تاخر العفش والشناط على طيران الاتحاد ..شاركنا تجربتك

نساي · 2015-10-29T21:25:22+00:00

تاخر العفش يوم واحد ... انا صارت معاي كانت الرحله الدمام -ابوظبي -كازا -اغادير ..قصيت البوردينق في مطار الدمام وسالت الموظف وين استلام الشنطه قال اغادير ..توكلت على الله الترانزيت كان في ابوظبي اقل من ساعه وصلت ابو ظبي على طول ركبت الطياره حتى ماامداني امر السوق الحره وصلت 1 والاقلاع 2 ودخلت الطياره وفيه ركاب جالسين يعني كانت فاتحه قبل مااوصل طال عمري ..وكان معاي ركاب برضوه وصلت اغادير ماحصلت الشنطه قدمت بلاغ عند المكتب حق العفش واخذ معلوماتي وقال نتصل عليك او نرسلك رساله وعطاني رقم قال تقدر تدق عليه وتستفسر .. مشيت للفندق ومسكت الايباد وفتحت صفحه طيران الاتحاد وقدمت شكوى وسويت طلب وارسلت ايميل كل شي سويته .. تواصلت مع اتحاد الطيران قالوا التعويض تتحمله الخطوط المغربيه لان الرحله الاخيره الداخليه كانت عليها مع ان التذاكر والحجز كان كله من اتحاد ..سالت السواق الي اخذني من المطار قال عادي دايم تصير والمغربيه بس تعوضك حق التاكسي واحمد ربك بعد.. بس لازم تجيب فاتوره حقت التاكسي الي بيوديك ويجيبك للمطار لاستلام الشنطه اليوم الثاني جتني رساله ان الشنطه وصلت لمطار اغادير رحت واستلمتها ..واخذت فاتوره من التاكسي عطاني تقرير وقال تمر اي مكتب للخطوط الملكيه ويعوضونك 400 درهم حق التاكسي رايح جاي الموضوع الثاني كان معي بطاقه امريكان اكسبريس وفيها تامين على الرحلات الي تحجز فيها بنفس التذكره برضه راسلتهم قالوا لي جب اثبات ومحضر ان الشنطه تاخرت ونعوضك بس الي كنت ماعرفه ان التعويض تشتري اغراض وملابس بنفس البطاقه الاكسبريس وترسلهم الفواتير مع الوصولات المشكله اني شريت اغراض من زارا بس مايقبلون الدفع بالاكسبريس بس فيزا راسلتهم وكلمتهم بالاخير رفضوا الطلب ..قلت لهم مافي طيب نقط بيع تستقبل بطاقتكم قالوا دور المهم انها ضاعت حوالي التعويض كان اذا تاخرت الشناط اكثر من 8 ساعات يتحملونمشتروات الملابس والمساحيق والصابون وعطور الاساسيه لغاية مبلغ 400 دولار .."نصا من العقد حقهم " اول شي تعلمته اني اخذ شنطتين معي وحده صغيره فيها اغراض حقت يومين ادخلها بالكابينه حقت الطياره الثاني اذا كان معي بطاقة اكسبريس او فيزا فيها تامين على السفر ..اشتري فيها الاغراض وارسلهم الفواتير "بس ضروري تكون التذاكر مشتراه بنفس البطاقه نفس اليوم سبحان الله حصلت واحد اعرفه مبطي ماشفته وتقابلنا بالفندق..سالني وين وين علمته موضوعي قال اكيد اتحاد قلت بسم الله وش عرفك قال اركب خلنا نروح للمويد واعلمك قلت ماعندي ملابس وابي اخذ شور واحس اني معفن قال اعطيك من ملابسي.. وين ملابسك انا نحيف وانت ماشاء.. المهم قال انا صارت لي بس انا عضويه ذهبيه اتحاد وطلبتمن الموظف وقت البوردينق "بيرورتري "افضليه يعني كرت "تاق" ينحط على الشنطه يعني شنطتي تكون مع شناط البزنس والاولى بحكم اني عضويه ذهبيه ولي مميزات ..لا والي معي بنفس الرحله صار لهم زي ماصار لك بس هم كانوا على كازا وتاخرت يومين عشان التحويل وكذا ..طبعا هم رحلتهم قبلي بكم يوم ولا كان بيننا تنسيق جت صدفه كل شي .. االي صار معاه سوالف زي كذا يتحفنا ونتعلم ويتعلمون الاعضاء الباقين وشكرا لكم كثيرا ..مبطي ماكتبت موضوع بالمنتدى والمنتديات بشكل عام يبي لي ارجع ابربر عليكم

zgombi

مزعوط فضي

المشاركات: 903

تاريخ التسجيل: Mar 2014

الدولة: الكويت-المغرب

2015-10-30, 05:03 PM

المشاركه #1

مرتين اسافر على الاتحاد وتتاخر شنطي في كازا يقولو ماحملوها بالطياره تجي بكره ههههه
مرتين بعدها توبة وحولت على القطرية والتركية .

نساي

مزعوط مبتدء

المشاركات: 43

تاريخ التسجيل: Jul 2013

2015-10-31, 02:05 AM

المشاركه #2

بالنسبه للمسافرين من الدمام مافيه دايركت عشان كذا تضطر تروح على الاتحاد والاماراتيه والقطريه ..ومشكله الاتحاد ان رحلاتها خاصة الذهاب الترانزيت الوقت قليل توصل مطار ابوظبي ..الاماراتيه فيه وقت الترانزيت انا جربتها اخر مره والعفش وصل من الدمام لاقادير بدون تاخير بس كنت ماخذ احتياطي شنطه شحن وشنطه صغيره حقت اغراض يوم معي بالطياره ..بس مشكله الترانزيت بكازا اطول بحكم موعد وصول الطياره وجدول الرحلات ..

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تاخر العفش والشناط على طيران الاتحاد ..شاركنا تجربتك
الموضوع	آخر مشاركة
بخصوص السفر من السعوديه عن طريق طيران الاتحاد	2021-11-05 10:26 PM
ماهو نصيبك عند تاخر قدوم عفشك من كازا الى اغادير	2012-12-12 10:16 AM
عروض طيران الاتحاد	2012-05-12 01:17 PM
طيران الاتحاد	2012-01-27 03:56 PM
طيران الاتحاد ....??!!!	2011-12-27 01:05 PM

الساعة الآن 05:52 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تاخر العفش والشناط على طيران الاتحاد ..شاركنا تجربتك

روابط سريعه