طيران

اخوي بدر ، انا سبقتك وحاجز مثل ما قلت لك تذكرة على الخطوط السعودية من جدة الى كازا اقلاع من جدة 4:10 فجرا وتوصل كازا 8:30 الصبح ومشتري تذكرة اونلاين على المغربية اقلاع 11:55 صباحا يعني ثلاث ساعات ونص فرق احتياط للتاخير .. بس وش اقولك يا رجال وصلنا في الموعد وتختيم جوازات في 5 دقايق مع الطابور ورحت انتظر الشنطه لقيت الشناط وااصله على طول وقفت عند السير واشوف شنطتي قدامي .. ولقطها وعلى الجمرك وعلى الجهاز واطلع .. وسيده على وفا كاش والاقي الموظفه قاعده تكش ذبان واصرف واودع فلوسي واخذ بطاقتي واغير الرقم السري .. واروح اتصالات المغرب واشتري شريحه واشغلها واشييكها تمام .. واروح لكاونتر المغربيه عشان بس اطلع البوردنق والاقيه فاااضي ( طبعا لاني جاي بدري ) .. المهم خلصت هذا كله واطالع الساعه 9:05 .. تساهيل .. بس انلطعت ثلاث ساعات انتظر رحلة اغادير .. هههه
وعلى فكرة طيارة اغادير كانت بوينق 737 ومدة الرحله كانت 40 دقيقه .. وصلت اغادير تقريبا الواحده ظهرا .. تو النهاااار تووه .. حلو يوم توصل الديره في النهار .. انا لا افضل ابدا الوصول ليلا .. ارجو ان تكون تجربتي مفيده لك .. تحياتي

يابورا ...حلو التنظيم بالسفر احييك

__________________
سأظل أتنفس الأمل والتفاؤل وأضيء الكون بابتسامتي رغم كل شيء

يسعد جوك عطني الاخبار كمل

يابورا وين سكنت الزين ديالي

اخوي مل صبره ، سكنت في فندق ومنتج اطلس مارينا للشقق الفندقيه ، والحجز كان عن طريق الاتصال الهاتفي بالمدير قبل الوصول بيوم (المدير معطيني رقمه المره السابقه ) وقلت انا جاي بكرة وابغي غرفه وصاله اخذ اسمي وقال خلاص اسمك عند الرسبشن وفعلا وصلت وقلت لموظفة الرسبشن انتي فلانه قالت لي انت فلان ، قلت يا ولد صرت مشهور ههه ..
اصلا هالفتره ما في زحمه والشقق متوفره