استفسار من خبراء الرباط

أخي الكريم
اذ كنت وحداني او انتو اثنين الى ثلاثه
عليك بشقه باكدال
حواليك كل شيء
اذا انتو شله تقدر تأجر فله وتستمتع فيها بحي الرياض او السويسي

اذا حبيت تتمشى عندك المارينا حاجه جميله ورايقه
وعندك بشارع النخيل مكان اسمه محج الرياض
ممشى حلو ومطاعمه والكوفيهات الي فيه تشرح الصدر,,
لا تنسى تروح لقلعة الودايه وتشرب اتاي في المقهى المشهور فيها
تمشى في شارع محمد الخامس وما يمنع تكمل وتدخل سويقه(سوق واقف عندنا)
وعندك الله مكثر المطاعم المغربيه واسعارها معقوله مثل دار الناجي
وبالنسبه لتنقلاتك عليك بالترام(الترامواي) نظيف وسهل استخدامه
واذا انت من محبي الشوي عليك بمنطقة بوزنيقه ومطاعم العرجات
فيهم شوي على كيف كيفك.. واذا كنت بأقدال قريب منك مطعم عند الوزاني..فيه مشاوي

اتمنى لك رحله ممتعه