هل التأمين الشامل للسيارات في المغرب كذبة كبرى؟!

انا يوم رحت قلت بكم الاكسنت قال اخر شي 470 درهم مدة تسع ايام قلت ابي تامين شامل بنسبة خمسه بالميه قال تدفع زود 485 درهم دفعت له حق المده كامله
وفيه شي مستغرب منه الي الان
يوم دقيت عليه وانا متوجه الي المطار حتي يستلم السيارة مني قال انت حللت أم أم السياره قصده كرفتها كرف يقصد حللت قيمة الزياده حقت الخمسه بالميه 485درهم
طبعا يقصد اني مشيت بالسيارة فوق 3300كيلو بتسع ايام
انا هنا نطت عيوني بنص راسي
وش عرفه اني ماشي هالمسافه !!!
هل هو مركب علي سيارة جهاز تتبع !!!!
بصراحه الي اللحين ماحصلت اجابه
طبعا هو سالته لكنه تهرب من الاجابه
السوال وش رايكم بزياة اخذه للتامين وكتابته يدويه علي العقد تامين شامل خمسه بالميه
ووش رايكم بسالفة معرفته كم قطعت السيارة وانا توي ماسلمته اياه!!!!!!

سعرها مايتعدى450 الاكسنت .
مايحق له ياخذ زود وشكله عامل في المكتب وحطه بجيبه الزياده.
عن نفسي سالفة التأمين الشامل خرررطي ونسبة 5 او10 الخ ماتفرق اهم شي يكون على السياره تأمين وبس ولادقق في سالفة ال5 و10.
بخصوص معرفته كم مشيت فيه عداد يصفره اذا سلمك السياره واذا رجعت يبين عدد الكيلوات اللي قطعتها...
التأمين الشامل الصحيح تلقاه بااوروبا وامريكا.

والسعوديه عند بدجت من واقع تجربه

انا عارف انه ماتتعدي 450 بس اخذته بزود عشرين لاني ماحصلت اكسنت ديزل تماتيك
الشي الثاني هو اخذ زييادة مقطوعه مبلغ لحاله وهو 485 درهم حق يقول التامين الشامل نسبة الخمسه بالميه

اما سالفة معرفته بالمسافه المقطوعه هو قال لي هالكلام وهو توه مابعد شاف ولا استلم السيارة لاني دقيت علي وانا وسط كازا متوجه الي اللمطار
يعني مايدري الا اذا هو جني او جهاز او اي شي مادري وشو !!!!

مركب جهاز تتبع يباع عندنا بالرياض ب700 ريال..اجل جني هههههههههههه

السلام عليكم مكاتب تاجير السيارات تختلف نسبة التامين من مكتب الى مكتب اعلى نسبة 5% ماكينش تامين شامل بالنسبة لسعر السيارة الاكسنت يتراوح مابين 400 الى 450 موديل 2015 اما بخصوص الج بي اس منزلة تقريبا بكل السيارات الحديتة يسمح بتتبع السيارة وحتى تسجيل العداد ويسمح بتوقيق السيارة وعدم تشغيلها ومعرفة موقعها

اخي العزيز ياليت تعطيني اجابة واضحه عن لو قدر الله حادث وكنت انا المخطيء وقدروا اصلاح سيارتي ب10 الاف درهم ..وانا مؤمن تأمين الشامل بنسبة تحمل 5 بالمية ..كم اتحمل في هذه الحاله؟

حريصون على حقهم ولا يوفون الناس حقها
انا استاجر سيارة من مكتب تاجير ومعروف مكاتب التأجير بكل العالم السيارات لاتنزل بالخدمة الا بعد التأمين عليها من قبل مكتب التأجير فلماذا تحديد النسبة والشجع بسحب مابجيب السائح بفرض نسب تخصكم وهي بالأصل مأمن عليها اجباري الا اذا كانت المغرب بنظام يختلف عن دول العالم هذا شي اخر انا كنت اعمل بوكالة سيارات وعملت على التأمين 4 سنوات واعرف ان التأمين الشامل الزامي باكثر الدول لمكاتب التأجير فلماذا تحديد نسبة 5 بالمئة او 10 بالمئة نظام منشار اكل على الجهتين

تحياتي لصاحب الموضوع ابو صلاح

2500 درهم والخسارة الخبير لي راح يقيم الخسارة ماشي صاحب المكتب

معناتها نسبة التحمل 25 بالمية!!!
ليش تقولون 5 بالمية بس.
عموما شاكر ومقدر تجاوبك انا هنا قطعت الشك باليقين.