أكادير باختصاري!!

نتشرف فيكك اخوي بند ومرورك الأجمل

اعذرني اخوي فلالي وعزيزي القارىء على تقارب الأسطر لكني اول مره اكتب تقرير بحياتي وان شاء الله في قادم التقارير راح تكون اكثر تنسيق

الله يعطيك العافيه تقرير جميل جدا ومختصر ومفيد ومبسط ومعلومات قيمه شكرًا على التقرير بس بسالك كم كلفتك السفره كامل من الى وشكرا لك

هلا فيك اخوي محمد الدمام انا جلست ١٣ يوم كلفتني السهر مع السكن مع المشاوير وكل ابو شي تقريبا ٢١ الف ريال وعايش أحلى ما يكون طبعا من دون تذاكر السفر تقريبا صرفي اليومي ١٥٠٠ ريال شامل كل شي..

صرفك ممتاز وجميل اهنيك يابطل اهم شي انك انبسطت وبدون مجامله لك وللاعضاء من ابسط التقارير وافيدها تقريرك أتمنى من اداره المنتدى تثبيت التقرير ... دمتم بخير

تقرير كفى ووفى.

يسلم لي قلبك اخوي محمد الدمام

نتشرف بمرورك خوي ابو مهند وان شاء الله الجميع يستفيد من التقرير

بيض الله وجهك تقرير أكثر من رائع جمعت في كل شي يحتاجه الشخص في اقادير - ومن أسباب وصول مصروفك الى هذا الرقم اولا/ السعر برا باستمرار ثانيا/ كونك لوحدك ولو كان معك خوي كان انبسطت أكثر والمصروفات اقسم على اثنين - جربت السفر لوحدي أكثر من اربع ايام مقدر اوسوس اي احد يرد علي الصوت - بحكم خبرتي وسفري للمغرب الخوي ضروري جدا من كل الجهات حتى لو قدر الله حصل للواحد شي يكون معه خوي .
ربي يسعدك وأكرر شكري وتقديري لك ياكبتن

__________________

هلا بك اخوي معماري بالنسبه لي عندي اصحاب مغاربه ومحترمين شرواك وشروى الجميع واغلب الوقت ادا سهرنا نتقاسم الطاولة وسبحان الله جوهم على جو الخليجيين مطنوخين ومجانين بنفس الوقت ومعروف بالمغرب مستحيل تجلس وحدك وهذا ميزتها للوحداني واللي يحب يعرف ناس ومعارف جديده راح تعجبه المغرب وصراحة انا أحب أخذ كامل حريتي بكل شي وما أحب الارتباط مع أشخاص الا وقت السهر لان بالأصل يومي مشغول اصحى الساعه ٣ العصر الساعه ٥ الأكل جاهز بعدها اطلع الجيم لمده ساعتين بعدها اروح كووفي أروق شوي وما تدري الا الساعه ١٠ بعدها دردشه مع الحبايب بعدها سهر ولازم يصير فيه ايام off تطلع فيها البحر أو تروح تغازوت او جبل القصبه وتراوح الأماكن الشعبية عشان تشتاق للسهر وما تمل..