الكثير يشتكي من السكن .... لكن تعرف ليش ؟
كيف حالكم يا مزاعيط ...
والله كثرت بالآونه الأخير مشكلة مواضيع السكن وخصوصاً في مراكش .
ولما ينزل موضوع عن مكان معيّن راح تلاحظ الي يسب السكن والي يمدح بالسكن والي والي والي والي ....
انا من وجهة نظري الأمان أنت الي تأسسه ، أنت بمقدورك تأمن الوضع
لا صرت ذيب وتعرف القوانين والأنظمة وماتسكت عن حقّك فـ أي حال من الأحوال صدقني راح يحطون لك هيبة بالمكان .
عكس الي يدخل ويهايط وانا فلان بن فلان وانا راح أكلم مدري ايش !!!
ليش الشوشرة هذي كثير شفت ناس كذا وبالاخير هم الخسرانين ويرجعون ينذلون .
حبيبي الكلمة الطيبة تكسب قلوب والابتسامه تأسر القلب ، والمعاملة الحسنة تتملك القلب .
خلك فطين وذكي ، واحترم نفسك تُحترم .
والسكن صدقني مافي اي سكن من غير سلبيات ابداً .
طرحت الموضوع لأني جالس اقرأ مواضيع السكن و مشاكلة.
ولكن فيه أماكن سكنت فيها وللاسف ماوفقني الحظ بناس طيبه ، والناس كانت تمدحه .
وفيه اماكن الناس تسب السكن فيها ولكن تجرأت وسكنت ، وكانت بالعكس تعامل راقي و ومافي مضايقات ابداً .
( علماً بأن الكلام عن المنتجعات )
اختصار الكلام كلّه ،
(احترم العاملين واحترم نفسك بالبداية وخلك بحدود)
شغل *( قرانديزر ) على العاملين بالمنتجعات مانبيها ولاتسكت عن حقّك بإحترام .
__________________
اشتقت لل
مغــرب وانــا تونــي جــاي ==== الله يصبرني علـى نار شوقي
ياللي تريد ادواي في
المغرب ادواي ==== رح بـي لعله ينطلق فيه عوقي
لـي صـافحت مجـهـول يمنـاه يمـناي ==== ينساق تيار الهوى في عروقي
و اسمــع حـديثه نـاعــم كــنه النــاي ==== علـى يمينه ينتثر الدمع مــوقي
و مع الشـكـر واقـول له انت مـولاي ==== احكـم و دبرني على ما يروقي
فـي سيرة الأشــواق ممشاي ممشاي ==== و في خاتمتنا ما نراهـا يعـوقي