المسافرون الى المغرب التواصل بين الاعضاء المغادرين الى المغرب او المتواجدين هناك

السفر للمغرب، الخوي، والسكن

الرويال · 2015-09-09T00:49:04+00:00

مساء الخير يااخوان يعلم الله اني اكتب هالموضوع كرد فعل من بعض الأشياء والمواضيع الي تصير مع الشباب الي مسافرين للمغرب والي تقهر. النصيحة الاولى-السكن السكن تراك مانت محدود على منتجعات او فنادق معينه بسبب الأمان والي تدفع ضعف الشقه في موقع اجمل وأريح واشرح. انت بس ابعد عن تجمع الخليجيين في السكن وأمورك في السمبتيك. وعندك الف ابليكيشن وموقع تحجز وانت مرتاح. والفلوس الزايده من فرق السعر عن المنتجعات خل ربعها او نصها إكراميه إذ قروشك الدرك وحط خطين تحت إذا. النصيحة الثانيه-الخوي لاحظت كثير من الشباب يطلبو اخوياء في السفر وهذي فيها إيجابيه وإشكالية مع اني دائم كل مااسافر اجي وادور الخوي هنا وغالبا التجربه كانت افضل من ممتازه والقى خويا طحاطيح وأحيانا يجيك واحد تشك ان فيه نفسيه. بس مثل ماقلت لكم الخيار دائم لي اذا ماجاز لي الرجال اعتذرت منه لاني ماراح اسكن معه لكن فقط سهر واحرصو على هالنقطه يااخوان مو اي واحد تسكن معه حدها سهر براء واذا جوكم عليل مافيه اشكاليه سكن سوا هي كلها كم يوم اصلا. النصيحة الثالثه-مو كل ليل سهر جرب يوم رحله بحريه، او قفز مضلي، او رحله سفاري في المناطق القريبه وجرب أكل البسطاء هذي متعه بحد ذاتها اولا وفرت و ثانيا أوسعت مداركك ان الوناسه ممكن تصير شي ثاني غير السهر. بالاضافة الى تنويع انشطتك. النصيحة الرابعه-لاتبخشش الا من قدم لك خدمه من طيبه نفس ولم يتوقع انك سوف تكرمه هذي هي الي تحس انك تكرمه لوجه الله. ولا الباقيين الي يبثرك يبي بخشيش دخل إصبعك في عينه. النصيحة الخامسة-صلاتك صحيح ان الغالب يبي يستأنس ويشطح بس مهما كان لاتقطع كل الحبال مع خالقك في الرخاء ورتب وضعك مع اخذ الصلاه في الحسبان كل يوم. على كل حال انا انشالله الاسبوع القادم في مراكش واغادير الله يحيي الي يبي يتعرف ونطلع سواء. مر من هنا الملكي

فيتا

مزعوط خبير

المشاركات: 3,396

تاريخ التسجيل: Aug 2015

2015-09-09, 04:20 PM

المشاركه #11

الله لايحوجنا للتعارف بهالطريقة انا اسافر لوحدي ولا اتكلم مع احد الا اذا سألني ولا استفسر مني غير كده الله يستر عليه لايسهر معايا ولا يسكن معايا فلوسي وجوازي في جيبي ولا اني محتاج خوي بعد الله حتى الجيران مااكلمهم اخلص اشغالي وسهراتي لوحدي والسبب اني اسافر لوحدي مااحب اخد رأي احد اسوي اللي في راسي ولله الحمد والسفريه الجايه ان شاءالله افكر اجلس شهر وبرضوا لوحدي ههههههههه لاتقولوا نفسيه عندي طيوري يجلسوا معايا طول السفريه اما اني ادور خوي كثر منها

المواضيع المتشابهه للموضوع: السفر للمغرب، الخوي، والسكن
الموضوع	آخر مشاركة
بخصوص السفر للمغرب والسكن و الخ ...	2022-09-26 12:54 PM
السفر للمغرب	2021-10-17 11:18 PM
السفر الاسبوع القادم والسكن	2018-04-01 02:16 AM
مزعوط جديد حايس بترتيبات السفر والسكن	2016-04-17 11:58 AM
ميزانيه السفر والسكن بمراكش	2015-10-21 06:45 PM