى طبعا القطار راح ياخدك لمحطة قطار داخل كازا حسب المكتوب اي محطة تنزل فيها وتقدر تسال اي شخص في القطار يفيدك عن المحطه تنزل وتنتظر قطار مراكش بعد كده تطلع قطار مراكش مدة الرحله 3 ساعات اول ماتنزل مراكش فيه محطة باصات لاصقه في المحطه تابعه لهم تقطع تذكره لاغادير وتختار الوقت وانا افضلك ثاني يوم عشان ترتاح
نتكلم بخصوص الفندق الي راح ترتاح فيه في مراكش جنب محطة الباصات مافي عشره متر فندق ايبيس
بخصوص حجز فندق اغادير تكون منسق مع الاخ محمد عاطي تاخد رقمه وتكلمه واتساب وتعطيه التواريخ بالضبط عشان تقدر تنسق سفرتك من مراكش للاغادير وخليك نصيحة على شقق المارينا راح تنبسط
اول مره راح تحس بصعوبة ولكن الامور سهله اول يوم تعب وباقي الايام راحه ان شاءالله
وعندك طريقه ثانيه للسفر من كازا للاغادير عن طريق الطيران تاكد الحجز الداخلي من اي مكتب في السعودية او عن طريق موقع الخطوط المغربية تنسق اهم شي بين اوقاتك ولو احتجت اي شي تقدر تسال وماعليك ماراح نقصر ان شاءالله